---
title: "പെരുന്നാൾ കണ്ണീരായി ...:  നിയന്ത്രണ നഷ്ടപ്പെട്ട ട്രക്ക് പാഞ്ഞുകയറി അപകടം; ബാന്ദയിൽ ആറ് മരണം,  നാല് പേർക്ക് പരിക്ക് "
english_title: "content highlights:- Six killed in Banda truck accident after losing control"
publisher: "truevisionnews.com"
canonical_url: "https://truevisionnews.com/news/362235/content-highlights-six-killed-in-banda-truck-accident-after-losing-control"
published_at: "2026-05-28T08:54:00+05:30"
category: "National"
language: "ml"
image: "https://cf.zdn.im/img/truevisionnews.com/0/image-uploads/6a17b5a1b6ddd_accident.jpg"
keywords: []
---

# പെരുന്നാൾ കണ്ണീരായി ...:  നിയന്ത്രണ നഷ്ടപ്പെട്ട ട്രക്ക് പാഞ്ഞുകയറി അപകടം; ബാന്ദയിൽ ആറ് മരണം,  നാല് പേർക്ക് പരിക്ക് 

> **Lead Summary:** **ലക്നൗ: ** നിയന്ത്രണ നഷ്ടപ്പെട്ട ട്രക്ക് പാഞ്ഞുകയറി അപകടം . ആറ് പേർക്ക് ദാരുണാന്ത്യം. അപകടത്തിൽ നാല് പേർക്ക് ​ഗുരുതരമായി പരിക്കേറ്റു. ഉത്തർപ്രദേശിലെ ബാന്ദയിലാണ് സംഭവം .

## Article Content

**ലക്നൗ: ** നിയന്ത്രണ നഷ്ടപ്പെട്ട ട്രക്ക് പാഞ്ഞുകയറി അപകടം . ആറ് പേർക്ക് ദാരുണാന്ത്യം. അപകടത്തിൽ നാല് പേർക്ക് ​ഗുരുതരമായി പരിക്കേറ്റു. ഉത്തർപ്രദേശിലെ ബാന്ദയിലാണ് സംഭവം .

നിയന്ത്രണം വിട്ട ട്രക്ക് സമീപത്തെ സൈക്കിളുകളിലും റിക്ഷയിലും ഇടിച്ച് കയറുകയായിരുന്നു. ഇന്നലെ വൈകിട്ടാണ് അപകടമുണ്ടായത്. ട്രക്കിൻ്റെ നിയന്ത്രണം നഷ്ടപ്പെട്ടതോടെ റിക്ഷയിലേക്ക് വാഹനം ഇടിച്ച് കയറുകയായിരുന്നുവെന്നാണ് വിവരം. അപകടത്തിൽ കുരാഹി ഗ്രാമത്തിലെ താമസക്കാരായ മമത (48), രാകേഷ് (45), ഷഹബാസ് (12), നവീൻ (40) എന്നിവർ സംഭവസ്ഥലത്ത് വെച്ച് തന്നെ മരിച്ചെന്നാണ് പൊലീസ് പറയുന്നത്. റിക്ഷാ യാത്രക്കാരാണിവർ.

അപകടത്തിന് ശേഷം ട്രക്ക് ഡ്രൈവർ സംഭവസ്ഥലത്ത് നിന്ന് ഓടി രക്ഷപ്പെട്ടതായും പൊലീസ് പറഞ്ഞു. ഇയാളെ കണ്ടെത്താനുള്ള അന്വേഷണം പുരോ​ഗമിക്കുന്നതായും പൊലീസ് അറിയിച്ചു. മൃതദേഹങ്ങൾ പോസ്റ്റ്‌മോർട്ടം നടപടികൾക്കായി ആശുപത്രിയിലേക്ക് മാറ്റി.

### Related Links & Sources
- [Original Story Source](https://truevisionnews.com/news/362235/content-highlights-six-killed-in-banda-truck-accident-after-losing-control)