---
title: "സാധാരണക്കാരന്റെ പോക്കറ്റടിച്ച് ഇന്ധനവില....! ഡൽഹിയിൽ സി.എൻ.ജി വില വീണ്ടും കൂട്ടി; രണ്ടാഴ്ചക്കിടെ നാലാമത്തെ വർധന"
english_title: "Content Highlights:- CNG prices hiked again; fourth hike in two weeks"
publisher: "truevisionnews.com"
canonical_url: "https://truevisionnews.com/news/361785/content-highlights-cng-prices-hiked-again-fourth-hike-in-two-weeks"
published_at: "2026-05-26T09:08:00+05:30"
category: "National"
language: "ml"
image: "https://cf.zdn.im/img/truevisionnews.com/0/image-uploads/6a1515c2e8c56_cnc.jpg"
keywords: ["CNG prices", "Delhi"]
---

# സാധാരണക്കാരന്റെ പോക്കറ്റടിച്ച് ഇന്ധനവില....! ഡൽഹിയിൽ സി.എൻ.ജി വില വീണ്ടും കൂട്ടി; രണ്ടാഴ്ചക്കിടെ നാലാമത്തെ വർധന

> **Lead Summary:** **ന്യൂഡൽഹി: **സി.എൻ.ജിയുടെ വില കിലോഗ്രാമിന് 2 രൂപ വർദ്ധിപ്പിച്ചതോടെ പുതിയ വില 83.09 രൂപയായി ഉയർന്നു. ഇത് കഴിഞ്ഞ മെയ് 15-ന് ശേഷം രാജ്യതലസ്ഥാനത്ത് രേഖപ്പെടുത്തുന്ന നാലാമത്തെ വിലവർദ്ധനവാണെന്ന് റിപ്പോർട്ടുകൾ വ്യക്തമാക്കുന്നു.

## Article Content

**ന്യൂഡൽഹി: **സി.എൻ.ജിയുടെ വില കിലോഗ്രാമിന് 2 രൂപ വർദ്ധിപ്പിച്ചതോടെ പുതിയ വില 83.09 രൂപയായി ഉയർന്നു. ഇത് കഴിഞ്ഞ മെയ് 15-ന് ശേഷം രാജ്യതലസ്ഥാനത്ത് രേഖപ്പെടുത്തുന്ന നാലാമത്തെ വിലവർദ്ധനവാണെന്ന് റിപ്പോർട്ടുകൾ വ്യക്തമാക്കുന്നു.

നോയിഡ, ഗ്രേറ്റർ നോയിഡ, ഗാസിയാബാദ് എന്നിവിടങ്ങളിൽ വില 91.70 രൂപയായും സിഎൻജി വില ഉയർന്നു. അന്താരാഷ്ട്ര വിപണിയിൽ പ്രകൃതിവാതകത്തിനുണ്ടായ വിലവർധനവും ഇറക്കുമതി ചെലവ് കൂടിയതുമാണ് വില കൂട്ടാൻ കാരണമെന്ന് കമ്പനികൾ വ്യക്തമാക്കുന്നു.

മേയ് 15-ന് രണ്ട് രൂപയും, 17-ന് ഒരു രൂപയും, 23-ന് വീണ്ടും ഒരു രൂപയും വർധിപ്പിച്ചിരുന്നു. ഇതിന് പിന്നാലെയാണ് ഇപ്പോൾ വീണ്ടും രണ്ട് രൂപ വർധിപ്പിച്ചിരിക്കുന്നത്. തുടർച്ചയായുണ്ടാകുന്ന ഈ വിലവർധന സാധാരണക്കാരെയും ഓട്ടോ- ടാക്‌സി ഡ്രൈവർമാരെയും വലിയ പ്രതിസന്ധിയിലാക്കിയിട്ടുണ്ട്. ഇന്ധനവില വർധനവിനെതിരെ ഡൽഹിയിൽ വിവിധ ട്രാൻസ്‌പോർട്ട് യൂണിയനുകളുടെ നേതൃത്വത്തിൽ പ്രതിഷേധങ്ങൾ നടക്കുന്നുണ്ട്.

സിഎൻജി വില ഉയരുന്ന സാഹചര്യത്തിൽ ഓട്ടോ- ടാക്‌സി നിരക്കുകൾ പരിഷ്‌കരിക്കണമെന്ന ആവശ്യവും ശക്തമായിട്ടുണ്ട്. പെട്രോൾ, ഡീസൽ വിലയും വർധിച്ചുകൊണ്ടിരിക്കുന്ന സാഹചര്യത്തിലാണ് സിഎൻജി ഉപഭോക്താക്കൾക്കും ഈ അധികഭാരം നേരിടേണ്ടി വരുന്നത്.

### Related Links & Sources
- [Original Story Source](https://truevisionnews.com/news/361785/content-highlights-cng-prices-hiked-again-fourth-hike-in-two-weeks)