പഞ്ചസാര ചേർക്കാതെ മാമ്പഴവും നാരങ്ങയും മറ്റു രുചിക്കൂട്ടുകളും ചേർത്തൊരു സൂപ്പർ കൂൾ ഡ്രിങ്ക്. കുട്ടികൾക്കും മുതിർന്നവർക്കും ഒരുപോലെ ഇഷ്ടപ്പെടുന്ന ഒന്നാണിത് .
ചേരുവകൾ
- മാമ്പഴം - ഒന്ന് (250 ഗ്രാം)
- സബ്ജ സീഡ് - അര ടീസ്പൂൺ + (കുതിർക്കാൻ 2 ടേബിൾസ്പൂൺ വെള്ളം)
- പുതിനയില - ഒന്ന്
- പച്ചമുളക് - ഒരു ചെറിയ കഷ്ണം
- നാരങ്ങ - ഒന്ന്
- തേൻ - ഒരു ടേബിൾസ്പൂൺ
- ഉപ്പ് - ഒരു നുള്ള്‌
- വെള്ളം - ഒരു കപ്പ്
- ഐസ് ക്യൂബ്സ് - ആവശ്യത്തിന്
തയാറാക്കുന്ന വിധം
- ആദ്യം ഒരു ബൗളിൽ സബ്ജ സീഡ് വെള്ളം ചേർത്ത് കുതിർക്കാൻ വയ്ക്കുക.
- ശേഷം മുറിച്ചെടുത്ത മാമ്പഴ കഷ്ണങ്ങൾ മിക്സിയിൽ ഇട്ട് അതിലേക്കു പുതിനയില, പച്ചമുളക്, നാരങ്ങാനീര്, തേൻ, ഉപ്പ്, വെള്ളം എന്നിവ ചേർത്ത് നന്നായി അരച്ചെടുക്കുക.
- ഇനി ഗ്ലാസിൽ കുറച്ചു മാമ്പഴ കഷ്ണങ്ങളും സബ്ജ സീഡ്‌സും ഐസ് ക്യൂബ്സും ചേർത്ത് അലങ്കരിച്ചു അതിലേക്കു ലെമണൈഡ് ചേർത്ത് നന്നായി ഇളക്കി വിളമ്പാം.
You can make a healthy lemonade with mango flavor
.jpg)
