---
title: "'അശുഭ തമ്പർ എന്ന കാരണത്താൽ ആരും ഏറ്റെടുത്തിരുന്നില്ല, 13-ാം നമ്പർ കാർ തന്നെ വേണം, ആവശ്യവുമായി തദ്ദേശമന്ത്രി കെ എം ഷാജി"
english_title: "Content Highlights:- Minister KM Shaji Wants Car Number 13"
publisher: "truevisionnews.com"
canonical_url: "https://truevisionnews.com/news/360842/content-highlights-minister-km-shaji-wants-car-number-13"
published_at: "2026-05-21T16:14:00+05:30"
category: "Kerala"
language: "ml"
image: "https://cf.zdn.im/img/truevisionnews.com/0/image-uploads/6a0ee33e924f4_km_shaji.jpg"
keywords: ["Latest News", "KM Shaji", "Department of Local Self-Government Minister", "VD Satheesan", "UDF Government"]
---

# 'അശുഭ തമ്പർ എന്ന കാരണത്താൽ ആരും ഏറ്റെടുത്തിരുന്നില്ല, 13-ാം നമ്പർ കാർ തന്നെ വേണം, ആവശ്യവുമായി തദ്ദേശമന്ത്രി കെ എം ഷാജി

> **Lead Summary:** തിരുവനന്തപുരം : 13-ാം നമ്പർ കാർ ആവശ്യപ്പെട്ട് തദ്ദേശ വകുപ്പ് മന്ത്രി കെ എം ഷാജി. അശുഭ തമ്പർ എന്ന കാരണത്താൽ 13-ാം നമ്പർ കാർ ആരും എടുത്തിരുന്നില്ല. ആ കാർതന്നെ വേണമെന്ന് മന്ത്രി ആവശ്യപ്പെടുകയായിരുന്നു. ഒന്നും രണ്ടും പിണറായി സര്‍ക്കാരില്‍ മന്ത്രിമാര്‍ കാറിന് ഉപയോഗിച്ച 13-ാം നമ്പര്‍ വി ഡി സതീശന്‍ സര്‍ക്കാരിലെ മന്ത്രിമാരില്‍ ആര്‍ക്കും വേണ്ടെന്നായിരുന്നു റിപ്പോർട്ട്. കഴിഞ്ഞ സര്‍ക്കാരില്‍ കൃഷി മന്ത്രി പി പ്രസാദ് ആണ് 13-ാം നമ്പര്‍ കാര്‍ ഉപയോഗിച്ചത്.

## Article Content

തിരുവനന്തപുരം : 13-ാം നമ്പർ കാർ ആവശ്യപ്പെട്ട് തദ്ദേശ വകുപ്പ് മന്ത്രി കെ എം ഷാജി. അശുഭ തമ്പർ എന്ന കാരണത്താൽ 13-ാം നമ്പർ കാർ ആരും എടുത്തിരുന്നില്ല. ആ കാർതന്നെ വേണമെന്ന് മന്ത്രി ആവശ്യപ്പെടുകയായിരുന്നു. ഒന്നും രണ്ടും പിണറായി സര്‍ക്കാരില്‍ മന്ത്രിമാര്‍ കാറിന് ഉപയോഗിച്ച 13-ാം നമ്പര്‍ വി ഡി സതീശന്‍ സര്‍ക്കാരിലെ മന്ത്രിമാരില്‍ ആര്‍ക്കും വേണ്ടെന്നായിരുന്നു റിപ്പോർട്ട്. കഴിഞ്ഞ സര്‍ക്കാരില്‍ കൃഷി മന്ത്രി പി പ്രസാദ് ആണ് 13-ാം നമ്പര്‍ കാര്‍ ഉപയോഗിച്ചത്.

ഒന്നാം പിണറായി സര്‍ക്കാരില്‍ ധനമന്ത്രി തോമസ് ഐസക് ആണ് ഈ നമ്പര്‍ ആവശ്യപ്പെട്ടത്. വി ഡി സതീശന്‍ സര്‍ക്കാരിലെ മന്ത്രിമാരില്‍ ആരും തന്നെ 13-ാം നമ്പര്‍ കാര്‍ ആരും ആവശ്യപ്പെട്ടിട്ടില്ലെന്നായിരുന്നു റിപ്പോര്‍ട്ടുകള്‍. ടൂറിസം വകുപ്പ് ആണ് മന്ത്രിമാര്‍ക്ക് കാര്‍ അനുവദിക്കുന്നത്. കീഴ് വഴക്കം അനുസരിച്ച് കഴിഞ്ഞ സര്‍ക്കാര്‍ ഉപയോഗിച്ച കാറുകള്‍ ഒരുക്കി നല്‍കുകയാണ് പതിവ്.

മന്ത്രിമാര്‍ ആവശ്യപ്പെടുന്ന നമ്പര്‍ നല്‍കുന്നതാണ് പതിവ്. ഷിബു ബേബി ജോണ്‍ കാറിന് 71-ാം നമ്പര്‍ ആണ് ആവശ്യപ്പെട്ടത്. ഒ ജനീഷിന് ആവശ്യപ്പെട്ട 10-ാം നമ്പര്‍ അനുവദിച്ചിട്ടുണ്ട്. രമേശ് ചെന്നിത്തല 21-ാം നമ്പര്‍ ആണ് ആവശ്യപ്പെട്ടത്. പിണറായി സര്‍ക്കാരിന് തൊട്ടുമുന്‍പുള്ള ഉമ്മന്‍ ചാണ്ടി സര്‍ക്കാരിലും ആരും തന്നെ 13-ാം നമ്പര്‍ ഉപയോഗിച്ചിട്ടില്ല. വി എസ് സര്‍ക്കാരില്‍ എം എ ബേബി ആണ് 13-ാം നമ്പര്‍ ചോദിച്ച് വാങ്ങിയത്.

### Related Links & Sources
- [Original Story Source](https://truevisionnews.com/news/360842/content-highlights-minister-km-shaji-wants-car-number-13)