---
title: "വേഗം വാങ്ങിക്കോളീ....സ്വർണവിലയിൽ തുടർച്ചയായ മൂന്നാം ദിനവും വൻ ഇടിവ്, ഇന്നത്തെ നിരക്കറിയാം!"
english_title: "Gold prices fall sharply for third consecutive day"
publisher: "truevisionnews.com"
canonical_url: "https://truevisionnews.com/news/359731/gold-prices-fall-sharply-for-third-consecutive-day"
published_at: "2026-05-16T10:07:00+05:30"
category: "Kerala"
language: "ml"
image: "https://cf.zdn.im/img/truevisionnews.com/0/image-uploads/6a07f4d63515b_6.jpg"
keywords: []
---

# വേഗം വാങ്ങിക്കോളീ....സ്വർണവിലയിൽ തുടർച്ചയായ മൂന്നാം ദിനവും വൻ ഇടിവ്, ഇന്നത്തെ നിരക്കറിയാം!

> **Lead Summary:** **തിരുവനന്തപുരം: [**സംസ്ഥാനത്ത് സ്വർണവിലയിൽ തുടർച്ചയായ മൂന്നാം ദിനവും വലിയ ഇടിവ് രേഖപ്പെടുത്തി. ഇന്ന് ഒറ്റയടിക്ക് പവന് 720 രൂപയാണ് കുറഞ്ഞത്. ഇതോടെ വിപണിയിൽ ഒരു പവൻ സ്വർണത്തിന്റെ വില 1,15,080 രൂപയിലേക്ക് താഴ്ന്നു.

## Article Content

**തിരുവനന്തപുരം: [**സംസ്ഥാനത്ത് സ്വർണവിലയിൽ തുടർച്ചയായ മൂന്നാം ദിനവും വലിയ ഇടിവ് രേഖപ്പെടുത്തി. ഇന്ന് ഒറ്റയടിക്ക് പവന് 720 രൂപയാണ് കുറഞ്ഞത്. ഇതോടെ വിപണിയിൽ ഒരു പവൻ സ്വർണത്തിന്റെ വില 1,15,080 രൂപയിലേക്ക് താഴ്ന്നു.

ഗ്രാമിന് 90 രൂപ കുറഞ്ഞ് 14,385 രൂപയിലാണ് ഇന്ന് വ്യാപാരം നടക്കുന്നത്. ആഗോള വിപണിയിൽ ക്രൂഡ് ഓയിൽ വില കുതിച്ചുയർന്നതാണ് സ്വർണവില താഴേക്ക് പോകാൻ പ്രധാന കാരണമായത്.

അന്താരാഷ്ട്ര വിപണിയിൽ സ്വർണവില ഔൺസിന് 136.87 ഡോളർ ഇടിഞ്ഞ് 4540.49 ഡോളർ എന്ന നിരക്കിലാണ് നിലവിലുള്ളത്. മേയ് 13-ന് ഒറ്റയടിക്ക് പവന് 10,200 രൂപ വർദ്ധിച്ചതിന് ശേഷമാണ് ഇപ്പോൾ തുടർച്ചയായ ദിവസങ്ങളിൽ വില താഴുന്നത്.

മറ്റ് വിഭാഗങ്ങളിലെ സ്വർണവില പരിശോധിച്ചാൽ, ഒരു ഗ്രാം 24 കാരറ്റ് സ്വർണത്തിന് 15,693 രൂപയും പവന് 1,25,544 രൂപയുമാണ് ഇന്നത്തെ നിരക്ക്. 18 കാരറ്റ് സ്വർണം ഗ്രാമിന് 11,770 രൂപയിലും പവന് 94,160 രൂപയിലുമാണ് വ്യാപാരം ചെയ്യപ്പെടുന്നത്.

സ്വർണത്തിന് പുറമെ വെള്ളി വിലയിലും മാറ്റമുണ്ട്; ഒരു ഗ്രാം വെള്ളിയ്ക്ക് 304.90 രൂപയും കിലോഗ്രാമിന് 3,04,900 രൂപയുമാണ് ഇന്നത്തെ നിരക്ക്. സംസ്ഥാനത്ത് വിവാഹ സീസൺ ആരംഭിക്കാനിരിക്കെ സ്വർണവിലയിലുണ്ടാകുന്ന ഇത്തരം വലിയ ഏറ്റക്കുറച്ചിലുകൾ സാധാരണക്കാരായ ഉപഭോക്താക്കൾക്ക് വലിയ ആശങ്കയാണ് സമ്മാനിക്കുന്നത്.

ആഭരണങ്ങളുടെ ഡിസൈനുകൾ മാറുന്നതിനനുസരിച്ച് പണിക്കൂലിയിലും വലിയ വ്യത്യാസമുണ്ടാകുമെന്നതിനാൽ വിപണിയിൽ ജാഗ്രതയോടെയാണ് ആളുകൾ ഇടപെടുന്നത്.

### Related Links & Sources
- [Original Story Source](https://truevisionnews.com/news/359731/gold-prices-fall-sharply-for-third-consecutive-day)