---
title: "വിമാനത്തിനുള്ളിൽ പുക; അടിയന്തരമായി പുറത്തിറക്കിയ യാത്രക്കാർക്ക് ചിറകിലൂടെ നടക്കേണ്ടി വന്നു; ഇൻഡിഗോയ്ക്ക് ഗുരുതര സുരക്ഷാവീഴ്ച"
english_title: " Content highlight:- Smoke inside the plane; Emergency passengers had to walk along the wing; Serious safety lapse for IndiGo"
publisher: "truevisionnews.com"
canonical_url: "https://truevisionnews.com/news/362168/content-highlight-smoke-inside-the-plane-emergency-passengers-had-to-walk-along-the-wing-serious-safety-lapse-for-indigo"
published_at: "2026-05-27T16:39:00+05:30"
category: "Kerala"
language: "ml"
image: "https://cf.zdn.im/img/truevisionnews.com/0/image-uploads/6a16d1527226f_TYTU.jpg"
keywords: ["LATEST NEWS", "IndiGo", "Smoke"]
---

# വിമാനത്തിനുള്ളിൽ പുക; അടിയന്തരമായി പുറത്തിറക്കിയ യാത്രക്കാർക്ക് ചിറകിലൂടെ നടക്കേണ്ടി വന്നു; ഇൻഡിഗോയ്ക്ക് ഗുരുതര സുരക്ഷാവീഴ്ച

> **Lead Summary:** ബെംഗളൂരു:**[ **ബെംഗളൂരുവിൽ നിന്ന് ചെന്നൈയിലേക്ക് പുറപ്പെടാനിരുന്ന ഇൻഡിഗോ വിമാനത്തിനുള്ളിൽ പുക ഉയർന്നതിനെ തുടർന്ന് യാത്രക്കാരെ അടിയന്തരമായി ഒഴിപ്പിച്ചു. എന്നാൽ, ഒഴിപ്പിക്കലിനിടെ വിമാനത്തിന്റെ അടിയന്തര എക്സിറ്റ് സ്ലൈഡ് തുറക്കാതിരുന്നതിനെ തുടർന്ന് യാത്രക്കാർക്ക് വിമാനത്തിന്റെ ചിറകിലൂടെ നടക്കേണ്ടി വന്നത് വലിയ പരിഭ്രാന്തി പരത്തി. അപകടകരമായ ഈ സാഹചര്യത്തിന്റെ ദൃശ്യങ്ങൾ വിമാനത്തിലുണ്ടായിരുന്ന ഒരു യാത്രക്കാരൻ എക്സിൽ പങ്കുവെച്ചു.

## Article Content

ബെംഗളൂരു:**[ **ബെംഗളൂരുവിൽ നിന്ന് ചെന്നൈയിലേക്ക് പുറപ്പെടാനിരുന്ന ഇൻഡിഗോ വിമാനത്തിനുള്ളിൽ പുക ഉയർന്നതിനെ തുടർന്ന് യാത്രക്കാരെ അടിയന്തരമായി ഒഴിപ്പിച്ചു. എന്നാൽ, ഒഴിപ്പിക്കലിനിടെ വിമാനത്തിന്റെ അടിയന്തര എക്സിറ്റ് സ്ലൈഡ് തുറക്കാതിരുന്നതിനെ തുടർന്ന് യാത്രക്കാർക്ക് വിമാനത്തിന്റെ ചിറകിലൂടെ നടക്കേണ്ടി വന്നത് വലിയ പരിഭ്രാന്തി പരത്തി. അപകടകരമായ ഈ സാഹചര്യത്തിന്റെ ദൃശ്യങ്ങൾ വിമാനത്തിലുണ്ടായിരുന്ന ഒരു യാത്രക്കാരൻ എക്സിൽ പങ്കുവെച്ചു.

6E6017 എന്ന ഇൻഡിഗോ വിമാനത്തിലാണ് സംഭവം നടന്നത്. വിമാനത്തിന്റെ വലതുഭാഗത്തെ ഓവർവിംഗ് എക്സിറ്റിലുള്ള ഇൻഫ്ലേറ്റബിൾ സ്ലൈഡ് (താഴേക്ക് ഇറങ്ങാനുള്ള എയർ ബെഡ്) കൃത്യസമയത്ത് തുറന്നില്ലെന്ന് യാത്രക്കാരനായ ദീപൻ കണ്ണൻ എക്സിൽ കുറിച്ചു. സ്ലൈഡ് തുറക്കാത്തതിനാൽ പുറത്തിറങ്ങിയ ആളുകൾക്ക് ചിറകിൽ കുടുങ്ങേണ്ടി വന്നെന്നും, പിന്നീട് പുറത്തുകടക്കാനായി ഇവർക്ക് വീണ്ടും വിമാനത്തിനുള്ളിലേക്ക് തന്നെ തിരികെ കയറേണ്ടി വന്നെന്നും ദൃശ്യങ്ങൾ വ്യക്തമാക്കുന്നു.

അടിയന്തര ഘട്ടത്തിലുണ്ടായ ഈ ഗുരുതര സുരക്ഷാവീഴ്ചയെക്കുറിച്ച് കൃത്യമായ അന്വേഷണം വേണമെന്ന് ദീപൻ വ്യോമയാന അധികൃതരോട് ആവശ്യപ്പെട്ടു. പരിഭ്രാന്തിയിലായ യാത്രക്കാർ ചിറകിൽ നിന്ന് താഴെ വീണ് വലിയ അപകടം ഉണ്ടാകാൻ ഇത് കാരണമാകുമായിരുന്നുവെന്നും, വിമാനത്തിനുള്ളിൽ പുക ഉയർന്നതിന്റെ ഭയത്തിൽ നിന്ന് താൻ ഇപ്പോഴും മുക്തനായിട്ടില്ലെന്നും അദ്ദേഹം കൂട്ടിച്ചേർത്തു. യാത്രക്കാർ വിമാനത്തിന്റെ ചിറകിൽ നിൽക്കുന്ന ദൃശ്യങ്ങൾ ഇപ്പോൾ സോഷ്യൽ മീഡിയയിൽ വ്യാപകമായി പ്രചരിക്കുന്നുണ്ട്.

### Related Links & Sources
- [Original Story Source](https://truevisionnews.com/news/362168/content-highlight-smoke-inside-the-plane-emergency-passengers-had-to-walk-along-the-wing-serious-safety-lapse-for-indigo)