തൃശൂർ: (https://truevisionnews.com/) വെളുത്തൂരിൽ ക്ഷേത്രോത്സവത്തിനിടെയുണ്ടായ സംഘർഷത്തിൽ യുവാവിനെ കുത്തിപ്പരിക്കേൽപ്പിച്ച സംഭവത്തിൽ രണ്ട് പേർ പിടിയിലായി. പടിഞ്ഞാറേക്കോട്ട സ്വദേശി ഡെൽജോ (25) എന്ന യുവാവിനാണ് കുത്തേറ്റത്. സംഭവവുമായി ബന്ധപ്പെട്ട് ശിവരാമപുരം ഉന്നതിയിലെ 'പൊന്മാണി' എന്ന് വിളിക്കുന്ന ഇനോസ് (19), ആദിത്യൻ (19) എന്നിവരെ പോലീസ് കസ്റ്റഡിയിലെടുത്തു.
ഞായറാഴ്ച രാത്രി ഏഴരയോടെയാണ് സംഭവം.ഡെൽജോയുടെ തോളിനാണ് പരിക്കേറ്റത്. അയ്യന്തോളിലും പടിഞ്ഞാറേക്കോട്ടയിലുമുള്ള സംഘങ്ങൾ തമ്മിലായിരുന്നു സംഘർഷം. ഉടനടി നാട്ടുകാർ പൊലീസിനെ വിവരമറിയിക്കുകയായിരുന്നു.അരിമ്പൂർ നമ്പൂർക്കാവ് ക്ഷേത്ര മൈതാനത്തുവച്ചാണ് വാക്കുതർക്കമുണ്ടായത്. ക്ഷേത്ര ഉത്സവത്തിൻറെ സമാപന ദിവസമായിരുന്നു ഞായറാഴ്ച.
Content Highlight: Clashes during Veluthur temple festival: Two arrested in stabbing incident
