---
title: "കൊണ്ടോട്ടിയിൽ ടെമ്പോ ട്രാവലറും ടിപ്പർ ലോറിയും കൂട്ടിയിടിച്ച് അപകടം; രണ്ടുപേർ മരിച്ചു, പത്ത് പേർക്ക് പരിക്ക്"
english_title: "Malappuram Kondotty Tempo Traveller And Tipper Lorry Accident Death 10 Injured"
publisher: "truevisionnews.com"
canonical_url: "https://truevisionnews.com/news/364136/malappuram-kondotty-tempo-traveller-and-tipper-lorry-accident-death-10-injured"
published_at: "2026-06-06T06:18:00+05:30"
category: "Kerala"
language: "ml"
image: "https://cf.zdn.im/img/truevisionnews.com/0/image-uploads/6a236ece60836_ACCIDENT_KONDOTTI.jpg"
keywords: ["Latest News", "Accident", "Death", "Malappuram"]
---

# കൊണ്ടോട്ടിയിൽ ടെമ്പോ ട്രാവലറും ടിപ്പർ ലോറിയും കൂട്ടിയിടിച്ച് അപകടം; രണ്ടുപേർ മരിച്ചു, പത്ത് പേർക്ക് പരിക്ക്

> **Lead Summary:** മലപ്പുറം: മലപ്പുറം കൊണ്ടോട്ടിയിൽ ടെമ്പോ ട്രാവലറും ടിപ്പർ ലോറിയും തമ്മിൽ കൂട്ടിയിടിച്ചുണ്ടായ ദാരുണമായ അപകടത്തിൽ രണ്ട് പേർക്ക് ജീവൻ നഷ്ടമായി. ട്രാവലർ ഡ്രൈവർ പാലക്കാട് വടവന്നൂർ സ്വദേശി രാജേഷും, പാലക്കാട് മുർകശംകുന്ന് വായനശാല സ്വദേശി രമണിയുമാണ് അപകടത്തിൽ മരിച്ചത്.

## Article Content

മലപ്പുറം: മലപ്പുറം കൊണ്ടോട്ടിയിൽ ടെമ്പോ ട്രാവലറും ടിപ്പർ ലോറിയും തമ്മിൽ കൂട്ടിയിടിച്ചുണ്ടായ ദാരുണമായ അപകടത്തിൽ രണ്ട് പേർക്ക് ജീവൻ നഷ്ടമായി. ട്രാവലർ ഡ്രൈവർ പാലക്കാട് വടവന്നൂർ സ്വദേശി രാജേഷും, പാലക്കാട് മുർകശംകുന്ന് വായനശാല സ്വദേശി രമണിയുമാണ് അപകടത്തിൽ മരിച്ചത്.

അപകടത്തിൽ പരിക്കേറ്റ 10 പേരെ കോഴിക്കോട് മെഡിക്കൽ കോളേജ് ആശുപത്രിയിൽ പ്രവേശിപ്പിച്ചു. പരിക്കേറ്റവരിൽ 5 പേരുടെ നില ഗുരുതരമായി തുടരുകയാണെന്ന് റിപ്പോർട്ടുകൾ വ്യക്തമാക്കുന്നു. അപകടം നടന്ന സമയത്ത് ട്രാവലറിൽ 27 യാത്രക്കാരും, ലോറിയിൽ 3 പേരുമാണ് ഉണ്ടായിരുന്നത്.

കൂട്ടിയിടിയുടെ ആഘാതം വളരെ വലുതായിരുന്നതിനാൽ ട്രാവലറിന്റെ മുൻവശം പൂർണമായും തകർന്നുപോയി.

സംഭവസ്ഥലത്ത് ഉടൻ തന്നെ പൊലീസും നാട്ടുകാരും എത്തിച്ചേരുകയും രക്ഷാപ്രവർത്തനങ്ങൾക്ക് നേതൃത്വം നൽകുകയും ചെയ്തു. അപകടം സംഭവിക്കാനുണ്ടായ കൃത്യമായ കാരണം എന്താണെന്ന് ഇതുവരെ വ്യക്തമായിട്ടില്ല.

### Related Links & Sources
- [Original Story Source](https://truevisionnews.com/news/364136/malappuram-kondotty-tempo-traveller-and-tipper-lorry-accident-death-10-injured)