---
title: "കഴക്കൂട്ടത്ത് കാറിൽ കടത്താൻ ശ്രമിച്ച 1,200 കിലോ നിരോധിത പുകയില ഉൽപ്പന്നങ്ങൾ പിടികൂടി; യുവാവ് അറസ്റ്റിൽ"
english_title: "1,200 kg of banned tobacco products seized while trying to smuggle them in a car in Kazhakoottum; Youth arrested"
publisher: "truevisionnews.com"
canonical_url: "https://truevisionnews.com/news/364041/1200-kg-of-banned-tobacco-products-seized-while-trying-to-smuggle-them-in-a-car-in-kazhakoottum-youth-arrested"
published_at: "2026-06-05T15:16:00+05:30"
category: "Kerala"
language: "ml"
image: "https://cf.zdn.im/img/truevisionnews.com/0/image-uploads/6a229b6e21ede_ARESTED.jpg"
keywords: ["Latest News", "Kazhakkoottam", "Tobacco Seizure", "Thiruvananthapuram Police"]
---

# കഴക്കൂട്ടത്ത് കാറിൽ കടത്താൻ ശ്രമിച്ച 1,200 കിലോ നിരോധിത പുകയില ഉൽപ്പന്നങ്ങൾ പിടികൂടി; യുവാവ് അറസ്റ്റിൽ

> **Lead Summary:** തിരുവനന്തപുരം: കഴക്കൂട്ടത്ത് കാറിൽ കടത്താൻ ശ്രമിച്ച 1,200 കിലോയോളം വരുന്ന നിരോധിത പുകയില ഉൽപ്പന്നങ്ങൾ പോലീസ് പിടികൂടി. സംഭവവുമായി ബന്ധപ്പെട്ട് കൊല്ലം കൊട്ടിയം സ്വദേശിയായ പ്രവീൺ എന്ന യുവാവിനെ പോലീസ് അറസ്റ്റ് ചെയ്തു. തിരുവനന്തപുരം സിറ്റി പോലീസ് കമ്മീഷണർക്ക് ലഭിച്ച കൃത്യമായ രഹസ്യവിവരത്തിന്റെ അടിസ്ഥാനത്തിലായിരുന്നു ഈ മിന്നൽ പരിശോധന.

## Article Content

തിരുവനന്തപുരം: കഴക്കൂട്ടത്ത് കാറിൽ കടത്താൻ ശ്രമിച്ച 1,200 കിലോയോളം വരുന്ന നിരോധിത പുകയില ഉൽപ്പന്നങ്ങൾ പോലീസ് പിടികൂടി. സംഭവവുമായി ബന്ധപ്പെട്ട് കൊല്ലം കൊട്ടിയം സ്വദേശിയായ പ്രവീൺ എന്ന യുവാവിനെ പോലീസ് അറസ്റ്റ് ചെയ്തു. തിരുവനന്തപുരം സിറ്റി പോലീസ് കമ്മീഷണർക്ക് ലഭിച്ച കൃത്യമായ രഹസ്യവിവരത്തിന്റെ അടിസ്ഥാനത്തിലായിരുന്നു ഈ മിന്നൽ പരിശോധന.

ദേശീയപാതയിലൂടെ വരികയായിരുന്ന പ്രതിയുടെ വാഹനം ഡാൻസാഫ് സംഘം പിന്തുടർന്ന് തടഞ്ഞുനിർത്തുകയായിരുന്നു. തുടർന്ന് നടത്തിയ പരിശോധനയിൽ കാറിന്റെ സീറ്റുകൾക്കടിയിലും ഡിക്കിയിലുമായി ഒളിപ്പിച്ച നിലയിൽ 26 ചാക്ക് പുകയില ഉൽപ്പന്നങ്ങൾ കണ്ടെടുത്തു. തലസ്ഥാന നഗരത്തിന്റെ വിവിധ ഭാഗങ്ങളിൽ വിതരണം ചെയ്യാനായി എത്തിച്ചതാണ് ഈ നിരോധിത ഉൽപ്പന്നങ്ങളെന്ന് പൊലീസ് വ്യക്തമാക്കുന്നു.

കസ്റ്റഡിയിലെടുത്ത പ്രതിയെയും പിടിച്ചെടുത്ത തൊണ്ടിമുതലുകളും തുടർനടപടികൾക്കായി കഴക്കൂട്ടം പൊലീസിന് കൈമാറി. ഈ കള്ളക്കടത്തിന് പിന്നിൽ വലിയൊരു ലഹരി മാഫിയ തന്നെ പ്രവർത്തിക്കുന്നുണ്ടെന്നാണ് പൊലീസിന്റെ നിഗമനം. കേസിൽ കൂടുതൽ ആളുകൾക്ക് പങ്കുണ്ടോ എന്നതിനെക്കുറിച്ച് കഴക്കൂട്ടം പൊലീസ് വിശദമായ അന്വേഷണം ആരംഭിച്ചിട്ടുണ്ട്.

### Related Links & Sources
- [Original Story Source](https://truevisionnews.com/news/364041/1200-kg-of-banned-tobacco-products-seized-while-trying-to-smuggle-them-in-a-car-in-kazhakoottum-youth-arrested)