---
title: "ശ്രീകാര്യത്ത് കിണറ്റിനുള്ളിൽ ഫ്‌ളാറ്റ് സുരക്ഷാ ജീവനക്കാരന്റെ മൃതദേഹം കണ്ടെത്തി  "
english_title: "Man's body found in Srikaryam Kariyath well."
publisher: "truevisionnews.com"
canonical_url: "https://truevisionnews.com/news/354382/mans-body-found-in-srikaryam-kariyath-well"
published_at: "2026-04-20T13:09:00+05:30"
category: "Kerala"
language: "ml"
image: "https://cf.zdn.im/img/truevisionnews.com/0/image-uploads/69e5d866a094e_well.jpg"
keywords: []
---

# ശ്രീകാര്യത്ത് കിണറ്റിനുള്ളിൽ ഫ്‌ളാറ്റ് സുരക്ഷാ ജീവനക്കാരന്റെ മൃതദേഹം കണ്ടെത്തി  

> **Lead Summary:** **തിരുവനന്തപുരം: **ശ്രീകാര്യം കരിയത്ത് കിണറ്റിനുള്ളില്‍ പുരുഷന്റെ മൃതദേഹം. ആറ്റിങ്ങല്‍ സ്വദേശി ഭാസ്‌കരപിള്ള യുടേതാണ് മൃതദേഹം. കരിയത്തുള്ള നിര്‍മ്മാണം നടക്കുന്ന ഫ്‌ളാറ്റിലെ സുരക്ഷാ ജീവനക്കാരനായിരുന്നു.

## Article Content

**തിരുവനന്തപുരം: **ശ്രീകാര്യം കരിയത്ത് കിണറ്റിനുള്ളില്‍ പുരുഷന്റെ മൃതദേഹം. ആറ്റിങ്ങല്‍ സ്വദേശി ഭാസ്‌കരപിള്ള യുടേതാണ് മൃതദേഹം. കരിയത്തുള്ള നിര്‍മ്മാണം നടക്കുന്ന ഫ്‌ളാറ്റിലെ സുരക്ഷാ ജീവനക്കാരനായിരുന്നു.

മൃതദേഹത്തിന് മൂന്നു ദിവസത്തെ പഴക്കമുണ്ടെന്നാണ് പ്രാഥമിക നിഗമനം. തൊട്ടടുത്ത് നിര്‍മ്മാണം നടക്കുന്ന വീട്ടിലെ തൊഴിലാളികളാണ് രാവിലെ മൃതദേഹം കണ്ടത്. മൂന്നുദിവസമായി ഭാസ്‌കരന്‍ പിള്ളയെ വീട്ടുകാര്‍ ഫോണില്‍ വിളിച്ചിരുന്നെങ്കിലും ലഭിച്ചിരുന്നില്ല.

ഡ്യൂട്ടി കഴിഞ്ഞ് വീട്ടിലെത്താത്തതിനെ തുടര്‍ന്നാണ് ഫോണ്‍ വിളിച്ചത്. സാധാരണ ആഴ്ചയില്‍ ഒരിക്കല്‍ മാത്രമാണ് ഇയാള്‍ വീട്ടിലെത്തിയിരുന്നത്. ശ്രീകാര്യം പൊലീസ് സ്ഥലത്തെത്തി. സംഭവത്തിൽ ദുരൂഹതയുണ്ടോ എന്ന കാര്യം പൊലീസ് അന്വേഷിക്കുന്നുണ്ട്.

### Related Links & Sources
- [Original Story Source](https://truevisionnews.com/news/354382/mans-body-found-in-srikaryam-kariyath-well)