---
title: " വിശന്നിട്ട് വന്നതാണോ? എട്ടടി നീളം, 16 കിലോ ഭാരം; കാസർഗോഡ് അടുക്കളയിലെ പാത്രങ്ങൾക്കിടയിലിരുന്ന രാജവെമ്പാലയെ പിടികൂടി"
english_title: "Forest Department captures king cobra hiding among kitchen utensils in Kasaragod"
publisher: "truevisionnews.com"
canonical_url: "https://truevisionnews.com/news/358082/forest-department-captures-king-cobra-hiding-among-kitchen-utensils-in-kasaragod"
published_at: "2026-05-08T10:07:00+05:30"
category: "Kerala"
language: "ml"
image: "https://cf.zdn.im/img/truevisionnews.com/0/image-uploads/69fd69fb27186_snk_.jpg"
keywords: []
---

#  വിശന്നിട്ട് വന്നതാണോ? എട്ടടി നീളം, 16 കിലോ ഭാരം; കാസർഗോഡ് അടുക്കളയിലെ പാത്രങ്ങൾക്കിടയിലിരുന്ന രാജവെമ്പാലയെ പിടികൂടി

> **Lead Summary:** **ബന്തടുക്ക: ** ‌ വീട്ടിലെ അടുക്കളയിൽ ഒളിച്ചിരുന്ന രാജവെമ്പാലയെ വനംവകുപ്പ് പിടികൂടി. മാണിമൂല ബന്തടുക്കയിലെ പി.കെ.ബാലകൃഷ്ണന്റെ വീട്ടിൽ നിന്നാണ് രാജവെമ്പാലയെ പിടികൂടിയത്. ഇന്നലെ രാവിലെ 11 മണിയോടെയാണ് അടുക്കളയിൽ നിലത്ത് പാത്രങ്ങൾക്കിടയിൽ പാമ്പിനെ കണ്ടത്.

## Article Content

**ബന്തടുക്ക: ** ‌ വീട്ടിലെ അടുക്കളയിൽ ഒളിച്ചിരുന്ന രാജവെമ്പാലയെ വനംവകുപ്പ് പിടികൂടി. മാണിമൂല ബന്തടുക്കയിലെ പി.കെ.ബാലകൃഷ്ണന്റെ വീട്ടിൽ നിന്നാണ് രാജവെമ്പാലയെ പിടികൂടിയത്. ഇന്നലെ രാവിലെ 11 മണിയോടെയാണ് അടുക്കളയിൽ നിലത്ത് പാത്രങ്ങൾക്കിടയിൽ പാമ്പിനെ കണ്ടത്.

അടുക്കള വാതിൽ തുറന്നിട്ട നിലയിലായിരുന്നു. പാമ്പിനെ കണ്ടു വീട്ടുകാർ പരിഭ്രാന്തരാവുകയും വിവരം വനംവകുപ്പ് ഉദ്യോഗസ്ഥരെ അറിയിക്കുകയും ചെയ്തു. ബോവിക്കാനത്തു നിന്ന് വനംവകുപ്പ് റാപിഡ് റെസ്പോൺസ് ടീം എത്തി പാമ്പിനെ പിടികൂടി. 8 അടിയോളം നീളമുള്ള രാജവെമ്പാലയ്ക്ക് 16 കിലോയോളം ഭാരമുണ്ട്. വലിയൊരു ദുരന്തം ഒഴിവായതിന്റെ ആശ്വാസത്തിലാണ് ബാലകൃഷ്ണനും കുടുംബവും.

### Related Links & Sources
- [Original Story Source](https://truevisionnews.com/news/358082/forest-department-captures-king-cobra-hiding-among-kitchen-utensils-in-kasaragod)