---
title: "കുരയ്ക്കാൻ മാത്രമല്ല വെടിവെക്കാനും അറിയാം! നെബ്രാസ്കയിൽ നായ അബദ്ധത്തിൽ തോക്ക് പ്രവർത്തിപ്പിച്ചു; വഴിയാത്രക്കാരിക്ക് വെടിയേറ്റു"
english_title: "content highlights:- Passerby shot after dog accidentally activates gun"
publisher: "truevisionnews.com"
canonical_url: "https://truevisionnews.com/news/361881/content-highlights-passerby-shot-after-dog-accidentally-activates-gun"
published_at: "2026-05-26T13:24:00+05:30"
category: "International"
language: "ml"
image: "https://cf.zdn.im/img/truevisionnews.com/0/image-uploads/6a15524d15db4_12.jpg"
keywords: ["Latest News", "Nebraska"]
---

# കുരയ്ക്കാൻ മാത്രമല്ല വെടിവെക്കാനും അറിയാം! നെബ്രാസ്കയിൽ നായ അബദ്ധത്തിൽ തോക്ക് പ്രവർത്തിപ്പിച്ചു; വഴിയാത്രക്കാരിക്ക് വെടിയേറ്റു

> **Lead Summary:** **നെബ്രാസ്ക:[ **അമേരിക്കയിലെ നെബ്രാസ്കയിൽ പിക്കപ്പ് ട്രക്കിനുള്ളിലിരുന്ന നായ അബദ്ധത്തിൽ തോക്ക് പ്രവർത്തിപ്പിച്ചതിനെ തുടർന്ന് വഴിയാത്രക്കാരിയായ സ്ത്രീക്ക് വെടിയേറ്റു.

## Article Content

**നെബ്രാസ്ക:[ **അമേരിക്കയിലെ നെബ്രാസ്കയിൽ പിക്കപ്പ് ട്രക്കിനുള്ളിലിരുന്ന നായ അബദ്ധത്തിൽ തോക്ക് പ്രവർത്തിപ്പിച്ചതിനെ തുടർന്ന് വഴിയാത്രക്കാരിയായ സ്ത്രീക്ക് വെടിയേറ്റു.

സ്കോട്ട്സ്‌ബ്ലഫ് എന്ന സ്ഥലത്തെ ഒരു കൺവീനിയൻസ് സ്റ്റോറിന് സമീപമുള്ള ഗ്യാസ് സ്റ്റേഷനിലാണ് ലോകത്തെമ്പാടും കൗതുകമുണർത്തിയ ഈ അസാധാരണ സംഭവം നടന്നത്. ട്രക്കിന്റെ ഉടമ സാധനങ്ങൾ വാങ്ങാനായി പുറത്തിറങ്ങിയ സമയത്ത് വാഹനത്തിന്റെ പിൻസീറ്റിലുണ്ടായിരുന്ന നായ അവിചാരിതമായി സീറ്റ് തള്ളുകയും, അവിടെ സൂക്ഷിച്ചിരുന്ന ലോഡ് ചെയ്ത ഷോട്ട്ഗൺ അപ്രതീക്ഷിതമായി പ്രവർത്തിക്കുകയുമായിരുന്നു.

വാഹനത്തിനുള്ളിൽ മറ്റൊരു യാത്രക്കാരൻ കൂടി ഉണ്ടായിരുന്നെങ്കിലും നായയുടെ കാൽ തട്ടി ഉയർന്ന വെടിയുണ്ടകളിൽ ഒന്ന് പാസഞ്ചർ ഡോർ തുളച്ച് പുറത്തേക്ക് തെറിക്കുകയാണ് ചെയ്തത്.

കൃത്യം ആ സമയത്ത് സമീപത്തെ ട്രാഫിക് സിഗ്നലിൽ വാഹനം കാത്തുനിൽക്കുകയായിരുന്ന ഒരു സ്ത്രീയുടെ കയ്യിലാണ് ഈ വെടിയുണ്ട ചെന്നു തറച്ചത്. പരിക്കേറ്റ സ്ത്രീയെ ഉടൻ തന്നെ സമീപത്തെ ആശുപത്രിയിൽ എത്തിച്ചെങ്കിലും ഭാഗ്യവശാൽ പരിക്ക് ഗുരുതരമല്ലെന്ന് അധികൃതർ വ്യക്തമാക്കി.

ഇത്രയും ദൂരത്തേക്ക് വെടിയുണ്ട സഞ്ചരിച്ച് ഒരാൾക്ക് പരിക്കേറ്റ സംഭവം അവിശ്വസനീയമായാണ് പ്രാദേശിക ഭരണകൂടം കാണുന്നത്. സംഭവത്തെ തുടർന്ന് ട്രക്ക് ഉടമക്കെതിരെ പൊലീസ് അന്വേഷണം ആരംഭിച്ചിട്ടുണ്ട്.

നെബ്രാസ്കയിലെ നിലവിലുള്ള നിയമപ്രകാരം വാഹനങ്ങളിൽ വെടിയുണ്ടകൾ ലോഡ് ചെയ്ത നിലയിലുള്ള തോക്കുകൾ കൊണ്ടുപോകുന്നത് കർശനമായി നിരോധിച്ചിട്ടുള്ളതാണ്. ഈ നിയമം ലംഘിച്ചതിന് വാഹന ഉടമക്കെതിരെ കടുത്ത പിഴയും മറ്റ് നിയമനടപടികളും ഉണ്ടാകുമെന്ന് പൊലീസ് അറിയിച്ചു.

### Related Links & Sources
- [Original Story Source](https://truevisionnews.com/news/361881/content-highlights-passerby-shot-after-dog-accidentally-activates-gun)