---
title: "ഇഡിക്കെതിരായ സിപിഎം പ്രവർത്തകരുടെ  ആക്രമണം: ഒരാൾ കൂടി പിടിയിൽ; ഐപി ബിനുവും ആറ്റുകാൽ ഉണ്ണിയും ഉൾപ്പെടെ ഒളിവിൽ"
english_title: "content highlights:- CPM activists attack ED officials, one more arrested"
publisher: "truevisionnews.com"
canonical_url: "https://truevisionnews.com/news/362234/content-highlights-cpm-activists-attack-ed-officials-one-more-arrested"
published_at: "2026-05-28T08:48:00+05:30"
category: "Kerala"
language: "ml"
image: "https://cf.zdn.im/img/truevisionnews.com/0/image-uploads/6a17b457e24f9_SFI.jpg"
keywords: []
---

# ഇഡിക്കെതിരായ സിപിഎം പ്രവർത്തകരുടെ  ആക്രമണം: ഒരാൾ കൂടി പിടിയിൽ; ഐപി ബിനുവും ആറ്റുകാൽ ഉണ്ണിയും ഉൾപ്പെടെ ഒളിവിൽ

> **Lead Summary:** **തിരുവനന്തപുരം: ** തലസ്ഥാനത്ത് എൻഫോഴ്സ്മെൻ്റ് ഡയറക്ടറേറ്റ് (ഇഡി) ഉദ്യോഗസ്ഥർക്കെതിരായ സിപിഎം പ്രവർത്തകരുടെ ആക്രമണത്തിൽ ഒരാൾ കൂടി പിടിയിൽ. നരുവാമൂട് സ്വദേശി കിരൺ ആണ് പിടിയിലായത്. ഇതോടെ പിടിയിലായവരുടെ എണ്ണം ആറായി. ബുധനാഴ്ച രാത്രിയോടെ അഞ്ചുപേരുടെ അറസ്റ്റ് പൊലീസ് രേഖപ്പെടുത്തിയിരുന്നു. കേസിൽ 40 സ്ഥലത്ത് പരിശോധന നടത്തിയതായി പൊലീസ് അറിയിച്ചു.

## Article Content

**തിരുവനന്തപുരം: ** തലസ്ഥാനത്ത് എൻഫോഴ്സ്മെൻ്റ് ഡയറക്ടറേറ്റ് (ഇഡി) ഉദ്യോഗസ്ഥർക്കെതിരായ സിപിഎം പ്രവർത്തകരുടെ ആക്രമണത്തിൽ ഒരാൾ കൂടി പിടിയിൽ. നരുവാമൂട് സ്വദേശി കിരൺ ആണ് പിടിയിലായത്. ഇതോടെ പിടിയിലായവരുടെ എണ്ണം ആറായി. ബുധനാഴ്ച രാത്രിയോടെ അഞ്ചുപേരുടെ അറസ്റ്റ് പൊലീസ് രേഖപ്പെടുത്തിയിരുന്നു. കേസിൽ 40 സ്ഥലത്ത് പരിശോധന നടത്തിയതായി പൊലീസ് അറിയിച്ചു.

അക്രമത്തിൽ ഉൾപ്പെട്ട തിരുവനന്തപുരം കോർപറേഷൻ മുൻ കൗൺസില‍ർമാരായ ഐപി ബിനു, ആറ്റുകാൽ ഉണ്ണി എന്നിവ‍ർ ഉൾപ്പെടെ ഉള്ള മറ്റ് പ്രതികൾ ഒളിവിലാണ്. ഇവരുടെ വീടുകളിലും പൊലീസ് പരിശോധന നടത്തി. നിലവിൽ വധശ്രമം അടക്കമുള്ള വകുപ്പുകൾ ചുമത്തിയാണ് പൊലീസ് കേസെടുത്തിരിക്കുന്നത്.

സിപിഎം പ്രവർത്തകർക്കെതിരെ മറ്റൊരു കേസ് കൂടി രജിസ്റ്റർ ചെയ്യും. പൊലീസിനെ ആക്രമിച്ചതിനാണ് മറ്റൊരു കേസ് കൂടി രജിസ്റ്റർ ചെയ്യുക. അറസ്റ്റിലായ അഞ്ച് സിപിഎം പ്രവർത്തകരെ ഇന്ന് റിമാൻഡ് ചെയ്യും.

അതേസമയം പൊലീസിന് ഗുരുതര വീഴ്ചയുണ്ടായെന്നാണ് കേന്ദ്ര രഹസ്യാന്വേഷണ വിഭാഗത്തിൻ്റെ വിലയിരുത്തൽ. ഇഡി ഉദ്യോഗസ്ഥർക്കെതിരായ ആക്രമണത്തിൽ കേന്ദ്ര ആഭ്യന്തരമന്ത്രിയും ധനമന്ത്രിയും റിപ്പോർട്ട് തേടിയിട്ടുണ്ട്. ഇഡി ഡയറക്ടർ രണ്ടു മന്ത്രാലയങ്ങൾക്കും റിപ്പോർട്ട് നൽകി.

### Related Links & Sources
- [Original Story Source](https://truevisionnews.com/news/362234/content-highlights-cpm-activists-attack-ed-officials-one-more-arrested)