---
title: "നിസ്സാര തർക്കം ജീവനെടുത്തു ..! പാലക്കാട് ഭക്ഷണം വിളമ്പുന്നതിനെ ചൊല്ലി തര്‍ക്കം, അനന്തരവന്റെ അടിയേറ്റ് അമ്മാവന്‍ മരിച്ചു, പ്രതി അറസ്റ്റിൽ "
english_title: "Uncle dies after being beaten by nephew over food dispute"
publisher: "truevisionnews.com"
canonical_url: "https://truevisionnews.com/news/354302/uncle-dies-after-being-beaten-by-nephew-over-food-dispute"
published_at: "2026-04-20T09:02:00+05:30"
category: "Kerala"
language: "ml"
image: "https://cf.zdn.im/img/truevisionnews.com/0/image-uploads/69e59e94df903_crime.jpg"
keywords: []
---

# നിസ്സാര തർക്കം ജീവനെടുത്തു ..! പാലക്കാട് ഭക്ഷണം വിളമ്പുന്നതിനെ ചൊല്ലി തര്‍ക്കം, അനന്തരവന്റെ അടിയേറ്റ് അമ്മാവന്‍ മരിച്ചു, പ്രതി അറസ്റ്റിൽ 

> **Lead Summary:** പാലക്കാട്: പാലക്കാട് വടകരപ്പതിയിൽ ഭക്ഷണം വിളമ്പുന്നതിനെച്ചൊല്ലിയുണ്ടായ നിസ്സാര തർക്കം ദാരുണമായ കൊലപാതകത്തിൽ കലാശിച്ചു. മദ്യലഹരിയിലായിരുന്ന അനന്തരവന്റെ ക്രൂരമായ അടിയേറ്റ് അമ്മാവൻ മരിച്ചു. വടകരപ്പതി കൗണ്ടന്നൂരില്‍ ശെന്തില്‍ കുമാര്‍ ആണ് മരിച്ചത്.

## Article Content

പാലക്കാട്: പാലക്കാട് വടകരപ്പതിയിൽ ഭക്ഷണം വിളമ്പുന്നതിനെച്ചൊല്ലിയുണ്ടായ നിസ്സാര തർക്കം ദാരുണമായ കൊലപാതകത്തിൽ കലാശിച്ചു. മദ്യലഹരിയിലായിരുന്ന അനന്തരവന്റെ ക്രൂരമായ അടിയേറ്റ് അമ്മാവൻ മരിച്ചു. വടകരപ്പതി കൗണ്ടന്നൂരില്‍ ശെന്തില്‍ കുമാര്‍ ആണ് മരിച്ചത്.

ഇന്നലെ രാത്രി എട്ടുമണിയോടെയായിരുന്നു സംഭവം. പ്രകോപിതനായ പ്രഭാകരന്‍ ഇരുമ്പ് ദണ്ഡ് ഉപയോഗിച്ച് ശെന്തില്‍ കുമാറിന്റെ തലയ്ക്ക് അടിയ്ക്കുകയായിരുന്നു. സംഭവത്തിന് ശേഷം

ഒളിവിൽ പോയ പ്രതി പ്രഭാകരനെ കൊഴിഞ്ഞാമ്പാറ പൊലീസ് അറസ്റ്റ് ചെയ്തു. തമിഴ്നാട് അതിർത്തിയിൽ നിന്ന് ഇന്ന് രാവിലെ ആണ് പ്രഭാകരൻ പിടിയിലായത്. പ്രഭാകരനെ ഇപ്പോള്‍ ചോദ്യം ചെയ്യുകയാണ്. വൈദ്യ പരിശോധന ഉടൻ നടത്തും. ശെന്തിൽകുമാറിൻ്റെ മൃതദേഹം പാലക്കാട് ജില്ലാ ആശുപത്രി മോർച്ചറിയിൽ.

അവിവാഹിതനായ ശെന്തിൽകുമാർ സഹോദരിക്കൊപ്പമായിരുന്നു താമസം. ശെന്തിൽകുമാറും പ്രഭാകരനും ഒരുമിച്ചിരുന്ന് മദ്യപിപ്പിച്ച ശേഷമായിരുന്നു തർക്കം ഉണ്ടായത്. ആക്രമണത്തിൽ ഗുരുതരമായി പരിക്കേറ്റ ശെന്തിൽകുമാറിനെ ആദ്യം വേലന്താവളത്തെ ആശുപത്രിയിലും പിന്നീട് കോഴിപ്പാറയിലെ സ്വകാര്യ ആശുപത്രിയിലും എത്തിച്ചെങ്കിലും രക്ഷിക്കാനായില്ല.

### Related Links & Sources
- [Original Story Source](https://truevisionnews.com/news/354302/uncle-dies-after-being-beaten-by-nephew-over-food-dispute)