---
title: "ട്രംപിനെ തള്ളി മെലോണി; പോപ്പിനെതിരായ ട്രംപിന്റെ ആക്രമണം അസ്വീകാര്യമെന്ന് ഇറ്റാലിയൻ പ്രധാനമന്ത്രി"
english_title: "Meloni says Trump's attack on Pope is unacceptable"
publisher: "truevisionnews.com"
canonical_url: "https://truevisionnews.com/news/353323/meloni-says-trumps-attack-on-pope-is-unacceptable"
published_at: "2026-04-14T12:58:00+05:30"
category: "International"
language: "ml"
image: "https://cf.zdn.im/img/truevisionnews.com/0/image-uploads/69ddecf912842_12.jpg"
keywords: []
---

# ട്രംപിനെ തള്ളി മെലോണി; പോപ്പിനെതിരായ ട്രംപിന്റെ ആക്രമണം അസ്വീകാര്യമെന്ന് ഇറ്റാലിയൻ പ്രധാനമന്ത്രി

> **Lead Summary:** **റോം: [** മാർപ്പാപ്പയ്‌ക്കെതിരെ വിവാദ പരാമർശം നടത്തിയ യുഎസ് പ്രസിഡന്റ് ഡൊണാൾഡ് ട്രംപിനെ പരസ്യമായി വിമർശിച്ച് ഇറ്റാലിയൻ പ്രധാനമന്ത്രി ജോർജിയ മെലോണി രംഗത്തെത്തി. ട്രംപിന്റെ അടുത്ത സുഹൃത്തായി അറിയപ്പെടുന്ന മെലോണി ഇതാദ്യമായാണ് അദ്ദേഹത്തിനെതിരെ ഇത്തരമൊരു നിലപാട് സ്വീകരിക്കുന്നത്.

## Article Content

**റോം: [** മാർപ്പാപ്പയ്‌ക്കെതിരെ വിവാദ പരാമർശം നടത്തിയ യുഎസ് പ്രസിഡന്റ് ഡൊണാൾഡ് ട്രംപിനെ പരസ്യമായി വിമർശിച്ച് ഇറ്റാലിയൻ പ്രധാനമന്ത്രി ജോർജിയ മെലോണി രംഗത്തെത്തി. ട്രംപിന്റെ അടുത്ത സുഹൃത്തായി അറിയപ്പെടുന്ന മെലോണി ഇതാദ്യമായാണ് അദ്ദേഹത്തിനെതിരെ ഇത്തരമൊരു നിലപാട് സ്വീകരിക്കുന്നത്.

പോപ്പ് ലിയോയ്‌ക്കെതിരായ ട്രംപിന്റെ ആക്രമണം അസ്വീകാര്യമാണെന്ന് വ്യക്തമാക്കിയ മെലോണി, കത്തോലിക്കാ സഭയുടെ തലവനെന്ന നിലയിൽ സമാധാനത്തിന് ആഹ്വാനം ചെയ്യുന്നതും യുദ്ധങ്ങളെ അപലപിക്കുന്നതും മാർപ്പാപ്പയുടെ സ്വാഭാവികമായ ധർമ്മമാണെന്ന് ഓർമ്മിപ്പിച്ചു.

ട്രംപിന്റെ പ്രസ്താവനയ്‌ക്കെതിരെ ഇറ്റലിയിൽ വലിയ രീതിയിലുള്ള ജനരോഷം ഉയർന്ന സാഹചര്യത്തിലാണ് പ്രധാനമന്ത്രിയുടെ ഈ പ്രതികരണം. യൂറോപ്പിലെ മറ്റ് പ്രമുഖ രാഷ്ട്രത്തലവന്മാരും മാർപ്പാപ്പയ്ക്ക് പിന്തുണയുമായി രംഗത്തെത്തിയിട്ടുണ്ട്.

നിലവിൽ ആഫ്രിക്കൻ രാജ്യങ്ങൾ സന്ദർശിക്കുന്ന മാർപ്പാപ്പയെ പിന്തുണയ്ക്കുമ്പോഴും, ട്രംപിന്റെ വ്യക്തിപരമായ ശൈലിയെക്കുറിച്ച് കൂടുതൽ പരാമർശങ്ങൾ നടത്താൻ മെലോണി തയ്യാറായില്ല. അതേസമയം, പ്രധാനമന്ത്രിയുടെ ഈ നീക്കത്തെ പ്രതിപക്ഷം രൂക്ഷമായി വിമർശിച്ചു.

ട്രംപിനെ നേരിട്ട് വെല്ലുവിളിക്കാനുള്ള ധൈര്യം മെലോണിക്കില്ലെന്നും, രാജ്യത്തിനകത്തെ പ്രതിഷേധം ഭയന്ന് ഗത്യന്തരമില്ലാതെ നടത്തിയ ഒരു പ്രസ്താവന മാത്രമാണിതെന്നുമാണ് പ്രതിപക്ഷത്തിന്റെ ആരോപണം. ട്രംപുമായുള്ള അടുത്ത നയതന്ത്ര ബന്ധത്തിന് ഈ പുതിയ തർക്കം മങ്ങലേൽപ്പിക്കുമോ എന്നാണ് രാഷ്ട്രീയ നിരീക്ഷകർ ഉറ്റുനോക്കുന്നത്.

### Related Links & Sources
- [Original Story Source](https://truevisionnews.com/news/353323/meloni-says-trumps-attack-on-pope-is-unacceptable)