---
title: "പഞ്ചസാര ഒഴിവാക്കിയതുകൊണ്ട് മാത്രം പ്രമേഹത്തെ തടയാനാകുമോ? അറിയേണ്ട കാര്യങ്ങൾ"
english_title: "Content highlight:- Can diabetes be prevented just by cutting out sugar? Things you need to know"
publisher: "truevisionnews.com"
canonical_url: "https://truevisionnews.com/news/362091/content-highlight-can-diabetes-be-prevented-just-by-cutting-out-sugar-things-you-need-to-know-NEW"
published_at: "2026-05-27T12:25:00+05:30"
category: "Health"
language: "ml"
image: "https://cf.zdn.im/img/truevisionnews.com/0/image-uploads/698fce78704e8_sugar.jpg"
keywords: ["HEALTH", "sugar", "Diabetes"]
---

# പഞ്ചസാര ഒഴിവാക്കിയതുകൊണ്ട് മാത്രം പ്രമേഹത്തെ തടയാനാകുമോ? അറിയേണ്ട കാര്യങ്ങൾ

> **Lead Summary:** **[**പ്രമേഹത്തെ പേടിച്ചും ശരീരഭാരം കുറയ്ക്കാനുമായി ചായയിലും കാപ്പിയിലും പഞ്ചസാര പൂർണ്ണമായും ഒഴിവാക്കുന്നവർ ഇന്ന് ഏറെയാണ്. എന്നാൽ, ഭക്ഷണത്തിൽ നിന്ന് മധുരം ഒഴിവാക്കിയതുകൊണ്ട് മാത്രം പ്രമേഹം പൂർണ്ണമായി നിയന്ത്രിക്കാനാകില്ലെന്നാണ് ആരോഗ്യവിദഗ്ധർ പറയുന്നത്. മധുരത്തിന്റെ അളവ് കുറയ്ക്കുന്നതിനൊപ്പം വ്യക്തിയുടെ ഉറക്കം, മാനസിക സമ്മർദ്ദം, വ്യായാമം, കൃത്യമായ ഭക്ഷണക്രമം എന്നിവയും ആരോഗ്യത്തെ നേരിട്ട് ബാധിക്കുന്ന ഘടകങ്ങളാണ്.

## Article Content

**[**പ്രമേഹത്തെ പേടിച്ചും ശരീരഭാരം കുറയ്ക്കാനുമായി ചായയിലും കാപ്പിയിലും പഞ്ചസാര പൂർണ്ണമായും ഒഴിവാക്കുന്നവർ ഇന്ന് ഏറെയാണ്. എന്നാൽ, ഭക്ഷണത്തിൽ നിന്ന് മധുരം ഒഴിവാക്കിയതുകൊണ്ട് മാത്രം പ്രമേഹം പൂർണ്ണമായി നിയന്ത്രിക്കാനാകില്ലെന്നാണ് ആരോഗ്യവിദഗ്ധർ പറയുന്നത്. മധുരത്തിന്റെ അളവ് കുറയ്ക്കുന്നതിനൊപ്പം വ്യക്തിയുടെ ഉറക്കം, മാനസിക സമ്മർദ്ദം, വ്യായാമം, കൃത്യമായ ഭക്ഷണക്രമം എന്നിവയും ആരോഗ്യത്തെ നേരിട്ട് ബാധിക്കുന്ന ഘടകങ്ങളാണ്.

മണിക്കൂറുകളോളം ഒരേയിരുപ്പ് ഇരുന്ന് ജോലി ചെയ്യുന്നവരിലും വ്യായാമമില്ലാത്തവരിലും മെറ്റബോളിസം തകരാറിലാകാൻ സാധ്യതയേറെയാണ്. ഇത്തരം ഉദാസീനമായ ജീവിതശൈലി ശരീരത്തിൽ ഇൻസുലിന്റെ പ്രവർത്തനത്തെ മന്ദഗതിയിലാക്കുകയും പ്രമേഹ സാധ്യത 22 ശതമാനം വരെ വർധിപ്പിക്കുകയും ചെയ്യുന്നു. കൂടാതെ ഇത് ഉയർന്ന രക്തസമ്മർദ്ദത്തിനും കൊളസ്ട്രോളിനും കാരണമാകുന്നുണ്ട്.

ഫോൺ ഉപയോഗം കാരണം പലർക്കും ഇന്ന് കൃത്യമായ ഉറക്കം ലഭിക്കാറില്ല. വൈകി ഉറങ്ങുകയും നേരത്തെ ഉണരുകയും ചെയ്യുന്നത് ശരീരത്തിന്റെ ഗ്ലൂക്കോസ് ടോളറൻസ് കുറയ്ക്കുമെന്നാണ് പഠനങ്ങൾ വ്യക്തമാക്കുന്നത്. ഉറക്കക്കുറവ് മൂലം ഇൻസുലിന്റെ ഉത്പാദനം കുറയുകയും, സമ്മർദ്ദ ഹോർമോണായ കോർട്ടിസോൾ വർധിക്കുകയും ചെയ്യും. വിട്ടുമാറാത്ത മാനസിക സമ്മർദ്ദം മൂലം കോർട്ടിസോൾ അളവ് കൂടുമ്പോൾ കരൾ കൂടുതൽ ഗ്ലൂക്കോസ് രക്തത്തിലേക്ക് പുറത്തുവിടുകയും ഇത് ടൈപ്പ് 2 പ്രമേഹത്തിലേക്ക് നയിക്കുകയും ചെയ്യുന്നു.

പാക്കറ്റ് ഭക്ഷണങ്ങളിൽ 'പഞ്ചസാര രഹിതം' (Sugar-Free) എന്ന് എഴുതിയിട്ടുണ്ടെങ്കിലും അവയിൽ കാർബോഹൈഡ്രേറ്റുകൾ അടങ്ങിയിട്ടുണ്ടാകാം. കൂടാതെ ശുദ്ധീകരിച്ച മാവ് (മൈദ), സംസ്കരിച്ച എണ്ണകൾ എന്നിവയും ഗ്ലൂക്കോസ് നിലയെ ബാധിക്കും. അതിനാൽ ഇത്തരം ഭക്ഷണങ്ങൾക്ക് പകരം നാരുകൾ അടങ്ങിയ പഴങ്ങൾ, പച്ചക്കറികൾ, സാലഡുകൾ, ധാന്യങ്ങൾ എന്നിവ ഭക്ഷണത്തിൽ ഉൾപ്പെടുത്തണം. പ്രമേഹത്തെ അകറ്റി നിർത്താൻ മധുരം ഒഴിവാക്കുന്നതിനൊപ്പം ചിട്ടയായ ഉറക്കവും പതിവ് വ്യായാമവും മാനസിക സമ്മർദ്ദം കുറയ്ക്കലും നിർബന്ധമാക്കേണ്ടതുണ്ട്.

### Related Links & Sources
- [Original Story Source](https://truevisionnews.com/news/362091/content-highlight-can-diabetes-be-prevented-just-by-cutting-out-sugar-things-you-need-to-know-NEW)