---
title: "വീട്ടിൽ അതിഥികൾ വരുന്നുണ്ടോ? വെറും മിനിറ്റുകൾക്കുള്ളിൽ തയ്യാറാക്കാം സ്വാദിഷ്ടമായ കാരറ്റ് ഹൽവ"
english_title: "Delicious carrot halwa can be prepared in just minutes"
publisher: "truevisionnews.com"
canonical_url: "https://truevisionnews.com/news/360855/delicious-carrot-halwa-can-be-prepared-in-just-minutes"
published_at: "2026-05-21T16:45:00+05:30"
category: "Cookery"
language: "ml"
image: "https://cf.zdn.im/img/truevisionnews.com/0/image-uploads/6a0ee9ed50c65_carrot_halwa.jpg"
keywords: ["Cookery", "Carrot Halwa", "Sweet Dessert", "Easy Cooking"]
---

# വീട്ടിൽ അതിഥികൾ വരുന്നുണ്ടോ? വെറും മിനിറ്റുകൾക്കുള്ളിൽ തയ്യാറാക്കാം സ്വാദിഷ്ടമായ കാരറ്റ് ഹൽവ

> **Lead Summary:** കുറഞ്ഞ സമയം കൊണ്ട് വീട്ടിൽ എളുപ്പത്തിൽ തയ്യാറാക്കാവുന്ന ഒന്നാണ് കാരറ്റ് ഹൽവ. കുട്ടികൾക്കും മുതിർന്നവർക്കും ഒരുപോലെ ഇഷ്ടപ്പെടുന്ന ഈ മധുരപലഹാരം, പെട്ടെന്ന് വീട്ടിൽ അതിഥികൾ വരുമ്പോഴോ മധുരം കഴിക്കാൻ തോന്നുമ്പോഴോ വളരെ കുറഞ്ഞ ചേരുവകൾ കൊണ്ട് ഉണ്ടാക്കിയെടുക്കാം.

## Article Content

കുറഞ്ഞ സമയം കൊണ്ട് വീട്ടിൽ എളുപ്പത്തിൽ തയ്യാറാക്കാവുന്ന ഒന്നാണ് കാരറ്റ് ഹൽവ. കുട്ടികൾക്കും മുതിർന്നവർക്കും ഒരുപോലെ ഇഷ്ടപ്പെടുന്ന ഈ മധുരപലഹാരം, പെട്ടെന്ന് വീട്ടിൽ അതിഥികൾ വരുമ്പോഴോ മധുരം കഴിക്കാൻ തോന്നുമ്പോഴോ വളരെ കുറഞ്ഞ ചേരുവകൾ കൊണ്ട് ഉണ്ടാക്കിയെടുക്കാം.

**ആവശ്യമായ സാധനങ്ങൾ**

കാരറ്റ് (തുരണ്ടിയത്/Grated) 4 കപ്പ് (ഏകദേശം 1/2 കിലോ)

പാൽ: 2 കപ്പ്

പഞ്ചസാര: 1 കപ്പ് (മധുരത്തിനനുസരിച്ച് മാറ്റാം)

നെയ്യ്: 4-5 ടേബിൾ സ്പൂൺ

ഏലയ്ക്കാപ്പൊടി: 1/2 ടീസ്പൂൺ

അണ്ടിപ്പരിപ്പ്, മുന്തിരി: ആവശ്യത്തിന്

**തയ്യാറാക്കുന്ന വിധം**

ഒരു പാനിൽ 2-3 ടേബിൾ സ്പൂൺ നെയ്യ് ചൂടാക്കുക. ഇതിലേക്ക് ചിരകി വെച്ചിരിക്കുന്ന കാരറ്റ് ചേർത്ത് മീഡിയം തീയിൽ 5-7 മിനിറ്റ് നന്നായി വഴറ്റുക. കാരറ്റിന്റെ പച്ചമണം മാറി ചെറിയൊരു സുഗന്ധം വരുന്നത് വരെ വഴറ്റണം.

വഴറ്റിയ കാരറ്റിലേക്ക് 2 കപ്പ് പാൽ ഒഴിക്കുക. നന്നായി ഇളക്കിയ ശേഷം മീഡിയം തീയിൽ വെച്ച് പാൽ പൂർണ്ണമായും വറ്റി കാരറ്റ് നന്നായി വെന്തു വരുന്നത് വരെ വേവിക്കുക. (അടിയിൽ പിടിക്കാതിരിക്കാൻ ഇടയ്ക്കിടെ ഇളക്കിക്കൊടുക്കണം).

പാൽ വറ്റി കാരറ്റ് വെന്തു കഴിയുമ്പോൾ ഇതിലേക്ക് പഞ്ചസാര ചേർക്കുക. പഞ്ചസാര ഉരുകുമ്പോൾ ഹൽവ വീണ്ടും ലൂസ് ആകും. ഇത് നന്നായി ഇളക്കി വീണ്ടും കട്ടിയാകുന്നതുവരെ വേവിക്കുക.

ഹൽവ പാത്രത്തിൽ നിന്നും വിട്ടുപോരുന്ന പാകമാകുമ്പോൾ ബാക്കിയുള്ള നെയ്യും ഏലയ്ക്കാപ്പൊടിയും ചേർത്ത് നന്നായി യോജിപ്പിക്കുക.

മറ്റൊരു ചെറിയ പാനിൽ അല്പം നെയ്യ് ചൂടാക്കി അണ്ടിപ്പരിപ്പും മുന്തിരിയും വറുത്തെടുക്കുക. ഇത് ഹൽവയ്ക്ക് മുകളിലേക്ക് ഒഴിച്ച് ഇളക്കി തീ ഓഫ് ചെയ്യാം.

രുചികരമായ കാരറ്റ് ഹൽവ തയ്യാർ! ഇത് ചൂടോടെയോ അല്ലെങ്കിൽ ഫ്രിഡ്ജിൽ വെച്ച് തണുപ്പിച്ചോ കഴിക്കാവുന്നതാണ്. വാനില ഐസ്‌ക്രീമിനൊപ്പം കഴിക്കാൻ ഇത് അതീവ രുചികരമാണ്.

### Related Links & Sources
- [Original Story Source](https://truevisionnews.com/news/360855/delicious-carrot-halwa-can-be-prepared-in-just-minutes)