---
title: "'പട നയിച്ചവൻ നാട് നയിക്കട്ടെ'; വി.ഡി സതീശനായി തെരുവിലിറങ്ങി കോൺഗ്രസ്‌ പ്രവർത്തകർ, കണ്ണൂരും കോഴിക്കോടും എറണാകുളത്തും പ്രകടനം"
english_title: "Congress workers took to the streets as VD Satheesan demonstrating in Kannur Kozhikode and Ernakulam"
publisher: "truevisionnews.com"
canonical_url: "https://truevisionnews.com/news/358003/congress-workers-took-to-the-streets-as-vd-satheesan-demonstrating-in-kannur-kozhikode-and-ernakulam-new"
published_at: "2026-05-07T18:27:00+05:30"
category: "Kerala"
language: "ml"
image: "https://cf.zdn.im/img/truevisionnews.com/0/image-uploads/69fc8cc709e25_vd_satheesan.jpg"
keywords: []
---

# 'പട നയിച്ചവൻ നാട് നയിക്കട്ടെ'; വി.ഡി സതീശനായി തെരുവിലിറങ്ങി കോൺഗ്രസ്‌ പ്രവർത്തകർ, കണ്ണൂരും കോഴിക്കോടും എറണാകുളത്തും പ്രകടനം

> **Lead Summary:** **എറണാകുളം: ( **[www.truevisionnews.com]** ) **വി.ഡി സതീശന് വേണ്ടി തെരുവിലിറങ്ങി കോൺഗ്രസ്‌ പ്രവർത്തകർ. എറണാകുളത്തും കണ്ണൂരിലുമാണ് കോൺഗ്രസ് പ്രവർത്തകർ വി.ഡി. സതീശന് അനുകൂല പ്രകടനം നടത്തിയത്. 'പട നയിച്ചവൻ നാട് നയിക്കട്ടെ' എന്ന മുദ്രാവാക്യം ഉയർത്തിയാണ് പ്രകടനം നടന്നത്. 10 വർഷമായി തകർന്നുകൊണ്ടിരുന്ന കോൺഗ്രസിനെ തിരികെ കൊണ്ടുവന്നത് വി.ഡി. സതീശനാണ്. അദ്ദേഹത്ത മുഖ്യമന്ത്രിയാക്കണമെന്നാണ് പ്രവർത്തകരുടെ ആവശ്യം. നെട്ടൂരിലെ ഐ.എൻ.ടി.യു.സി പ്രവർത്തകരാണ് പ്രകടനം നടത്തിയത്.

## Article Content

**എറണാകുളം: ( **[www.truevisionnews.com]** ) **വി.ഡി സതീശന് വേണ്ടി തെരുവിലിറങ്ങി കോൺഗ്രസ്‌ പ്രവർത്തകർ. എറണാകുളത്തും കണ്ണൂരിലുമാണ് കോൺഗ്രസ് പ്രവർത്തകർ വി.ഡി. സതീശന് അനുകൂല പ്രകടനം നടത്തിയത്. 'പട നയിച്ചവൻ നാട് നയിക്കട്ടെ' എന്ന മുദ്രാവാക്യം ഉയർത്തിയാണ് പ്രകടനം നടന്നത്. 10 വർഷമായി തകർന്നുകൊണ്ടിരുന്ന കോൺഗ്രസിനെ തിരികെ കൊണ്ടുവന്നത് വി.ഡി. സതീശനാണ്. അദ്ദേഹത്ത മുഖ്യമന്ത്രിയാക്കണമെന്നാണ് പ്രവർത്തകരുടെ ആവശ്യം. നെട്ടൂരിലെ ഐ.എൻ.ടി.യു.സി പ്രവർത്തകരാണ് പ്രകടനം നടത്തിയത്.

കെ.സി. വേണുഗോപാലിന്റെ നാട്ടിലും വി.ഡി. സതീശനെ മുഖ്യമന്ത്രിയാക്കണമെന്ന് ആവശ്യപ്പെട്ട് പ്രവർത്തകർ പ്രകടനം നടത്തും. പഴയങ്ങാടിയിൽ വൈകീട്ടാണ് കോൺഗ്രസ് പ്രവർത്തകർ പ്രകടനം നടത്തുക. കോഴിക്കോട് കുറ്റ്യാടിയിൽ ഇന്ന് രാത്രി എട്ടു മണിക്ക് പ്രകടനം. കെ.എം. അഭിജിത്തിന്റെ മീഡിയ ഗ്രൂപ്പിലാണ് പോസ്റ്റർ ഉയർന്നത്.

അതേസമയം ആരാകണം മുഖ്യമന്ത്രിയെന്ന കാര്യം തീരുമാനിക്കാൻ എ ഐ സി സി നിരീക്ഷകരുടെ നേതൃത്വത്തിൽ നിർണായക ചര്‍ച്ചകള്‍ തിരുവനന്തപുരത്ത് പുരോഗമിക്കുമ്പോൾ കോൺഗ്രസിൽ പോരും കനക്കുകയാണ്. മുഖ്യമന്ത്രി സ്ഥാനത്തിനായി കെ സി വേണുഗോപാൽ, വി ഡി സതീശൻ, രമേശ് ചെന്നിത്തല പക്ഷങ്ങൾ അരയും തലയും മുറുക്കിയിരിക്കുകയാണ്. എം എൽ എമാരുടെ പിന്തുണ കെ സി പക്ഷത്തിനാണ് കൂടുതലെന്നായിരുന്നു പുറത്തുവന്ന റിപ്പോർട്ടുകൾ.

എന്നാൽ എ ഐ സി സി ജനറൽ സെക്രട്ടറിമാരായ മുകുൾ വാസ്‌നിക്കും അജയ് മാക്കനും എം എൽ എമാരെ ഒറ്റയ്ക്ക് ഒറ്റയ്ക്ക് കണ്ടപ്പോൾ, കെ സി പക്ഷത്തിന്‍റെ കണക്കുകളെല്ലാം തെറ്റിയെന്നാണ് വി ഡി പക്ഷവും ആർ സി പക്ഷവും പറയുന്നത്. 46പേരുടെ പിന്തുണ എന്ന കെ സി പക്ഷത്തിന്‍റെ കണക്ക് തെറ്റാണെന്ന് വി ഡി – ആർ സി പക്ഷങ്ങൾ വ്യക്തമാക്കി. 30 മുതൽ 35 വരെ എം എൽ എ മാരുടെ പിന്തുണ തങ്ങൾക്കാണെന്നാണ് വി ഡി പക്ഷം പറയുന്നത്. 23 പേരുടെ പിന്തുണ എന്നാണ് ചെന്നിത്തല പക്ഷത്തിന്‍റെ അവകാശ വാദം.

### Related Links & Sources
- [Original Story Source](https://truevisionnews.com/news/358003/congress-workers-took-to-the-streets-as-vd-satheesan-demonstrating-in-kannur-kozhikode-and-ernakulam-new)