---
title: "നസ്രിനയെ കൊന്നത് ഷാൾ മുറുക്കി; സ്വഭാവദൂഷ്യം ചോദ്യം ചെയ്തതിലെ പക 16കാരിയുടെ കൊലപാതകത്തിൽ കലാശിച്ചു,മുത്തശ്ശിയേയും കൊല്ലാൻ ശ്രമിച്ചു "
english_title: "Nasrina was killed by a man who tied a shawl; the grudge against questioning her character resulted in the murder of a 16-year-old girl, and she also tried to kill her grandmother"
publisher: "truevisionnews.com"
canonical_url: "https://truevisionnews.com/news/353324/nasrina-was-killed-by-a-man-who-tied-a-shawl-the-grudge-against-questioning-her-character-resulted-in-the-murder-of-a-16-year-old-girl-and-she-also-tried-to-kill-her-grandmother"
published_at: "2026-04-14T13:00:00+05:30"
category: "Kozhikode"
language: "ml"
image: "https://truevisionnews.com/image-uploads/69ddedb82e119_SAETGWS.jpg"
keywords: []
---

# നസ്രിനയെ കൊന്നത് ഷാൾ മുറുക്കി; സ്വഭാവദൂഷ്യം ചോദ്യം ചെയ്തതിലെ പക 16കാരിയുടെ കൊലപാതകത്തിൽ കലാശിച്ചു,മുത്തശ്ശിയേയും കൊല്ലാൻ ശ്രമിച്ചു 

> **Lead Summary:** കോഴിക്കോട്: **[**ഈസ്റ്റ് മൂഴിക്കലില്‍ പതിനാറുകാരിയെ കൊന്ന് ബന്ധുവായ യുവാവ് ജീവനൊടുക്കിയ സംഭവത്തിൽ കൂടുതൽ വിവരങ്ങൾ പുറത്ത്. കഴുത്തില്‍ ഷാള്‍ മുറുക്കി ശ്വാസം മുട്ടിച്ചായിരുന്നു കൊലപാതകം. യുവാവിനെ മറ്റൊരു മുറിയിൽ ദുരൂഹ സാഹചര്യത്തിൽ മരിച്ചനിലയിലും കണ്ടെത്തി. സംഭവത്തിൽ പൊലീസ് അന്വേഷണം നടത്തിവരികയാണ്. ഇന്ന് പുലർച്ചെയായിരുന്നു കൊലപാതകം.

## Article Content

കോഴിക്കോട്: **[**ഈസ്റ്റ് മൂഴിക്കലില്‍ പതിനാറുകാരിയെ കൊന്ന് ബന്ധുവായ യുവാവ് ജീവനൊടുക്കിയ സംഭവത്തിൽ കൂടുതൽ വിവരങ്ങൾ പുറത്ത്. കഴുത്തില്‍ ഷാള്‍ മുറുക്കി ശ്വാസം മുട്ടിച്ചായിരുന്നു കൊലപാതകം. യുവാവിനെ മറ്റൊരു മുറിയിൽ ദുരൂഹ സാഹചര്യത്തിൽ മരിച്ചനിലയിലും കണ്ടെത്തി. സംഭവത്തിൽ പൊലീസ് അന്വേഷണം നടത്തിവരികയാണ്. ഇന്ന് പുലർച്ചെയായിരുന്നു കൊലപാതകം.

കള്ളൻ കയറിയെന്ന് കരുതി പരിശോധിച്ചപ്പോഴാണ് 16 കാരി നസ്രിനയെ മുകൾ നിലയിലെ കിടപ്പുമുറിയിൽ കൊല്ലപ്പെട്ട നിലയിൽ കണ്ടെത്തിയത്. സംഭവ സമയം നസ്രിനയുടെ അമ്മയും മുത്തശ്ശിയും സഹോദരിയും സഹോദരനും വീട്ടിലുണ്ടായിരുന്നു. പെണ്‍കുട്ടിയുടെ മുത്തശ്ശിയെ ശ്വാസം മുട്ടിച്ച് കൊല്ലാനും യുവാവ് ശ്രമിച്ചെന്ന വിവരവും പൊലീസിന് കിട്ടിയിട്ടുണ്ട്.

കുളത്തൂർ സ്വദേശിയായ അദ്‌നാനെ മുറിയില്‍ പൂട്ടിയിട്ടാണ് പെൺകുട്ടിയുമായി വീട്ടുകാർ ആശുപത്രിയിലെത്തിയത്. മടങ്ങിയെത്തിയപ്പോൾ മുഖത്ത് സേല്ലോ ടേപ്പ് ചുറ്റി മരിച്ചനിലയില്‍ കണ്ടെന്നാണ് മൊഴി. യുവാവിൻ്റെ സ്വാഭാവ ദൂഷ്യം പെൺകുട്ടി ചോദ്യം ചെയ്തതിൻ്റെ പകയാണ് കൊലപാതകത്തിന് കാരണമെന്നാണ് പ്രാഥമിക നിഗമനം. പെൺകുട്ടിയുടെ വീട്ടിൽ നിന്ന് അദ്‌നാൻ പണം മോഷ്‌ടിച്ചതിനെ ചൊല്ലിയും തർക്കങ്ങൾ ഉണ്ടായിരുന്നുവെന്ന് നാട്ടുകാർ പറയുന്നു. ഇക്കാര്യങ്ങൾ അടക്കം പൊലീസ് പരിശോധിക്കുന്നുണ്ട്. അദ്നാൻ പെണ്‍കുട്ടിയുടെ വീട്ടില്‍ നിന്നാണ് പഠിച്ചിരുന്നത്. ഇരുവരും സഹോദരിമാരുടെ മക്കളാണ്. അടുത്തിടെയാണ് നസ്രിനയുടെ കുടുംബവുമായി അദ്‌നാൻ തെറ്റിയത്. 

### Related Links & Sources
- [Original Story Source](https://truevisionnews.com/news/353324/nasrina-was-killed-by-a-man-who-tied-a-shawl-the-grudge-against-questioning-her-character-resulted-in-the-murder-of-a-16-year-old-girl-and-she-also-tried-to-kill-her-grandmother)