---
title: "ആപ്പിൾ ഉപയോക്താക്കളെ എവിടെ ശ്രദ്ധിക്കൂ...! മാക്ബുക്കിലും ഐമാക്കിലും ഇനി ഗൂഗിൾ ജെമിനിയുടെ കരുത്ത്"
english_title: "Google Gemini now powers MacBook and iMac"
publisher: "truevisionnews.com"
canonical_url: "https://truevisionnews.com/news/353620/google-gemini-now-powers-macbook-and-imac"
published_at: "2026-04-16T13:42:00+05:30"
category: "Tech-Info"
language: "ml"
image: "https://cf.zdn.im/img/truevisionnews.com/0/image-uploads/69e09a583ea4a_Google_Gemini_now_powers_MacBook_and_iMac.jpg"
keywords: []
---

# ആപ്പിൾ ഉപയോക്താക്കളെ എവിടെ ശ്രദ്ധിക്കൂ...! മാക്ബുക്കിലും ഐമാക്കിലും ഇനി ഗൂഗിൾ ജെമിനിയുടെ കരുത്ത്

> **Lead Summary:** ആർട്ടിഫിഷ്യൽ ഇന്റലിജൻസ് വിപണിയിൽ ആധിപത്യം ഉറപ്പിക്കാൻ ലക്ഷ്യമിട്ട് നിർണ്ണായക നീക്കവുമായി ഗൂഗിൾ. ആപ്പിളിന്റെ മാക് ഒഎസ് ഉപയോക്താക്കൾക്കായി ഗൂഗിൾ ജെമിനിയുടെ 'നേറ്റീവ് ആപ്പ്' ഔദ്യോഗികമായി പുറത്തിറക്കി. നേരത്തെ വിൻഡോസ് പതിപ്പ് അവതരിപ്പിച്ചതിന് പിന്നാലെയാണ് ഇപ്പോൾ മാക്ബുക്ക്, ഐമാക് ഉപയോക്താക്കൾക്കായി പ്രത്യേക ആപ്പ് ഗൂഗിൾ ലഭ്യമാക്കിയിരിക്കുന്നത്. പുതിയ ആപ്പ് വരുന്നതോടെ ബ്രൗസറിനെ ആശ്രയിക്കാതെ തന്നെ ജെമിനിയുടെ സേവനങ്ങൾ മാക് ഉപയോക്താക്കൾക്ക് കൂടുതൽ വേഗത്തിലും സുഗമമായും ഉപയോഗിക്കാനാകും.

## Article Content

ആർട്ടിഫിഷ്യൽ ഇന്റലിജൻസ് വിപണിയിൽ ആധിപത്യം ഉറപ്പിക്കാൻ ലക്ഷ്യമിട്ട് നിർണ്ണായക നീക്കവുമായി ഗൂഗിൾ. ആപ്പിളിന്റെ മാക് ഒഎസ് ഉപയോക്താക്കൾക്കായി ഗൂഗിൾ ജെമിനിയുടെ 'നേറ്റീവ് ആപ്പ്' ഔദ്യോഗികമായി പുറത്തിറക്കി. നേരത്തെ വിൻഡോസ് പതിപ്പ് അവതരിപ്പിച്ചതിന് പിന്നാലെയാണ് ഇപ്പോൾ മാക്ബുക്ക്, ഐമാക് ഉപയോക്താക്കൾക്കായി പ്രത്യേക ആപ്പ് ഗൂഗിൾ ലഭ്യമാക്കിയിരിക്കുന്നത്. പുതിയ ആപ്പ് വരുന്നതോടെ ബ്രൗസറിനെ ആശ്രയിക്കാതെ തന്നെ ജെമിനിയുടെ സേവനങ്ങൾ മാക് ഉപയോക്താക്കൾക്ക് കൂടുതൽ വേഗത്തിലും സുഗമമായും ഉപയോഗിക്കാനാകും.

ഇതോടെ ഓപ്പൺ എഐയുടെ ചാറ്റ് ജിപിടി, ക്ലോഡ് തുടങ്ങിയവയുമായി നേരിട്ടുള്ള പോരാട്ടത്തിന് ഗൂഗിൾ കളമൊരുക്കി. നേരത്തെ വെബ് ബ്രൗസറുകൾ വഴി മാത്രം ലഭ്യമായിരുന്ന ജെമിനി സേവനങ്ങൾ ഇനി ആപ്പിൾ സിസ്റ്റങ്ങളിൽ കൂടുതൽ വേഗതയിലും ലളിതമായും ലഭ്യമാകും.

മാക് ഒഎസിന് വേണ്ടി പ്രത്യേകം രൂപകൽപ്പന ചെയ്ത ആപ്പ് ആയതിനാൽ കൂടുതൽ വേഗതയും കാര്യക്ഷമതയും ഉറപ്പാക്കുന്നു. ജെമിനി 1.5 പ്രോ ഉൾപ്പെടെയുള്ള ഗൂഗിളിന്റെ ഏറ്റവും കരുത്തുറ്റ എഐ മോഡലുകൾ ഇതിൽ ലഭ്യമാണ്. ടെക്സ്റ്റ് സന്ദേശങ്ങൾക്ക് പുറമെ ചിത്രങ്ങൾ വിശകലനം ചെയ്യാനും ഫയലുകൾ അപ്‌ലോഡ് ചെയ്ത് വിവരങ്ങൾ ചോദിക്കാനും ആപ്പിലൂടെ സാധിക്കും.

ഗൂഗിൾ ഡ്രൈവ്, ഡോക്സ്, ജിമെയിൽ തുടങ്ങിയ സേവനങ്ങളുമായി ജെമിനിയെ ബന്ധിപ്പിക്കാൻ എക്സ്റ്റൻഷനുകൾ സഹായിക്കും. മാക് ഒഎസിൽ നിലവിൽ മികച്ച സ്വാധീനമുള്ള ചാറ്റ് ജിപിടി ആപ്പിന് കനത്ത വെല്ലുവിളിയാണ് ഗൂഗിൾ ഉയർത്തുന്നത്. സെർച്ച് എഞ്ചിൻ രംഗത്തെ പെർപ്ലെക്സിറ്റി (Perplexity) പോലുള്ള സ്റ്റാർട്ടപ്പുകൾക്കും പുതിയ ജെമിനി ആപ്പ് ഭീഷണിയാകും.

ആപ്പിൾ സിലിക്കൺ അടിസ്ഥാനമാക്കിയുള്ള മാക് ഉപകരണങ്ങളിൽ ജെമിനി ആപ്പ് മികച്ച പ്രകടനം കാഴ്ചവെക്കുമെന്നാണ് ഗൂഗിളിന്റെ അവകാശവാദം. ഉപയോക്താക്കൾക്ക് ആപ്പിൾ ആപ്പ് സ്റ്റോറിൽ നിന്നോ ഗൂഗിളിന്റെ ഔദ്യോഗിക വെബ്സൈറ്റിൽ നിന്നോ പുതിയ ആപ്പ് ഡൗൺലോഡ് ചെയ്ത് ഉപയോഗിക്കാം.

### Related Links & Sources
- [Original Story Source](https://truevisionnews.com/news/353620/google-gemini-now-powers-macbook-and-imac)