---
title: " നിങ്ങളാരും മറുപടി പറയില്ലേ? വെള്ളാപ്പള്ളിയെ സന്ദർശിച്ചത് ശരിയോ? മാധ്യമങ്ങളുടെ ചോദ്യത്തിന് 'ലോക ക്ഷീരദിനാശംസകൾ' നേർന്ന് മന്ത്രി ബിന്ദു കൃഷ്ണയുടെ പരിഹാസം"
english_title: "Was it right to visit Vellappally? Minister Bindu Krishna mocks"
publisher: "truevisionnews.com"
canonical_url: "https://truevisionnews.com/news/363194/was-it-right-to-visit-vellappally-minister-bindu-krishna-mocks"
published_at: "2026-06-01T16:31:00+05:30"
category: "Kerala"
language: "ml"
image: "https://cf.zdn.im/img/truevisionnews.com/0/image-uploads/6a1c1d4f5b8b3_vellapalli.jpg"
keywords: []
---

#  നിങ്ങളാരും മറുപടി പറയില്ലേ? വെള്ളാപ്പള്ളിയെ സന്ദർശിച്ചത് ശരിയോ? മാധ്യമങ്ങളുടെ ചോദ്യത്തിന് 'ലോക ക്ഷീരദിനാശംസകൾ' നേർന്ന് മന്ത്രി ബിന്ദു കൃഷ്ണയുടെ പരിഹാസം

> **Lead Summary:** **തിരുവനന്തപുരം: ** വെള്ളാപ്പള്ളി നടേശനെ സന്ദർശിച്ച് അനു​ഗ്രഹം വാങ്ങിയത് സംബന്ധിച്ച മാധ്യമങ്ങളുടെ ചോദ്യത്തിന് പരിഹാസത്തോടെ മറുപടി നൽകി മന്ത്രി ബിന്ദു കൃഷ്ണ. മുൻസർക്കാരിന്റെ കാലത്ത് കോൺ​ഗ്രസ് വലിയ തോതിൽ‌ വിമർശിച്ച വെള്ളാപ്പള്ളിയെ സന്ദർശിച്ചത് ശരിയാണോ എന്ന് ചോദിച്ചപ്പോഴാണ് മാധ്യമങ്ങളെ പരിഹസിക്കുന്ന തരത്തിൽ അവർ പ്രതികരിച്ചത്.

## Article Content

**തിരുവനന്തപുരം: ** വെള്ളാപ്പള്ളി നടേശനെ സന്ദർശിച്ച് അനു​ഗ്രഹം വാങ്ങിയത് സംബന്ധിച്ച മാധ്യമങ്ങളുടെ ചോദ്യത്തിന് പരിഹാസത്തോടെ മറുപടി നൽകി മന്ത്രി ബിന്ദു കൃഷ്ണ. മുൻസർക്കാരിന്റെ കാലത്ത് കോൺ​ഗ്രസ് വലിയ തോതിൽ‌ വിമർശിച്ച വെള്ളാപ്പള്ളിയെ സന്ദർശിച്ചത് ശരിയാണോ എന്ന് ചോദിച്ചപ്പോഴാണ് മാധ്യമങ്ങളെ പരിഹസിക്കുന്ന തരത്തിൽ അവർ പ്രതികരിച്ചത്.

എല്ലാവർക്കും ലോക ക്ഷീരദിനാശംസകൾ എന്ന് മാത്രം പറഞ്ഞ് ചോദ്യത്തിൽ നിന്നും മന്ത്രി ഒഴിഞ്ഞുമാറുകയായിരുന്നു. മറുപടി വേണ്ട വിഷയമല്ലെ എന്ന് ചോദിച്ചപ്പോള്‍ വകുപ്പിനെ സംബന്ധിച്ച് മാത്രം ചോദിക്കാനും മന്ത്രി ആവശ്യപ്പെട്ടു.

ബിന്ദു കൃഷ്ണയുടെ വെള്ളാപ്പള്ളി സന്ദർശനത്തിന് പിന്നാലെ സോഷ്യൽ മീഡിയയിൽ മുതിർന്ന് കോണ്‍ഗ്രസ് നേതാക്കൾ അടക്കം ചേരിതിരിഞ്ഞുള്ള തർക്കം രൂക്ഷമാകുകയാണ്. വർ​ഗീയ പരാമർശം നടത്തിയ വെള്ളാപ്പള്ളിയെ കാണാൻ മന്ത്രി പോയത് ശരിയായില്ലെന്നാണ് കോൺ​ഗ്രസിനകത്ത് നിന്നുംതന്നെ വിമർശനം ഉയരുന്നത്.

### Related Links & Sources
- [Original Story Source](https://truevisionnews.com/news/363194/was-it-right-to-visit-vellappally-minister-bindu-krishna-mocks)