---
title: "ഹെവി ലൈസൻസ് ഉണ്ടോ? എങ്കിൽ മുൻഗണന ഉറപ്പ്! വിവിധ ഏവിയേഷൻ  കോഴ്സുകൾക്കുള്ള അപേക്ഷ ക്ഷണിച്ചു"
english_title: "Applications invited for various aviation courses"
publisher: "truevisionnews.com"
canonical_url: "https://truevisionnews.com/news/357421/applications-invited-for-various-aviation-courses"
published_at: "2026-05-05T12:09:00+05:30"
category: "Edu-Career"
language: "ml"
image: "https://cf.zdn.im/img/truevisionnews.com/0/image-uploads/69f9917e9ab2e_WhatsApp_Image_2026-05-05_at_12.12.47_PM.jpeg"
keywords: []
---

# ഹെവി ലൈസൻസ് ഉണ്ടോ? എങ്കിൽ മുൻഗണന ഉറപ്പ്! വിവിധ ഏവിയേഷൻ  കോഴ്സുകൾക്കുള്ള അപേക്ഷ ക്ഷണിച്ചു

> **Lead Summary:** **കൊച്ചി : ** കൊച്ചി ഏവിയേഷൻ സ‌ർവീസസിൽ പിജി ഡിപ്ലോമ, അഡ്വാൻസ്ഡ് ഡിപ്ലോമ, സർട്ടിഫിക്കേറ്റ് പ്രോഗ്രാമുകളിലേക്ക് അപേക്ഷ ക്ഷണിച്ചു.

## Article Content

**കൊച്ചി : ** കൊച്ചി ഏവിയേഷൻ സ‌ർവീസസിൽ പിജി ഡിപ്ലോമ, അഡ്വാൻസ്ഡ് ഡിപ്ലോമ, സർട്ടിഫിക്കേറ്റ് പ്രോഗ്രാമുകളിലേക്ക് അപേക്ഷ ക്ഷണിച്ചു.

ഔദ്യോ​ഗിക വെബ്സൈറ്റിൽ പ്രവേശിച്ച് മേയ് 11 വരെ അപേക്ഷിക്കാൻ അവസരമുണ്ട്. കുസാറ്റിന്റെ അംഗീകാരമുള്ള പ്രോഗ്രാമുകളാണിത്. അഡ്വാൻസ്ഡ് ഡിപ്ലോമ ഇൻ എയർക്രാഫ്റ്റ് റസ്ക്യു ആൻഡ് ഫയർഫൈറ്റിങ്, പിജി ഡിപ്ലോമ ഇൻ ഏവിയേഷൻ മാനേജ്മെന്റ് എന്നിവയാണ് പ്രധാന കോഴ്സുകൾ

എയർപോർട്ടുകളിൽ തീപിടിത്തവുമായി ബന്ധപ്പെട്ട അടിയന്തര സാഹചര്യങ്ങളിലെ പ്രവർത്തനങ്ങളാണ് ഡ്വാൻസ്ഡ് ഡിപ്ലോമ ഇൻ എയർക്രാഫ്റ്റ് റസ്ക്യു ആൻഡ് ഫയർഫൈറ്റിങ് കോഴ്സിൽ പ്രധാനമായും ഉൾപ്പെടുത്തിയിട്ടുള്ളത്. കോഴ്സിലേക്ക് 50 സീറ്റുകളാണുള്ളത്.

ഒരു വർഷം ദൈർഘ്യമുള്ള കോഴ്സിന് മൂന്ന് ലക്ഷം രൂപയാണ് ഫീസ്. ഫിസിക്സ്, കെമിസ്ട്രി, മാത്‌സ് വിഷയങ്ങൾ പഠിച്ച് പ്ലസ് ടു പാസായവർക്കും ഏതെങ്കിലും വിഷയത്തിൽ ബിരുദമുള്ളവർക്കും അപേക്ഷിക്കാം

ലൈറ്റ് മോട്ടർ വെഹിക്കിൾ ലൈസൻസ് വേണം. ഹെവി വെഹിക്കിൾ ഡ്രൈവിങ് ലൈസൻസ് ഉള്ളവർക്ക് മുൻഗണനയുണ്ട്. 18 മുതൽ 27 വരെയാണ് അപേക്ഷിക്കാനുള്ള പ്രായപരിധി.

പുരുഷന്മാർക്ക് കുറഞ്ഞത് 167 സെന്റീമീറ്റ‍ർ ഉയരവും 55 കിലോഗ്രാം ഭാരവും വേണം. സ്ത്രീകൾക്ക് 157 സെന്റീമീറ്റ‍ർ ഉയരവും 45 കിലോഗ്രാം ഭാരവും ഉണ്ടായിരിക്കണം. നല്ല കാഴ്ചശക്തിയുമുണ്ടാകണം.

പിജി ഡിപ്ലോമ ഇൻ ഏവിയേഷൻ മാനേജ്മെന്റ് കോഴ്സിൽ എയർലൈൻ മാനേജ്മെന്റ്, എയർപോർട്ട് മാനേജ്മെന്റ്, ഗ്രൗണ്ട് ഹാൻഡ്‌ലിങ് തുടങ്ങിയവയിൽ എൻട്രി ലവൽ ജോലികൾ ലഭിക്കാനുള്ള പരിശീലനമാണ് നൽകുന്നത്.ഒരു വർഷമാണ് കോഴ്സിന്റെ ദൈർഘ്യം. 20 – 26 വരെ പ്രായമുള്ള, ഏതെങ്കിലും വിഷയത്തിൽ ബിരുദമുള്ളവർക്ക് അപേക്ഷിക്കാം. ഇംഗ്ലിഷിൽ പ്രാവീണ്യമുണ്ടായിരിക്കണം. ഫീസ്: 1.77 ലക്ഷം രൂപ,

### Related Links & Sources
- [Original Story Source](https://truevisionnews.com/news/357421/applications-invited-for-various-aviation-courses)