---
title: "ഹെൽമെറ്റ് അഴിക്കാതെ കോഹ്‌ലി; ആഘോഷം ഒഴിവാക്കിയതിന് പിന്നിൽ വ്യക്തമായ കാരണമുണ്ട്"
english_title: "Kohli didn't take off his helmet; There is a clear reason behind skipping the celebration"
publisher: "truevisionnews.com"
canonical_url: "https://truevisionnews.com/news/359398/kohli-didnt-take-off-his-helmet-there-is-a-clear-reason-behind-skipping-the-celebration"
published_at: "2026-05-14T16:20:00+05:30"
category: "Sports"
language: "ml"
image: "https://cf.zdn.im/img/truevisionnews.com/0/image-uploads/6a05a94a548b2_TRHG.jpg"
keywords: []
---

# ഹെൽമെറ്റ് അഴിക്കാതെ കോഹ്‌ലി; ആഘോഷം ഒഴിവാക്കിയതിന് പിന്നിൽ വ്യക്തമായ കാരണമുണ്ട്

> **Lead Summary:** ബെംഗളൂരു: ഐപിഎല്ലിൽ കൊൽക്കത്ത നൈറ്റ് റൈഡേഴ്സിനെതിരെ നേടിയ തകർപ്പൻ സെഞ്ച്വറി ആഘോഷിക്കാതിരുന്നതിന് പിന്നിലെ കാരണം വെളിപ്പെടുത്തി വിരാട് കോഹ്‌ലി. വ്യക്തിഗത നേട്ടത്തേക്കാൾ ടീമിന് ലഭിച്ച രണ്ട് പോയിന്റുകൾക്കാണ് താൻ വില കൽപ്പിക്കുന്നതെന്ന് മത്സരശേഷം കോഹ്‌ലി വ്യക്തമാക്കി.

## Article Content

ബെംഗളൂരു: ഐപിഎല്ലിൽ കൊൽക്കത്ത നൈറ്റ് റൈഡേഴ്സിനെതിരെ നേടിയ തകർപ്പൻ സെഞ്ച്വറി ആഘോഷിക്കാതിരുന്നതിന് പിന്നിലെ കാരണം വെളിപ്പെടുത്തി വിരാട് കോഹ്‌ലി. വ്യക്തിഗത നേട്ടത്തേക്കാൾ ടീമിന് ലഭിച്ച രണ്ട് പോയിന്റുകൾക്കാണ് താൻ വില കൽപ്പിക്കുന്നതെന്ന് മത്സരശേഷം കോഹ്‌ലി വ്യക്തമാക്കി.

> തുടർച്ചയായ രണ്ട് മത്സരങ്ങളിൽ റൺസൊന്നുമെടുക്കാതെ പുറത്തായതിന്റെ നിരാശയിലായിരുന്ന കോഹ്‌ലി, കൊൽക്കത്തയ്ക്കെതിരെ 105 റൺസുമായി പുറത്താകാതെ നിന്ന് ടീമിനെ വിജയത്തിലെത്തിച്ചു. "സെഞ്ച്വറി ആഘോഷിക്കാതിരുന്നത് ടീമിന് ലഭിച്ച 2 പോയിന്റുകളുടെ പ്രാധാന്യം അറിയാവുന്നത് കൊണ്ടാണ്. ടീമിന് മികച്ച തുടക്കം നൽകുക എന്നതിലാണ് ഞാൻ ശ്രദ്ധിക്കുന്നത്. ഞാൻ കൂടുതൽ നേരം ക്രീസിൽ നിന്നാൽ ടീമിന് വിജയസാധ്യത കൂടുമെന്ന് എനിക്കറിയാം," കോഹ്‌ലി പറഞ്ഞു.

കഴിഞ്ഞ മത്സരങ്ങളിലെ പരാജയം തന്നെ അസ്വസ്ഥനാക്കിയിരുന്നുവെന്നും എന്നാൽ പന്ത് നന്നായി ഹിറ്റ് ചെയ്യാൻ സാധിക്കുമെന്ന് ഉറപ്പായിരുന്നുവെന്നും താരം കൂട്ടിച്ചേർത്തു. കൊൽക്കത്ത ഉയർത്തിയ 193 റൺസ് പിന്തുടർന്ന ആർസിബിക്ക് വേണ്ടി തകർപ്പൻ പ്രകടനം കാഴ്ചവെച്ച കോഹ്‌ലി, ഐപിഎല്ലിൽ ഏറ്റവും കൂടുതൽ സെഞ്ച്വറി നേടുന്ന താരമെന്ന സ്വന്തം റെക്കോർഡും ഇതോടെ തിരുത്തി. 6 വിക്കറ്റ് വിജയത്തോടെ ആർസിബി പ്ലേ ഓഫ് സാധ്യതകൾ സജീവമാക്കിയിരിക്കുകയാണ്.

### Related Links & Sources
- [Original Story Source](https://truevisionnews.com/news/359398/kohli-didnt-take-off-his-helmet-there-is-a-clear-reason-behind-skipping-the-celebration)