---
title: "750 കിലോമീറ്റർ ദൂരപരിധി, തദ്ദേശീയ സാങ്കേതികവിദ്യ; പ്രതിരോധ രംഗത്ത് കരുത്തറിയിച്ച് പാകിസ്ഥാൻ"
english_title: "Pakistan shows strength in defense sector"
publisher: "truevisionnews.com"
canonical_url: "https://truevisionnews.com/news/359493/pakistan-shows-strength-in-defense-sector"
published_at: "2026-05-15T09:08:00+05:30"
category: "International"
language: "ml"
image: "https://cf.zdn.im/img/truevisionnews.com/0/image-uploads/6a06957db2979_1.jpg"
keywords: []
---

# 750 കിലോമീറ്റർ ദൂരപരിധി, തദ്ദേശീയ സാങ്കേതികവിദ്യ; പ്രതിരോധ രംഗത്ത് കരുത്തറിയിച്ച് പാകിസ്ഥാൻ

> **Lead Summary:** **ഇസ്ലാമാബാദ്: [ **സൈനിക കരുത്ത് വർദ്ധിപ്പിക്കുന്നതിന്റെ ഭാഗമായി പാകിസ്ഥാൻ തദ്ദേശീയമായി നിർമ്മിച്ച അത്യാധുനിക ക്രൂയിസ് മിസൈലായ 'ഫതഹ്-4' വിജയകരമായി പരീക്ഷിച്ചു.

## Article Content

**ഇസ്ലാമാബാദ്: [ **സൈനിക കരുത്ത് വർദ്ധിപ്പിക്കുന്നതിന്റെ ഭാഗമായി പാകിസ്ഥാൻ തദ്ദേശീയമായി നിർമ്മിച്ച അത്യാധുനിക ക്രൂയിസ് മിസൈലായ 'ഫതഹ്-4' വിജയകരമായി പരീക്ഷിച്ചു.

കരയിലെയും കടലിലെയും ലക്ഷ്യസ്ഥാനങ്ങളെ ഒരേപോലെ തകർക്കാൻ ശേഷിയുള്ള ഈ മിസൈലിന് ഏകദേശം 750 കിലോമീറ്റർ ദൂരപരിധിയാണുള്ളത്. ശത്രുക്കളുടെ റഡാർ സംവിധാനങ്ങളെ കണ്ണുവെട്ടിച്ച് മുന്നേറാൻ സഹായിക്കുന്ന നൂതന നാവിഗേഷൻ സാങ്കേതികവിദ്യയും ഗൈഡൻസ് സംവിധാനവുമാണ് ഇതിന്റെ പ്രധാന സവിശേഷതയെന്ന് പാകിസ്ഥാൻ സൈന്യത്തിന്റെ മാധ്യമ വിഭാഗമായ ഐഎസ്പിആർ വ്യക്തമാക്കി.

പരീക്ഷണത്തിന്റെ ദൃശ്യങ്ങൾ സൈന്യം പുറത്തുവിട്ടിട്ടുണ്ട്. മിസൈലിന്റെ പറക്കൽ പാതയും കൃത്യതയും വിലയിരുത്തിയ ഉദ്യോഗസ്ഥർ പരീക്ഷണം പൂർണ്ണ വിജയമാണെന്ന് പ്രഖ്യാപിച്ചു. രാജ്യത്തിന്റെ സുരക്ഷാ കവചം കൂടുതൽ ശക്തമാക്കുന്ന ഈ നേട്ടത്തിൽ ശാസ്ത്രജ്ഞരെയും സൈനികരെയും പ്രസിഡന്റും പ്രധാനമന്ത്രിയും അഭിനന്ദനങ്ങൾ അറിയിച്ചു.

നേരത്തെ 400 കിലോമീറ്റർ പരിധിയുള്ള 'ഫതഹ്-2' പരീക്ഷിച്ചതിന് പിന്നാലെയാണ് ദീർഘദൂര ആക്രമണ ശേഷി തെളിയിക്കുന്ന പുതിയ പരീക്ഷണം പാകിസ്ഥാൻ നടത്തിയത്. ദക്ഷിണേഷ്യൻ മേഖലയിലെ മാറുന്ന ഭൗമരാഷ്ട്രീയ സാഹചര്യങ്ങൾക്കിടയിൽ പ്രതിരോധ രംഗത്തെ ഈ മുന്നേറ്റം നിർണ്ണായകമായാണ് വിലയിരുത്തപ്പെടുന്നത്.

### Related Links & Sources
- [Original Story Source](https://truevisionnews.com/news/359493/pakistan-shows-strength-in-defense-sector)