---
title: "മഴക്കാലം വരികയായി; രോഗങ്ങളെ പടിക്കുപുറത്താക്കാൻ ഇതാ ചില 'കരുതൽ' ഭക്ഷണങ്ങൾ!"
english_title: "The monsoon season is coming; here are some 'precautionary' foods to ward off diseases!"
publisher: "truevisionnews.com"
canonical_url: "https://truevisionnews.com/news/360000/the-monsoon-season-is-coming-here-are-some-precautionary-foods-to-ward-off-diseases"
published_at: "2026-05-17T16:14:00+05:30"
category: "Health"
language: "ml"
image: "https://cf.zdn.im/img/truevisionnews.com/0/image-uploads/6a099e5e1f6bb_The_monsoon_season_is_coming;_here_are_some_precautionary_foods_to_ward_off_diseases.jpg"
keywords: []
---

# മഴക്കാലം വരികയായി; രോഗങ്ങളെ പടിക്കുപുറത്താക്കാൻ ഇതാ ചില 'കരുതൽ' ഭക്ഷണങ്ങൾ!

> **Lead Summary:** **[**മൺസൂൺ കാലം എത്തുന്നതോടെ അന്തരീക്ഷത്തിലുണ്ടാകുന്ന ഈർപ്പവും തണുപ്പും ബാക്ടീരിയ, വൈറസ് തുടങ്ങിയ രോഗാണുക്കളുടെ വളർച്ചയ്ക്ക് അനുകൂലമായ സാഹചര്യം ഒരുക്കുന്നു. ഡെങ്കിപ്പനി, എലിപ്പനി, ടൈഫോയ്ഡ്, ജലദോഷം, വിവിധതരം വയറിളക്ക രോഗങ്ങൾ എന്നിവ ഈ സമയത്ത് പടർന്നുപിടിക്കാൻ സാധ്യതയേറെയാണ്. നമ്മുടെ ശരീരത്തിന്റെ പ്രതിരോധശേഷി വർദ്ധിപ്പിക്കുന്ന തരത്തിലുള്ള ഭക്ഷണക്രമം പിന്തുടരുക എന്നതാണ് മഴക്കാല രോഗങ്ങളിൽ നിന്ന് രക്ഷനേടാനുള്ള ഏറ്റവും എളുപ്പമുള്ള വഴി.

## Article Content

**[**മൺസൂൺ കാലം എത്തുന്നതോടെ അന്തരീക്ഷത്തിലുണ്ടാകുന്ന ഈർപ്പവും തണുപ്പും ബാക്ടീരിയ, വൈറസ് തുടങ്ങിയ രോഗാണുക്കളുടെ വളർച്ചയ്ക്ക് അനുകൂലമായ സാഹചര്യം ഒരുക്കുന്നു. ഡെങ്കിപ്പനി, എലിപ്പനി, ടൈഫോയ്ഡ്, ജലദോഷം, വിവിധതരം വയറിളക്ക രോഗങ്ങൾ എന്നിവ ഈ സമയത്ത് പടർന്നുപിടിക്കാൻ സാധ്യതയേറെയാണ്. നമ്മുടെ ശരീരത്തിന്റെ പ്രതിരോധശേഷി വർദ്ധിപ്പിക്കുന്ന തരത്തിലുള്ള ഭക്ഷണക്രമം പിന്തുടരുക എന്നതാണ് മഴക്കാല രോഗങ്ങളിൽ നിന്ന് രക്ഷനേടാനുള്ള ഏറ്റവും എളുപ്പമുള്ള വഴി.

**പ്രതിരോധശേഷി കൂട്ടാൻ ഭക്ഷണത്തിൽ ഉൾപ്പെടുത്തേണ്ടവ**

മഴക്കാലത്ത് ദഹനപ്രക്രിയ പതുക്കെയാകാൻ സാധ്യതയുള്ളതിനാൽ എപ്പോഴും തിളപ്പിച്ചാറിയ ചെറുചൂടുവെള്ളം മാത്രം കുടിക്കാൻ ശ്രദ്ധിക്കുക.

ഇഞ്ചി, വെളുത്തുള്ളി, കുരുമുളക് എന്നിവ ചേർത്ത പച്ചക്കറി സൂപ്പുകളോ കോഴിയിറച്ചി സൂപ്പോ കുടിക്കുന്നത് ശരീരത്തിന് ചൂടും പ്രതിരോധശേഷിയും നൽകും.

പ്രകൃതിദത്തമായ ആന്റിബയോട്ടിക് ഗുണങ്ങളുള്ള ഇഞ്ചിയും വെളുത്തുള്ളിയും ഭക്ഷണത്തിൽ കൂടുതലായി ഉൾപ്പെടുത്തുന്നത് അണുബാധകളെ തടയാനും ദഹനം സുഗമമാക്കാനും സഹായിക്കും.

ശരീരത്തിലെ പ്രതിരോധ കോശങ്ങളെ ശക്തിപ്പെടുത്താൻ വിറ്റാമിൻ സി ധാരാളമായി അടങ്ങിയ നെല്ലിക്ക, നാരങ്ങ, ഓറഞ്ച് തുടങ്ങിയ പഴങ്ങൾ കഴിക്കാമെങ്കിലും, തണുത്ത അന്തരീക്ഷത്തിൽ ഫ്രിഡ്ജിൽ വെച്ച പഴങ്ങൾ നേരിട്ട് കഴിക്കുന്നത് ഒഴിവാക്കേണ്ടതാണ്.

വിറ്റാമിനുകളും ധാതുക്കളും അടങ്ങിയ പച്ചക്കറികളും ഇലക്കറികളും ഭക്ഷണത്തിൽ ഉൾപ്പെടുത്തുമ്പോൾ, കറികൾ വെക്കുന്നതിന് മുൻപ് ഇവ ഉപ്പും മഞ്ഞളും ഇട്ട വെള്ളത്തിൽ നന്നായി കഴുകി വൃത്തിയാക്കാൻ പ്രത്യേകം ശ്രദ്ധിക്കണം.

കൂടാതെ, പാലിനൊപ്പം അല്പം മഞ്ഞൾപ്പൊടിയും കുരുമുളകും ചേർത്ത് തയ്യാറാക്കുന്ന 'ഗോൾഡൻ മിൽക്ക്' കുടിക്കുന്നത് രാത്രികാലങ്ങളിലെ തൊണ്ടവേദനയ്ക്കും ചുമയ്ക്കും മികച്ചൊരു പ്രതിവിധിയാണ്.

**മഴക്കാലത്ത് ഒഴിവാക്കേണ്ട ഭക്ഷണങ്ങൾ**

മഴക്കാലത്ത് തുറന്നുവെച്ചതോ വൃത്തിഹീനമായ സാഹചര്യങ്ങളിൽ തയ്യാറാക്കുന്നതോ ആയ റോഡ് സൈഡ് ഭക്ഷണങ്ങളും ജ്യൂസുകളും പൂർണ്ണമായും ഒഴിവാക്കേണ്ടതാണ്.

ജലത്തിലൂടെ പകരുന്ന ടൈഫോയ്ഡ്, കോളറ തുടങ്ങിയ മാരക രോഗങ്ങൾക്ക് ഇവ കാരണമായേക്കാം.

അതുപോലെ തന്നെ പാകം ചെയ്ത് കഴിഞ്ഞ് ഏറെ നേരം തുറന്നുവെച്ചതോ ഫ്രിഡ്ജിൽ വെച്ച് വീണ്ടും ചൂടാക്കി ഉപയോഗിക്കുന്നതോ ആയ തണുത്തതും പഴകിയതുമായ ഭക്ഷണങ്ങൾ ഒഴികക്കുക.

എപ്പോഴും ചൂടോടെയുള്ള ഫ്രഷ് ഭക്ഷണം മാത്രം കഴിക്കാൻ ശ്രദ്ധിക്കുക.

കൂടാതെ മഴക്കാലത്ത് പൊതുവെ ദഹനശേഷി കുറവായിരിക്കുമെന്നതിനാൽ, വറുത്തതും പൊരിച്ചതുമായ അമിത എണ്ണമയമുള്ള ഹെവി വിഭവങ്ങൾ ദഹനക്കേടിനും വയറ്റിലെ മറ്റ് അസ്വസ്ഥതകൾക്കും വഴിമാറുമെന്നതിനാൽ അത്തരം ഭക്ഷണങ്ങളും ഈ സമയത്ത് നിയന്ത്രിക്കേണ്ടതുണ്ട്.

### Related Links & Sources
- [Original Story Source](https://truevisionnews.com/news/360000/the-monsoon-season-is-coming-here-are-some-precautionary-foods-to-ward-off-diseases)