---
title: "വി ഡി മതി ഞങ്ങൾക്ക് ....:  വി ഡി സതീശന് ഡൽഹയിൽ സ്വീകരണം; ടീം Gen Z എന്ന പേരിൽ വിദ്യാർത്ഥികൾ സ്വീകരണം ഒരുക്കും"
english_title: "University students will welcome VD Satheesan when he arrives in Delhi."
publisher: "truevisionnews.com"
canonical_url: "https://truevisionnews.com/news/358212/university-students-will-welcome-vd-satheesan-when-he-arrives-in-delhi"
published_at: "2026-05-08T17:10:00+05:30"
category: "National"
language: "ml"
image: "https://cf.zdn.im/img/truevisionnews.com/0/image-uploads/69fdcbe3eb8ff_vd.jpg"
keywords: []
---

# വി ഡി മതി ഞങ്ങൾക്ക് ....:  വി ഡി സതീശന് ഡൽഹയിൽ സ്വീകരണം; ടീം Gen Z എന്ന പേരിൽ വിദ്യാർത്ഥികൾ സ്വീകരണം ഒരുക്കും

> **Lead Summary:** **** കേരളത്തിലെ മുഖ്യമന്ത്രി ചർച്ച നിർണായക ഘട്ടത്തിലേക്ക് കടക്കുന്നു. മുഖ്യമന്ത്രി പദവിക്കായി ചരടുവലിക്കുന്ന നേതാക്കളെ ഹൈക്കമാന്റ് ഡൽഹിക്ക് വിളിപ്പിച്ചു. ഡൽഹിൽ എത്തുന്ന വി ഡി സതീശന് സർവകലാശാല വിദ്യാർഥികൾ സ്വീകരണം നൽകും.

## Article Content

**** കേരളത്തിലെ മുഖ്യമന്ത്രി ചർച്ച നിർണായക ഘട്ടത്തിലേക്ക് കടക്കുന്നു. മുഖ്യമന്ത്രി പദവിക്കായി ചരടുവലിക്കുന്ന നേതാക്കളെ ഹൈക്കമാന്റ് ഡൽഹിക്ക് വിളിപ്പിച്ചു. ഡൽഹിൽ എത്തുന്ന വി ഡി സതീശന് സർവകലാശാല വിദ്യാർഥികൾ സ്വീകരണം നൽകും.

Team Gen Z യുടെ പേരിലാണ് സ്വീകരണം. കേരള ഹൗസിൽ സ്വീകരണം നൽകുന്നത് ഡൽഹി സർവകലാശാലയിലെ വിദ്യാർഥികളാണ്. അതേസമയം വി ഡി സതീശന് പിന്തുണയുമായി ദുബായ് ഇൻകാസ് പ്രവർത്തകർ രംഗത്തെത്തി. വി ഡി സതീശനെ മുഖ്യമന്ത്രി ആക്കണം. അവസാന നിമിഷം നൂലിൽ കെട്ടി മുഖ്യമന്ത്രിയെ ഇറക്കരുത്. ജനവികാരം മാനിക്കണം. ഇൻകാസ് ഒഐസിസി ഗ്ലോബൽ സെക്രട്ടറി ഉൾപ്പാടെ ഉള്ളവർ വി ഡി സതീശനെ പിന്തുണച്ചു.

കൊച്ചിയിൽ വൈകിട്ട് നാലിടങ്ങളിൽ പ്രകടനം വി ഡി അനുകൂല പ്രകടനം നടക്കും. കീഴ്മാട്, മരട്, വൈപ്പിൻ, കുന്നുകര എന്നിവിടങ്ങളിലാണ് പ്രകടനങ്ങൾ നടക്കുക. അതേസമയം കോണ്‍ഗ്രസില്‍ മുഖ്യമന്ത്രി പദത്തിനായി നേതാക്കള്‍ പോര് തുടരുന്നതിനിടെ വി ഡി സതീശന് അനുകൂലമായി പ്രകടനം നടന്നതിയ സംഭവത്തില്‍ നടപടിയുമായി ഇടുക്കി ഡിസിസി രംഗത്തെത്തി.

സംഘടന വിരുദ്ധ പ്രവർത്തനങ്ങൾ നടത്തിയതിന് നാല് പേർക്കെതിരെയാണ് ഇടുക്കി ഡിസിസി നടപടിസ്വീകരിച്ചത്. ഡിസിസി ജനറൽ സെക്രട്ടറി വി. ഇ താജുദ്ദീൻ, വെസ്റ്റ് മണ്ഡലം പ്രസിഡന്‍റ് സുരേഷ് ബാബു, കർഷക തൊഴിലാളി ഫെഡറേഷന് സംസ്ഥാന സെക്രട്ടറി ജോയ് മൈലാടി, തൊടുപുഴ ബ്ലോക്ക് സെക്രട്ടറി റോബിൻ മൈലാടി എന്നിവരെ പദവികളിൽ നിന്ന് നീക്കം ചെയ്തതായി ഡിസിസി പ്രസിഡണ്ട് സി.പി. മാത്യു അറിയിച്ചു.

### Related Links & Sources
- [Original Story Source](https://truevisionnews.com/news/358212/university-students-will-welcome-vd-satheesan-when-he-arrives-in-delhi)