---
title: "അമ്മൂമ്മമാരുടെ കൈപ്പുണ്യത്തിൽ ഒരു സൂപ്പർ കണ്ണിമാങ്ങാ അച്ചാർ!"
english_title: "A super mango pickle made with the help of grandmothers!"
publisher: "truevisionnews.com"
canonical_url: "https://truevisionnews.com/news/353645/a-super-mango-pickle-made-with-the-help-of-grandmothers"
published_at: "2026-04-16T15:04:00+05:30"
category: "Cookery"
language: "ml"
image: "https://cf.zdn.im/img/truevisionnews.com/0/image-uploads/69e0ad8b151bc_zsdrfg.jpg"
keywords: []
---

# അമ്മൂമ്മമാരുടെ കൈപ്പുണ്യത്തിൽ ഒരു സൂപ്പർ കണ്ണിമാങ്ങാ അച്ചാർ!

> **Lead Summary:** **[**നല്ല എരിവും പുളിയും ഒത്തുചേർന്ന കണ്ണിമാങ്ങാ അച്ചാർ മലയാളികളുടെ ഭക്ഷണമേശയിലെ ഒഴിച്ചുകൂടാനാവാത്ത വിഭവമാണ്.കണ്ണിമാങ്ങയുടെ തനതായ കടുപ്പവും പുളിയും നിലനിർത്തിക്കൊണ്ടുള്ള ഈ റെസിപ്പി ഊണിനൊപ്പം ആസ്വദിച്ചു കഴിക്കാൻ പറ്റിയ, നാവിൽ വെള്ളമൂറുന്ന ഈ നാടൻ അച്ചാർ എങ്ങനെ എളുപ്പത്തിൽ തയ്യാറാക്കാമെന്ന് നോക്കാം .

## Article Content

**[**നല്ല എരിവും പുളിയും ഒത്തുചേർന്ന കണ്ണിമാങ്ങാ അച്ചാർ മലയാളികളുടെ ഭക്ഷണമേശയിലെ ഒഴിച്ചുകൂടാനാവാത്ത വിഭവമാണ്.കണ്ണിമാങ്ങയുടെ തനതായ കടുപ്പവും പുളിയും നിലനിർത്തിക്കൊണ്ടുള്ള ഈ റെസിപ്പി ഊണിനൊപ്പം ആസ്വദിച്ചു കഴിക്കാൻ പറ്റിയ, നാവിൽ വെള്ളമൂറുന്ന ഈ നാടൻ അച്ചാർ എങ്ങനെ എളുപ്പത്തിൽ തയ്യാറാക്കാമെന്ന് നോക്കാം .

**ആവശ്യമായ സാധനങ്ങൾ:**

*കണ്ണിമാങ്ങ: 1 കിലോ*

*നല്ലെണ്ണ: 1/2 കപ്പ്*

*കടുക്: 2 വലിയ സ്പൂൺ*

*ഉലുവ പൊടിച്ചത്: 1 വലിയ സ്പൂൺ*

*കായം പൊടിച്ചത്: 1 ചെറിയ സ്പൂൺ*

*മുളകുപൊടി: 4-5 വലിയ സ്പൂൺ (എരിവിനനുസരിച്ച് മാറ്റം വരുത്താം)*

*മഞ്ഞൾപ്പൊടി: 1/2 ചെറിയ സ്പൂൺ*

*ഉപ്പ്: ആവശ്യത്തിന്*

*കറിവേപ്പില: 2 തണ്ട്*

*വെള്ളം: ആവശ്യത്തിന് (തിളപ്പിച്ചാറ്റിയത്)*

**തയ്യാറാക്കുന്ന വിധം:**

കണ്ണിമാങ്ങയുടെ ഞെട്ട് അല്പം നീളത്തിൽ മുറിച്ചു കളഞ്ഞ ശേഷം നന്നായി കഴുകി വെള്ളം ഒട്ടും ഇല്ലാതെ തുടച്ചെടുക്കുക. കഴുകി ഉണക്കിയ മാങ്ങ ഒരു ഭരണിക്കോ കുപ്പിക്കോ ഉള്ളിലാക്കി ആവശ്യത്തിന് ഉപ്പും ചേർത്ത് നന്നായി കുലുക്കി യോജിപ്പിക്കുക. ഇത് 3-4 ദിവസം അടച്ചു വെക്കുക. ദിവസവും ഒന്നോ രണ്ടോ തവണ കുലുക്കി കൊടുക്കണം. മാങ്ങയിൽ നിന്ന് വെള്ളം ഊറി വരുന്നത് കാണാം.

 ഒരു പാനിൽ കുറച്ച് നല്ലെണ്ണ ഒഴിച്ച് ചൂടാകുമ്പോൾ കടുക് പൊട്ടിക്കുക. ഇതിലേക്ക് കറിവേപ്പില ചേർക്കുക. തീ തീരെ കുറച്ചു വെച്ച ശേഷം മുളകുപൊടി, മഞ്ഞൾപ്പൊടി, ഉലുവപ്പൊടി, കായം എന്നിവ ചേർത്ത് പച്ചമണം മാറുന്നത് വരെ ഒന്ന് വറുക്കുക (കരിഞ്ഞു പോകാതെ ശ്രദ്ധിക്കണം).

 മാങ്ങയിൽ നിന്ന് ഊറി വന്ന വെള്ളം വേണമെങ്കിൽ അല്പം ചേർത്ത് ഈ മസാല യോജിപ്പിക്കാം. മസാല തണുത്ത ശേഷം ഇത് ഉപ്പിലിട്ട മാങ്ങയിലേക്ക് ചേർക്കുക. അച്ചാറിന് മുകളിൽ അല്പം നല്ലെണ്ണ കൂടി ഒഴിച്ച് വെക്കുന്നത് അച്ചാർ കേടാകാതിരിക്കാൻ സഹായിക്കും.

ശ്രദ്ധിക്കുക:

അച്ചാർ എടുക്കാൻ എപ്പോഴും ഉണങ്ങിയ സ്പൂൺ മാത്രം ഉപയോഗിക്കുക.

വെള്ളം ചേർക്കുന്നുണ്ടെങ്കിൽ അത് നിർബന്ധമായും തിളപ്പിച്ചാറ്റിയ വെള്ളം ആയിരിക്കണം.

നല്ലെണ്ണ ഉപയോഗിക്കുന്നത് അച്ചാറിന് നല്ല രുചിയും ആയുസ്സും നൽകും

### Related Links & Sources
- [Original Story Source](https://truevisionnews.com/news/353645/a-super-mango-pickle-made-with-the-help-of-grandmothers)