---
title: "ജീവനെടുത്തല്ലോ ...!  പണിക്കാരോടൊപ്പം കാട് വെട്ടിത്തെളിക്കുമ്പോൾ കടന്നലുകൾ കുത്തി; കാസർകോട്  അധ്യാപകന് ദാരുണാന്ത്യം"
english_title: "Wasp sting; teacher dies tragically kasargod"
publisher: "truevisionnews.com"
canonical_url: "https://truevisionnews.com/news/359122/wasp-sting-teacher-dies-tragically-kasargod-new"
published_at: "2026-05-13T13:20:00+05:30"
category: "Kerala"
language: "ml"
image: "https://cf.zdn.im/img/truevisionnews.com/0/image-uploads/6a042e70a8535_h.jpg"
keywords: []
---

# ജീവനെടുത്തല്ലോ ...!  പണിക്കാരോടൊപ്പം കാട് വെട്ടിത്തെളിക്കുമ്പോൾ കടന്നലുകൾ കുത്തി; കാസർകോട്  അധ്യാപകന് ദാരുണാന്ത്യം

> **Lead Summary:** **കാസർകോട്: **കാസർകോട് കടന്നൽ കുത്തേറ്റ് അധ്യാപകൻ മരിച്ചു. ബളാന്തോട് ഗവൺമെന്‍റ് ഹയർ സെക്കൻഡറി സ്കൂളിലെ അധ്യാപകൻ ചാമുണ്ടിക്കുന്നിലെ വിജയൻ മാസ്റ്റർ ആണ് മരിച്ചത്. ഇന്ന് രാവിലെ തുമ്പോടിയിലെ പറമ്പിൽ നിന്നാണ് കടന്നൽ കുത്തേറ്റത്.

## Article Content

**കാസർകോട്: **കാസർകോട് കടന്നൽ കുത്തേറ്റ് അധ്യാപകൻ മരിച്ചു. ബളാന്തോട് ഗവൺമെന്‍റ് ഹയർ സെക്കൻഡറി സ്കൂളിലെ അധ്യാപകൻ ചാമുണ്ടിക്കുന്നിലെ വിജയൻ മാസ്റ്റർ ആണ് മരിച്ചത്. ഇന്ന് രാവിലെ തുമ്പോടിയിലെ പറമ്പിൽ നിന്നാണ് കടന്നൽ കുത്തേറ്റത്.

പണിക്കാരോടൊപ്പം കാട് വെട്ടിത്തെളിക്കുമ്പോഴാണ് കടന്നൽ കുത്തേറ്റത്. മൺപുറ്റിൽ കൂട് കൂട്ടിയ കടന്നലുകളാണ് കുത്തിയതെന്ന് ദൃക്സാക്ഷികൾ പറഞ്ഞു. ഉടൻ തന്നെ ബന്തടുക്കയിലെ സ്വകാര്യ ആശുപത്രിയിൽ എത്തിച്ചെങ്കിലും മരണം സംഭവിക്കുകയായിരുന്നു.

ഈ വർഷം സർവീസിൽ നിന്ന് വിരമിക്കാനിരിക്കെയാണ് മരണം. കൂടെയുണ്ടായിരുന്ന നാലോളം തൊഴിലാളികൾക്കും കടന്നൽ കുത്തേറ്റിട്ടുണ്ട്. അവർ ബന്തടുക്കയിലെ സ്വകാര്യ ആശുപത്രിയിൽ ചികിത്സ തേടി. അവരുടെ ആരുടെയും പരിക്ക് ഗുരുതരമല്ല.

### Related Links & Sources
- [Original Story Source](https://truevisionnews.com/news/359122/wasp-sting-teacher-dies-tragically-kasargod-new)