---
title: "പ്രായപൂർത്തിയാകാത്ത ബോക്സിങ് താരത്തിന് നേരെ പീഡനശ്രമം; കോച്ചിനെതിരെ പോക്സോ കേസ്, പ്രതി ഒളിവിൽ"
english_title: "Attempted rape of minor boxing star; POCSO case filed against coach, accused absconding"
publisher: "truevisionnews.com"
canonical_url: "https://truevisionnews.com/news/361279/attempted-rape-of-minor-boxing-star-pocso-case-filed-against-coach-accused-absconding-"
published_at: "2026-05-23T16:57:00+05:30"
category: "National"
language: "ml"
image: "https://cf.zdn.im/img/truevisionnews.com/0/image-uploads/6a118fbcd6b64_POCSO_case.jpg"
keywords: ["Latest News", "Boxing Coach", "Minor Boxing Player Harassed By Coach", "Bengaluru", "POCSO Case"]
---

# പ്രായപൂർത്തിയാകാത്ത ബോക്സിങ് താരത്തിന് നേരെ പീഡനശ്രമം; കോച്ചിനെതിരെ പോക്സോ കേസ്, പ്രതി ഒളിവിൽ

> **Lead Summary:** പ്രായപൂർത്തിയാകാത്ത ബോക്സിങ് താരത്തിന് നേരെ പരിശീലകന്റെ പീഡനശ്രമം. തമിഴ്‌നാട്ടിലെ ചെന്നൈയിൽ ബോക്സിങ് മത്സരങ്ങളിൽ പങ്കെടുക്കാൻ പോയ വേളയിൽ പതിനേഴുകാരിയെ ഹോട്ടൽ മുറിയിലേക്ക് വിളിച്ചുവരുത്തി പീഡിപ്പിക്കാൻ ശ്രമിച്ച ബോക്സിങ് കോച്ചിനെതിരെ ബെംഗളൂരു പൊലീസ് പോക്സോ നിയമപ്രകാരം കേസ് രജിസ്റ്റർ ചെയ്തു. സംഭവത്തിന് ശേഷം ഒളിവിൽ പോയ പ്രതിക്കായി പൊലീസ് അന്വേഷണം ഊർജ്ജിതമാക്കിയിട്ടുണ്ട്.

## Article Content

പ്രായപൂർത്തിയാകാത്ത ബോക്സിങ് താരത്തിന് നേരെ പരിശീലകന്റെ പീഡനശ്രമം. തമിഴ്‌നാട്ടിലെ ചെന്നൈയിൽ ബോക്സിങ് മത്സരങ്ങളിൽ പങ്കെടുക്കാൻ പോയ വേളയിൽ പതിനേഴുകാരിയെ ഹോട്ടൽ മുറിയിലേക്ക് വിളിച്ചുവരുത്തി പീഡിപ്പിക്കാൻ ശ്രമിച്ച ബോക്സിങ് കോച്ചിനെതിരെ ബെംഗളൂരു പൊലീസ് പോക്സോ നിയമപ്രകാരം കേസ് രജിസ്റ്റർ ചെയ്തു. സംഭവത്തിന് ശേഷം ഒളിവിൽ പോയ പ്രതിക്കായി പൊലീസ് അന്വേഷണം ഊർജ്ജിതമാക്കിയിട്ടുണ്ട്.

കഴിഞ്ഞ മേയ് 17-നാണ് കേസിനാസ്പദമായ ഞെട്ടിക്കുന്ന സംഭവം അരങ്ങേറിയത്. ചെന്നൈയിൽ വെച്ച് നടന്ന ബോക്സിങ് ചാമ്പ്യൻഷിപ്പിൽ പങ്കെടുക്കാൻ എത്തിയതായിരുന്നു പെൺകുട്ടിയും പരിശീലകനും അടങ്ങുന്ന സംഘം. മത്സരത്തിനിടയിൽ താൻ താമസിച്ചിരുന്ന ഹോട്ടൽ മുറിയിലേക്ക് തന്ത്രപൂർവ്വം പെൺകുട്ടിയെ ഇയാൾ വിളിച്ചുവരുത്തുകയായിരുന്നു.

തുടർന്ന് ഇയാൾ പെൺകുട്ടിയോട് അതീവ മോശമായ രീതിയിൽ പെരുമാറുകയും ലൈംഗികമായി പീഡിപ്പിക്കാൻ ശ്രമിക്കുകയുമായിരുന്നു. പരിശീലകന്റെ ക്രൂരമായ പെരുമാറ്റത്തിൽ ഭയന്നുപോയ പെൺകുട്ടി, ആദ്യഘട്ടത്തിൽ ഈ വിവരം പുറത്താരോടും പറഞ്ഞിരുന്നില്ല.

എന്നാൽ തിരിച്ചെത്തിയതിന് ശേഷം കുട്ടി കടുത്ത മാനസിക വിഭ്രാന്തിയും സ്വഭാവത്തിൽ പെട്ടെന്നുള്ള മാറ്റങ്ങളും പ്രകടിപ്പിച്ചു തുടങ്ങി. മകളുടെ അസ്വാഭാവികമായ പെരുമാറ്റത്തിൽ സംശയം തോന്നിയ അമ്മ സ്നേഹപൂർവ്വം കാര്യങ്ങൾ ചോദിച്ചറിഞ്ഞപ്പോഴാണ് പീഡനവിവരം പുറത്തുവരുന്നത്. തുടർന്ന് മാതാപിതാക്കൾ ഉടൻ തന്നെ പോലീസിനെ സമീപിച്ച് പരാതി നൽകുകയായിരുന്നു.

### Related Links & Sources
- [Original Story Source](https://truevisionnews.com/news/361279/attempted-rape-of-minor-boxing-star-pocso-case-filed-against-coach-accused-absconding-)