---
title: "നാവിൽ കപ്പലോടിക്കും നാടൻ നത്തോലി ഫ്രൈ; ഈ മസാല കൂട്ട് ഒന്ന് പരീക്ഷിക്കൂ!"
english_title: "Nattholi fry "
publisher: "truevisionnews.com"
canonical_url: "https://truevisionnews.com/news/354407/nattholi-fry"
published_at: "2026-04-20T14:09:00+05:30"
category: "Cookery"
language: "ml"
image: "https://cf.zdn.im/img/truevisionnews.com/0/image-uploads/69e5e6c93669b_Nattholi_fry.jpg"
keywords: []
---

# നാവിൽ കപ്പലോടിക്കും നാടൻ നത്തോലി ഫ്രൈ; ഈ മസാല കൂട്ട് ഒന്ന് പരീക്ഷിക്കൂ!

> **Lead Summary:** **[** മലയാളിയുടെ ഉച്ചഭക്ഷണത്തിൽ ഒഴിവാക്കാൻ പറ്റാത്ത ഒന്നാണ് മീൻ വറുത്തത്. അതിൽ തന്നെ നത്തോലി അഥവാ ചൂട ഫ്രൈയ്ക്ക് ഒരു പ്രത്യേക ഫാൻ ബേസ് തന്നെയുണ്ട്. നല്ല നാടൻ വെളിച്ചെണ്ണയിൽ ചെറിയ ഉള്ളിയും ഉണക്കമുളകും ചേർത്തരച്ച മസാല പുരട്ടി മൊരിച്ചെടുത്ത നത്തോലി ഉണ്ടെങ്കിൽ ചോറിന് വേറെ കറിയൊന്നും വേണ്ട!

## Article Content

**[** മലയാളിയുടെ ഉച്ചഭക്ഷണത്തിൽ ഒഴിവാക്കാൻ പറ്റാത്ത ഒന്നാണ് മീൻ വറുത്തത്. അതിൽ തന്നെ നത്തോലി അഥവാ ചൂട ഫ്രൈയ്ക്ക് ഒരു പ്രത്യേക ഫാൻ ബേസ് തന്നെയുണ്ട്. നല്ല നാടൻ വെളിച്ചെണ്ണയിൽ ചെറിയ ഉള്ളിയും ഉണക്കമുളകും ചേർത്തരച്ച മസാല പുരട്ടി മൊരിച്ചെടുത്ത നത്തോലി ഉണ്ടെങ്കിൽ ചോറിന് വേറെ കറിയൊന്നും വേണ്ട!

കുറഞ്ഞ സമയത്തിനുള്ളിൽ തയ്യാറാക്കാമെങ്കിലും, ഇതിന്റെ യഥാർത്ഥ രുചി കിട്ടാൻ മസാലകൾ കൃത്യമായിരിക്കണം. സവാളയ്ക്ക് പകരം ചെറിയ ഉള്ളി ചേർത്ത് തയ്യാറാക്കുന്ന, നാവിൽ വെള്ളമൂറിക്കുന്ന ഒരു സ്പെഷ്യൽ നത്തോലി ഫ്രൈ റെസിപ്പി ഇതാ...

**ആവശ്യമായ ചേരുവകൾ:**

നത്തോലി: 500 ഗ്രാം

വെളിച്ചെണ്ണ: വറുക്കാൻ ആവശ്യത്തിന്

ചെറിയ ഉള്ളി: 100 ഗ്രാം

കുരുമുളക്: 1 ടീസ്പൂൺ

ഉണക്കമുളക്: 4 - 5 എണ്ണം

കറിവേപ്പില: കുറച്ച്

കല്ലുപ്പ്: ആവശ്യത്തിന്

**തയ്യാറാക്കുന്ന വിധം:**

നത്തോലി നന്നായി കഴുകി വൃത്തിയാക്കുക. അവസാനമായി അല്പം മഞ്ഞൾപ്പൊടി ചേർത്ത വെള്ളത്തിൽ കഴുകുന്നത് മീനിന്റെ ഉളുമ്പ് മണം മാറാൻ സഹായിക്കും. ശേഷം വെള്ളം പൂർണ്ണമായും വാർന്നു കളയുക.

ചെറിയ ഉള്ളി, കുരുമുളക്, ഉണക്കമുളക്, കല്ലുപ്പ്, കറിവേപ്പില എന്നിവ ചേർത്ത് മിക്സിയിൽ നന്നായി അരച്ചെടുക്കുക. ചെറിയ ഉള്ളി ചേർക്കുന്നത് ഈ വിഭവത്തിന് പ്രത്യേക രുചി നൽകും, അതിനാൽ സവാള ഉപയോഗിക്കാതിരിക്കാൻ ശ്രദ്ധിക്കുക.

തയ്യാറാക്കിയ മസാല നത്തോലിയിൽ നന്നായി തേച്ചുപിടിപ്പിക്കുക. കുറഞ്ഞത് 3 മണിക്കൂർ എങ്കിലും ഇത് മാറ്റിവെക്കണം. മസാല മീനിനുള്ളിലേക്ക് പിടിക്കാനും നല്ല രുചി കിട്ടാനും ഇത് അത്യാവശ്യമാണ്.

ഒരു പാനിൽ വെളിച്ചെണ്ണ ഒഴിച്ച് ചൂടാകുമ്പോൾ മീൻ നിരത്തിയിട്ട് വറുത്തെടുക്കുക (ഷാലോ ഫ്രൈ). നിങ്ങൾക്ക് വേണമെങ്കിൽ കൂടുതൽ എണ്ണയിൽ മുക്കി വറുക്കുകയും (ഡീപ്പ് ഫ്രൈ) ചെയ്യാം.

### Related Links & Sources
- [Original Story Source](https://truevisionnews.com/news/354407/nattholi-fry)