---
title: "രാത്രി ബസുകളിൽ ലഹരിയെത്തിക്കും: ലക്ഷങ്ങൾ വിലയുള്ള എം.ഡി.എം.എയുമായി മൊത്തവിതരണക്കാരൻ എക്സൈസ് പിടിയിൽ"
english_title: "Middle-aged man arrested by excise with MDMA in Chadayamangalam"
publisher: "truevisionnews.com"
canonical_url: "https://truevisionnews.com/news/357744/middle-aged-man-arrested-by-excise-with-mdma-in-chadayamangalam"
published_at: "2026-05-06T17:25:00+05:30"
category: "Kerala"
language: "ml"
image: "https://cf.zdn.im/img/truevisionnews.com/0/image-uploads/69fb2c82010af_arrest_.jpg"
keywords: []
---

# രാത്രി ബസുകളിൽ ലഹരിയെത്തിക്കും: ലക്ഷങ്ങൾ വിലയുള്ള എം.ഡി.എം.എയുമായി മൊത്തവിതരണക്കാരൻ എക്സൈസ് പിടിയിൽ

> **Lead Summary:** **ചടയമംഗലം: **നിലമേൽ, കൈതോട് മേഖലകളിൽ മയക്കുമരുന്ന് എത്തിക്കുന്ന പ്രധാന മൊത്തവിതരണക്കാരൻ ചടയമംഗലം എക്സൈസിന്റെ പിടിയിലായി. വർക്കല മടവൂർ സ്വദേശി തൻസീർ ആണ് 20 ഗ്രാം എം.ഡി.എം.എയുമായി അറസ്റ്റിലായത്. പിടിച്ചെടുത്ത മയക്കുമരുന്നിന് വിപണിയിൽ ഏകദേശം ഒരു ലക്ഷം രൂപ വിലവരും.

## Article Content

**ചടയമംഗലം: **നിലമേൽ, കൈതോട് മേഖലകളിൽ മയക്കുമരുന്ന് എത്തിക്കുന്ന പ്രധാന മൊത്തവിതരണക്കാരൻ ചടയമംഗലം എക്സൈസിന്റെ പിടിയിലായി. വർക്കല മടവൂർ സ്വദേശി തൻസീർ ആണ് 20 ഗ്രാം എം.ഡി.എം.എയുമായി അറസ്റ്റിലായത്. പിടിച്ചെടുത്ത മയക്കുമരുന്നിന് വിപണിയിൽ ഏകദേശം ഒരു ലക്ഷം രൂപ വിലവരും.

വിപണിയിൽ ഒരു ലക്ഷം രൂപയോളം വിലമതിക്കുന്ന മയക്കുമരുന്നാണ് കണ്ടെടുത്തത്. നിലമേൽ കണ്ണങ്കോട് ജങ്ഷനിൽനിന്നും പള്ളിയിലേക്ക് പോകുന്ന റോഡിൽ വെച്ചാണ് പ്രതി പിടിയിലാകുന്നത്. ബംഗളുരുവിൽനിന്നും നേരിട്ട് എം.ഡി.എം.എ വൻതോതിൽ നാട്ടിലെത്തിച്ച് വിതരണം ചെയ്യുന്നതാണ് രീതി.

രാത്രി സർവിസ് ബസുകളിലാണ് ഇയാൾ സാധാരണയായി ലഹരിമരുന്ന് കടത്തുന്നത്. എക്സൈസിന് രഹസ്യവിവരം ലഭിച്ചതിന്റെ അടിസ്ഥാനത്തിൽ നടത്തിയ റെയ്ഡിലാണ് ഇയാൾ പിടിയിലായത്. പ്രതി ഉൾപ്പെട്ട ലഹരി മാഫിയ സംഘത്തിലെ മറ്റുള്ളവരെക്കുറിച്ചും എക്സൈസിന് വിവരങ്ങൾ ലഭിച്ചിട്ടുണ്ട്. വരും ദിവസങ്ങളിൽ അന്വേഷണം ഊർജ്ജിതമാക്കും. അറസ്റ്റിന് ശേഷം പ്രതിയെ കൊട്ടാരക്കര കോടതിയിൽ ഹാജരാക്കുകയും റിമാൻഡ് ചെയ്യുകയും ചെയ്തു.

ചടയമംഗലം എക്സൈസ് റേഞ്ച് ഇൻസ്പെക്ടർ ജി.ബി. നന്ദു തേജസിന്റെ നേതൃത്വത്തിലുള്ള പരിശോധനാ സംഘത്തിൽ പ്രിവന്റീവ് ഓഫിസർ ബിനു, പ്രിവന്റീവ് ഓഫിസർ ഗ്രേഡ് സബീർ, സിവിൽ എക്സൈസ് ഓഫിസർമാരായ ജയേഷ്, ചന്തു, ബിൻസാഗർ, ശ്രേയസ്, അരുൺ, ജിനു, ശരണ്യ, പ്രിവന്റീവ് ഓഫിസർ ഗ്രേഡ് ഡ്രൈവർ സാബു എന്നിവരും പങ്കെടുത്തു.

### Related Links & Sources
- [Original Story Source](https://truevisionnews.com/news/357744/middle-aged-man-arrested-by-excise-with-mdma-in-chadayamangalam)