---
title: "കൊച്ചി കുമ്പളങ്ങിയിൽ മധ്യവയസ്കൻ വെട്ടേറ്റ് മരിച്ചു,സംഭവത്തിൽ രണ്ട് പേർ കസ്റ്റഡിയിൽ"
english_title: "Middle-aged man hacked to death in Kumbalangi, Kochi, two people in custody in the incident"
publisher: "truevisionnews.com"
canonical_url: "https://truevisionnews.com/news/362704/middle-aged-man-hacked-to-death-in-kumbalangi-kochi-two-people-in-custody-in-the-incident"
published_at: "2026-05-30T12:47:00+05:30"
category: "Kerala"
language: "ml"
image: "https://cf.zdn.im/img/truevisionnews.com/0/image-uploads/6a1a8f74bcd3e_CRIME_SCENE.jpg"
keywords: ["Latest News", "Murder Case", "Kumbalangi", "Kerala Police"]
---

# കൊച്ചി കുമ്പളങ്ങിയിൽ മധ്യവയസ്കൻ വെട്ടേറ്റ് മരിച്ചു,സംഭവത്തിൽ രണ്ട് പേർ കസ്റ്റഡിയിൽ

> **Lead Summary:** കൊച്ചി: എറണാകുളം കുമ്പളങ്ങിയിൽ മധ്യവയസ്കൻ വെട്ടേറ്റ് മരിച്ചു. തമിഴ്നാട് സ്വദേശി മാഹിൻ ആണ് കൊല്ലപ്പെട്ടത്. കുമ്പളങ്ങി മാർക്കറ്റിലെ പച്ചക്കറി കടയ്ക്കുള്ളിലാണ് ഇയാളുടെ മൃതദേഹം കണ്ടെത്തിയത്. ഇന്ന് പുലർച്ചെയോടെയാണ് ആക്രമണം നടന്നതെന്നാണ് പോലീസിന്റെ പ്രാഥമിക നിഗമനം.

## Article Content

കൊച്ചി: എറണാകുളം കുമ്പളങ്ങിയിൽ മധ്യവയസ്കൻ വെട്ടേറ്റ് മരിച്ചു. തമിഴ്നാട് സ്വദേശി മാഹിൻ ആണ് കൊല്ലപ്പെട്ടത്. കുമ്പളങ്ങി മാർക്കറ്റിലെ പച്ചക്കറി കടയ്ക്കുള്ളിലാണ് ഇയാളുടെ മൃതദേഹം കണ്ടെത്തിയത്. ഇന്ന് പുലർച്ചെയോടെയാണ് ആക്രമണം നടന്നതെന്നാണ് പോലീസിന്റെ പ്രാഥമിക നിഗമനം.

കുമ്പളങ്ങി പൊലീസ് സ്ഥലത്തെത്തി പരിശോധന നടത്തുകയാണ്. സിസിടിവി ദൃശ്യങ്ങൾ കേന്ദ്രീകരിച്ച് അന്വേഷണം ഊർജിതമാക്കി. കഴിഞ്ഞ ദിവസം രാത്രി മാഹിനും മറ്റ് രണ്ട് പേരും കടയ്ക്ക് സമീപമിരുന്ന് മദ്യപിച്ചിരുന്നു. ഇവർ തമ്മിലുള്ള വാക്കുതർക്കമാണ് കൊലപാതകത്തിലേക്ക് നയിച്ചതെന്നാണ് സൂചന.

മാഹിനൊപ്പമുണ്ടായിരുന്നെന്ന് കരുതുന്ന രണ്ട് പേരെ നിലവിൽ പൊലീസ് കസ്റ്റഡിയിലെടുത്തതായാണ് വിവരം. കുമ്പളങ്ങിയിലെ പച്ചക്കറി കടയ്ക്ക് സമീപം കുട നന്നാക്കി നൽകുന്ന തൊഴിലെടുത്ത് വരികയായിരുന്നു മാഹിൻ. പച്ചക്കറി കടയ്ക്ക് സമീപമുള്ള മുറിയിലാണ് താമസിച്ചിരുന്നത്. ഇവിടെയാണ് മാഹിനെ വെട്ടേറ്റ് മരിച്ച നിലയിൽ കണ്ടെത്തിയത്.

### Related Links & Sources
- [Original Story Source](https://truevisionnews.com/news/362704/middle-aged-man-hacked-to-death-in-kumbalangi-kochi-two-people-in-custody-in-the-incident)