---
title: "'എന്തിന് ഞാൻ ആണവായുധങ്ങൾ ഉപയോഗിക്കണം?ഇറാനെതിരെ ആണവായുധം ഉപയോഗിക്കില്ലെന്ന് പ്രസിഡന്‍റ്"
english_title: "'Why should I use nuclear weapons?' President says he will not use nuclear weapons against Iran"
publisher: "truevisionnews.com"
canonical_url: "https://truevisionnews.com/news/355116/why-should-i-use-nuclear-weapons-president-says-he-will-not-use-nuclear-weapons-against-iran"
published_at: "2026-04-24T09:26:00+05:30"
category: "International"
language: "ml"
image: "https://cf.zdn.im/img/truevisionnews.com/0/image-uploads/69eaeaba20c74_regytf.jpg"
keywords: []
---

# 'എന്തിന് ഞാൻ ആണവായുധങ്ങൾ ഉപയോഗിക്കണം?ഇറാനെതിരെ ആണവായുധം ഉപയോഗിക്കില്ലെന്ന് പ്രസിഡന്‍റ്

> **Lead Summary:** വാഷിംഗ്ടൺ: **[**ഇറാനുമായുള്ള സംഘർഷത്തിൽ ആണവായുധങ്ങൾ ഉപയോഗിക്കില്ലെന്ന് അമേരിക്കൻ പ്രസിഡന്‍റ് ഡോണൾഡ് ട്രംപ് വ്യക്തമാക്കി. വൈറ്റ് ഹൗസിൽ മാധ്യമപ്രവർത്തകരോട് സംസാരിക്കുകയായിരുന്നു അദ്ദേഹം. സാധാരണ ആയുധങ്ങൾ ഉപയോഗിച്ചുള്ള ആക്രമണങ്ങളിലൂടെ തന്നെ ഇറാന്‍റെ സൈനിക ശക്തിയെ തകർക്കാൻ അമേരിക്കയ്ക്ക് സാധിച്ചിട്ടുണ്ട്. അതിനാൽ ആണവായുധങ്ങളുടെ ആവശ്യം നിലവിലില്ല. ഒരു രാജ്യവും ആണവായുധങ്ങൾ ഉപയോഗിക്കരുത് എന്നതാണ് തന്‍റെ വ്യക്തിപരമായ നിലപാടെന്നും അദ്ദേഹം കൂട്ടിച്ചേർത്തു.

## Article Content

വാഷിംഗ്ടൺ: **[**ഇറാനുമായുള്ള സംഘർഷത്തിൽ ആണവായുധങ്ങൾ ഉപയോഗിക്കില്ലെന്ന് അമേരിക്കൻ പ്രസിഡന്‍റ് ഡോണൾഡ് ട്രംപ് വ്യക്തമാക്കി. വൈറ്റ് ഹൗസിൽ മാധ്യമപ്രവർത്തകരോട് സംസാരിക്കുകയായിരുന്നു അദ്ദേഹം. സാധാരണ ആയുധങ്ങൾ ഉപയോഗിച്ചുള്ള ആക്രമണങ്ങളിലൂടെ തന്നെ ഇറാന്‍റെ സൈനിക ശക്തിയെ തകർക്കാൻ അമേരിക്കയ്ക്ക് സാധിച്ചിട്ടുണ്ട്. അതിനാൽ ആണവായുധങ്ങളുടെ ആവശ്യം നിലവിലില്ല. ഒരു രാജ്യവും ആണവായുധങ്ങൾ ഉപയോഗിക്കരുത് എന്നതാണ് തന്‍റെ വ്യക്തിപരമായ നിലപാടെന്നും അദ്ദേഹം കൂട്ടിച്ചേർത്തു.

> "എന്തിന് ഞാൻ ആണവായുധങ്ങൾ ഉപയോഗിക്കണം? അവയില്ലാതെ തന്നെ വളരെ സാധാരണമായ രീതിയിൽ നാം അവരെ തകർത്തു കഴിഞ്ഞു," ട്രംപ് പറഞ്ഞു. ഇറാന്‍റെ നാവികസേന കടലിന്‍റെ അടിത്തട്ടിലാണെന്നും വ്യോമസേനയും റഡാർ സംവിധാനങ്ങളും പൂർണ്ണമായും നശിപ്പിക്കപ്പെട്ടുവെന്നും അദ്ദേഹം അവകാശപ്പെട്ടു. നിലവിൽ മേഖലയിൽ ഏർപ്പെടുത്തിയിട്ടുള്ള ഉപരോധം അതിശക്തമാണെന്നും സമയം ഇറാന് അനുകൂലമല്ലെന്നും അദ്ദേഹം മുന്നറിയിപ്പ് നൽകി. ചർച്ചകൾക്കായി താൻ തിടുക്കം കാണിക്കുന്നില്ലെന്നും ദീർഘകാലം നിലനിൽക്കുന്ന സുശക്തമായ ഒരു കരാറാണ് ലക്ഷ്യമെന്നും അദ്ദേഹം വ്യക്തമാക്കി.

അതിനിടെ, മേഖലയിൽ അമേരിക്ക തങ്ങളുടെ സൈനിക സാന്നിധ്യം വീണ്ടും വർദ്ധിപ്പിച്ചു. യുഎസ്എസ് ജോർജ്ജ് എച്ച്.ഡബ്ല്യു ബുഷ് (USS George HW Bush) എന്ന വിമാനവാഹിനിക്കപ്പൽ കൂടി ഇന്ത്യൻ മഹാസമുദ്രത്തിൽ എത്തിയതോടെ മേഖലയിലെ അമേരിക്കൻ വിമാനവാഹിനിക്കപ്പലുകളുടെ എണ്ണം മൂന്നായി. നിലവിൽ യുഎസ്എസ് അബ്രഹാം ലിങ്കൺ അറബിക്കടലിലും യുഎസ്എസ് ജെറാൾഡ് ആർ ഫോർഡ് ചെങ്കടലിലും നിലയുറപ്പിച്ചിട്ടുണ്ട്. വിർജീനിയയിലെ നോർഫോക്കിൽ നിന്നും യാത്ര തിരിച്ച ബുഷ്, ആഫ്രിക്കൻ തീരം ചുറ്റിയാണ് മിഡിൽ ഈസ്റ്റിലേക്ക് എത്തിയത്. ഇറാന് മേലുള്ള സമ്മർദ്ദം ശക്തമാക്കാൻ ഈ സൈനിക നീക്കം സഹായിക്കുമെന്നാണ് പെന്‍റഗൺ വിലയിരുത്തുന്നത്.

### Related Links & Sources
- [Original Story Source](https://truevisionnews.com/news/355116/why-should-i-use-nuclear-weapons-president-says-he-will-not-use-nuclear-weapons-against-iran)