---
title: "മുഖ്യമന്ത്രി വി ഡി സതീശൻ നാളെ ഡൽഹിയിലേക്ക്; പ്രധാനമന്തി നരേന്ദ്ര മോദിയെ കാണുന്നതും പരിഗണനയിൽ"
english_title: "Content Highlights:- Chief Minister VD Satheesan will leave for Delhi tomorrow"
publisher: "truevisionnews.com"
canonical_url: "https://truevisionnews.com/news/360888/content-highlights-chief-minister-vd-satheesan-will-leave-for-delhi-tomorrow"
published_at: "2026-05-21T20:19:00+05:30"
category: "Kerala"
language: "ml"
image: "https://cf.zdn.im/img/truevisionnews.com/0/image-uploads/6a0f1c832893e_modi.jpg"
keywords: ["Latest News", "Kerala Chief Minister", "V D Satheesan", "UDF", "Delhi", "Narendra Modi"]
---

# മുഖ്യമന്ത്രി വി ഡി സതീശൻ നാളെ ഡൽഹിയിലേക്ക്; പ്രധാനമന്തി നരേന്ദ്ര മോദിയെ കാണുന്നതും പരിഗണനയിൽ

> **Lead Summary:** **തിരുവനന്തപുരം : **മുഖ്യമന്ത്രി വി ഡി സതീശൻ നാളെ ഡൽഹിക്ക് പോകും. എഐസിസി നേതാക്കളുമായി കൂടിക്കാഴ്ച നടത്തും. പ്രധാനമന്തി നരേന്ദ്ര മോദിയെ കാണാനും മുഖ്യമന്ത്രിയുടെ ശ്രമം.

## Article Content

**തിരുവനന്തപുരം : **മുഖ്യമന്ത്രി വി ഡി സതീശൻ നാളെ ഡൽഹിക്ക് പോകും. എഐസിസി നേതാക്കളുമായി കൂടിക്കാഴ്ച നടത്തും. പ്രധാനമന്തി നരേന്ദ്ര മോദിയെ കാണാനും മുഖ്യമന്ത്രിയുടെ ശ്രമം.

അതേസമയം പതിനാറാം നിയമസഭയുടെ ആദ്യ സമ്മേളനത്തില്‍ എംഎല്‍എ സത്യപ്രതിജ്ഞയില്‍ അച്ഛന്‍റെ മുഴുവന്‍ പേരും പറഞ്ഞാണ് വി ഡി സതീശന്‍ സത്യപ്രതിജ്ഞ ചെയ്തത്.

മുഖ്യമന്ത്രിയായി സത്യപ്രതിജ്ഞ ചെയ്തപ്പോള്‍ മേനോൻ എന്ന ചേ‍ര്‍ത്ത് സത്യവാചകം ചൊല്ലിയതിൽ വിമര്‍ശനങ്ങള്‍ ഉയര്‍ന്നിരുന്നു.

കോൺഗ്രസ് നേതാക്കളടക്കം വിമർശനവുമായി രംഗത്തെത്തിയിരുന്നു.2021ൽ നിയമസഭയിൽ എംഎൽഎയായി സത്യപ്രതിജ്ഞ ചെയ്യവേ ‘വി ഡി സതീശൻ എന്ന ഞാൻ’ എന്നായിരുന്നു സതീശന്‍ ഉപയോഗിച്ചിരുന്നത്.

എന്നാൽ ‘വടശ്ശേരി ദാമോദര മോനോൻ സതീശൻ എന്ന ഞാൻ’ എന്നാണ് കഴിഞ്ഞ ദിവസം മുഖ്യമന്ത്രിയായി സത്യപ്രതിജ്ഞ ചെയ്യവേ വിഡി സതീശൻ പറഞ്ഞത്.

എന്നാല്‍ ജാതിപ്പേര് ഉപയോഗിച്ചു എന്ന വിമ‍ർശനങ്ങളോട് വൈകാരികമായിട്ടാണ് മുഖ്യമന്ത്രി വിഡി സതീശൻ പ്രതികരിച്ചത്. അച്ഛന്‍റെ മുഴുവന്‍ പേര് പറഞ്ഞാൽ എന്താണ് കുഴപ്പമെന്നായിരുന്നു വാര്‍ത്താ സമ്മേളനത്തില്‍ സതീശന്‍റെ മറുചോദ്യം. അച്ഛന്‍റെ മുഴുവന്‍ പേര് അതാണ്.

അമ്മയുടെ പേര് കൂടി പറയാനാകാത്തതിൽ സങ്കടമുണ്ട്. ഞാൻ എംഎൽഎ ആകുന്നതിന് മുമ്പ് മരിച്ച് പോയവരാണ് രണ്ട് പേരും. രേഖകളിലുള്ള എന്‍റെ ഫുൾ നെയിം ഞാൻ വായിച്ചു. സാധാരണ അങ്ങനെ ആണ്. അതിനെന്താണ് കുഴപ്പമെന്നും പാസ്പോർട്ടിൽ അങ്ങനെ അല്ലേ എന്നും വിഡി സതീശൻ ചോദിക്കുന്നു.

### Related Links & Sources
- [Original Story Source](https://truevisionnews.com/news/360888/content-highlights-chief-minister-vd-satheesan-will-leave-for-delhi-tomorrow)