---
title: "എല്ലാം വെറുതെയാകുമോ? ദിവസ പൂജയും ഗുരുതി പുഷ്പാഞ്ജലിയും, ഒറ്റ ശർക്കര നിവേദ്യവും; രമേശ് ചെന്നിത്തല മുഖ്യമന്ത്രിയാകാൻ പ്രത്യേക പൂജ നടത്തി കോൺഗ്രസ് പ്രവർത്തകർ"
english_title: "Congress workers perform special puja to ensure that Mesh Chennithala becomes CM"
publisher: "truevisionnews.com"
canonical_url: "https://truevisionnews.com/news/357829/congress-workers-perform-special-puja-to-ensure-that-mesh-chennithala-becomes-cm"
published_at: "2026-05-07T10:07:00+05:30"
category: "Kerala"
language: "ml"
image: "https://cf.zdn.im/img/truevisionnews.com/0/image-uploads/69fc17297fab4_RAMESH.jpg"
keywords: []
---

# എല്ലാം വെറുതെയാകുമോ? ദിവസ പൂജയും ഗുരുതി പുഷ്പാഞ്ജലിയും, ഒറ്റ ശർക്കര നിവേദ്യവും; രമേശ് ചെന്നിത്തല മുഖ്യമന്ത്രിയാകാൻ പ്രത്യേക പൂജ നടത്തി കോൺഗ്രസ് പ്രവർത്തകർ

> **Lead Summary:** **തൃശ്ശൂർ: **കേരളത്തിന്റെ അടുത്ത മുഖ്യമന്ത്രിയായി രമേശ് ചെന്നിത്തല വരണമെന്ന പ്രാർത്ഥനയുമായി ക്ഷേത്രത്തിൽ പ്രത്യേക പൂജകൾ നടത്തി കോൺഗ്രസ് പ്രവർത്തകർ. തൃശ്ശൂർ നന്തിപുലം കിഴക്കേ കുമരഞ്ചിറ ഭഗവതി ക്ഷേത്രത്തിലാണ് രമേശ് ചെന്നിത്തലക്ക് പ്രത്യേക പൂജ നടത്തിയത് .

## Article Content

**തൃശ്ശൂർ: **കേരളത്തിന്റെ അടുത്ത മുഖ്യമന്ത്രിയായി രമേശ് ചെന്നിത്തല വരണമെന്ന പ്രാർത്ഥനയുമായി ക്ഷേത്രത്തിൽ പ്രത്യേക പൂജകൾ നടത്തി കോൺഗ്രസ് പ്രവർത്തകർ. തൃശ്ശൂർ നന്തിപുലം കിഴക്കേ കുമരഞ്ചിറ ഭഗവതി ക്ഷേത്രത്തിലാണ് രമേശ് ചെന്നിത്തലക്ക് പ്രത്യേക പൂജ നടത്തിയത് .

 രമേശ് ചെന്നിത്തല മുഖ്യമന്ത്രിയാവാനാണ് പൂജ. ദിവസ പൂജയും ഗുരുതി പുഷ്പാഞ്ജലിയും, ഒറ്റ ശർക്കര നിവേദ്യവുമാണ് നടത്തിയത്. ഐഎൻടിയുസി തൃശൂർ ജില്ല വൈസ് പ്രസിഡന്‍റ് കെ എൻ നാരായണനാണ് കുമരഞ്ചിറ ഭഗവതി ക്ഷേത്രത്തിൽ വഴിപാട് കഴിച്ചത്.

അതേസമയം, മുഖ്യമന്ത്രിയെ തീരുമാനത്തിൽ കോൺഗ്രസിന്‍റെ നിർണായക നിയമസഭാ കക്ഷിയോഗം ഇന്ന് നടക്കും. എഐസിസി നിരീക്ഷകരായ അജയ് മാക്കനും മുകുൽ വാസ്നിക്കും എംഎൽഎമാരെ ഒറ്റയ്ക്കൊറ്റയ്ക്ക് കാണും എന്നാണ് വിവരം. ഘടകകക്ഷി നേതാക്കളുമായും ഇന്ന് വൈകുന്നേരം കൂടിക്കാഴ്ച നടത്തും. ഞായറാഴ്ചയ്ക്കുള്ളിൽ ഹൈക്കമാൻഡ് തീരുമാനം വരും എന്നാണ് വിവരം.

മുഖ്യമന്ത്രി പദത്തിനായി അവകാശവാദം ശക്തമാക്കിയിരിക്കുകയാണ് വിഡി സതീശന്‍റേയും കെസി വേണുഗോപാലിന്‍റെയും ചെന്നിത്തലയുടേയും പക്ഷങ്ങൾ. എംഎൽഎമാരെ ഒപ്പം നിർത്താൻ മന്ത്രിസ്ഥാനമടക്കം വാഗ്ദാനം ചെയ്തിട്ടുണ്ട് ഗ്രൂപ്പുകൾ. കെപിസിസിക്ക് മുന്നിൽ കെസി വേണുഗോപാലിനായി കൂട്ടത്തോടെ ഫ്ലെക്സുകൾ വെച്ചിട്ടുണ്ട്. പരസ്യ ചേരിപ്പോരിൽ കോൺഗ്രസ് ഉന്നത നേതൃത്വത്തിന് കടുത്ത അതൃപ്തിയുണ്ടെന്നാണ് റിപ്പോർട്ട്.

### Related Links & Sources
- [Original Story Source](https://truevisionnews.com/news/357829/congress-workers-perform-special-puja-to-ensure-that-mesh-chennithala-becomes-cm)