---
title: "കല്യാണക്കുറി നൽകാൻ പോയ യാത്ര മരണയാത്രയായി; മകളുടെ വിവാഹത്തിന് ദിവസങ്ങൾ മാത്രം ബാക്കി നിൽക്കെ അച്ഛന് പിന്നാലെ അമ്മയും മരിച്ചു "
english_title: "Mother dies after father, just days before daughter's wedding"
publisher: "truevisionnews.com"
canonical_url: "https://truevisionnews.com/news/353563/mother-dies-after-father-just-days-before-daughters-wedding"
published_at: "2026-04-16T10:32:00+05:30"
category: "Kerala"
language: "ml"
image: "https://cf.zdn.im/img/truevisionnews.com/0/image-uploads/69e06dde17f89_7.jpg"
keywords: []
---

# കല്യാണക്കുറി നൽകാൻ പോയ യാത്ര മരണയാത്രയായി; മകളുടെ വിവാഹത്തിന് ദിവസങ്ങൾ മാത്രം ബാക്കി നിൽക്കെ അച്ഛന് പിന്നാലെ അമ്മയും മരിച്ചു 

> **Lead Summary:** **ആലപ്പുഴ:[ ** മാങ്കാംകുഴിയിൽ മകളുടെ വിവാഹ നിശ്ചയത്തിന് ബന്ധുക്കളെ ക്ഷണിക്കാൻ പോകവെ ഉണ്ടായ വാഹനാപകടത്തിൽ ചികിത്സയിലായിരുന്ന വീട്ടമ്മയും അന്തരിച്ചു. വെട്ടിയാർ പള്ളിമുക്ക് തുളസീദളം വീട്ടിൽ പരേതനായ ശശി കെ. നായരുടെ ഭാര്യ തുളസി എസ്. നായരാണ് മരണപ്പെട്ടത്.

## Article Content

**ആലപ്പുഴ:[ ** മാങ്കാംകുഴിയിൽ മകളുടെ വിവാഹ നിശ്ചയത്തിന് ബന്ധുക്കളെ ക്ഷണിക്കാൻ പോകവെ ഉണ്ടായ വാഹനാപകടത്തിൽ ചികിത്സയിലായിരുന്ന വീട്ടമ്മയും അന്തരിച്ചു. വെട്ടിയാർ പള്ളിമുക്ക് തുളസീദളം വീട്ടിൽ പരേതനായ ശശി കെ. നായരുടെ ഭാര്യ തുളസി എസ്. നായരാണ് മരണപ്പെട്ടത്.

ഇക്കഴിഞ്ഞ ഏപ്രിൽ 27-ന് നടന്ന അപകടത്തിൽ ഭർത്താവ് ശശി കെ. നായർ അന്നേദിവസം തന്നെ മരിച്ചിരുന്നു. ഇതോടെ മകളുടെ വിവാഹത്തിന് തയ്യാറെടുത്തിരുന്ന ഒരു കുടുംബത്തിന്റെ സന്തോഷം തീരാദുഃഖമായി മാറി.

മാങ്കാംകുഴി പാറക്കുളങ്ങരയിൽ വെച്ച് ഇവർ സഞ്ചരിച്ചിരുന്ന സ്‌കൂട്ടർ കാറുമായി കൂട്ടിയിടിച്ചായിരുന്നു അപകടം സംഭവിച്ചത്. ഗുരുതരമായി പരിക്കേറ്റ് എറണാകുളം അമൃത ആശുപത്രിയിൽ ചികിത്സയിൽ കഴിയവേയാണ് തുളസിയുടെ അന്ത്യം.

വരാനിരിക്കുന്ന മെയ് 10-നായിരുന്നു ഇവരുടെ മകളുടെ കല്യാണം നിശ്ചയിച്ചിരുന്നത്. മംഗല്യത്തിന്റെ സന്തോഷം നിറയേണ്ട വീട്ടിലേക്കാണ് ഇപ്പോൾ അച്ഛന്റെയും അമ്മയുടെയും വിയോഗം വേദനയായി എത്തിയിരിക്കുന്നത്.

വ്യാഴാഴ്ച ഉച്ചയ്ക്ക് 3.30-ന് തുളസിയുടെ സംസ്‌കാര ചടങ്ങുകൾ നടക്കും. അഭിഷേക്, അഭിരാമി എന്നിവർ മക്കളും അനില മരുമകളുമാണ്. ഒരേ അപകടത്തിൽ മാതാപിതാക്കളെ നഷ്ടപ്പെട്ട മക്കളുടെയും ബന്ധുക്കളുടെയും ദുഃഖത്തിൽ നാടൊന്നാകെ പങ്കുചേരുകയാണ്.

### Related Links & Sources
- [Original Story Source](https://truevisionnews.com/news/353563/mother-dies-after-father-just-days-before-daughters-wedding)