---
title: "ചക്കക്കുരു ഇനി വെറുതെ കളയേണ്ട; ദാഹമകറ്റാൻ രുചിയേറും 'ചക്കക്കുരു ഷേക്ക്' തയ്യാറാക്കാം"
english_title: "Don't throw away jackfruit anymore; you can prepare a delicious 'jackfruit shake' to quench your thirst"
publisher: "truevisionnews.com"
canonical_url: "https://truevisionnews.com/news/352879/dont-throw-away-jackfruit-anymore-you-can-prepare-a-delicious-jackfruit-shake-to-quench-your-thirst"
published_at: "2026-04-11T15:59:00+05:30"
category: "Cookery"
language: "ml"
image: "https://cf.zdn.im/img/truevisionnews.com/0/image-uploads/69da22bd897e3_QWRTWRT.jpg"
keywords: []
---

# ചക്കക്കുരു ഇനി വെറുതെ കളയേണ്ട; ദാഹമകറ്റാൻ രുചിയേറും 'ചക്കക്കുരു ഷേക്ക്' തയ്യാറാക്കാം

> **Lead Summary:** **[**ചക്കക്കുരു വെറുതെ കളയാതെ അതുകൊണ്ട് നല്ല രുചിയുള്ളതും പോഷകഗുണമുള്ളതുമായ ഒരു ഷേക്ക് തയ്യാറാക്കാം. കുട്ടികൾക്കും മുതിർന്നവർക്കും ഒരുപോലെ ഇഷ്ടപ്പെടുന്ന ഈ ഷേക്ക് എങ്ങനെ ഉണ്ടാക്കാം എന്ന് നോക്കാം.

## Article Content

**[**ചക്കക്കുരു വെറുതെ കളയാതെ അതുകൊണ്ട് നല്ല രുചിയുള്ളതും പോഷകഗുണമുള്ളതുമായ ഒരു ഷേക്ക് തയ്യാറാക്കാം. കുട്ടികൾക്കും മുതിർന്നവർക്കും ഒരുപോലെ ഇഷ്ടപ്പെടുന്ന ഈ ഷേക്ക് എങ്ങനെ ഉണ്ടാക്കാം എന്ന് നോക്കാം.

**​ആവശ്യമായ സാധനങ്ങൾ**

 *ചക്കക്കുരു (പുഴുങ്ങിയത്) 10 - 15 എണ്ണം*

*പാൽ (നന്നായി തണുപ്പിച്ചത്) 2 കപ്പ്*

*പഞ്ചസാര (അല്ലെങ്കിൽ ശർക്കര) മധുരത്തിന് ആവശ്യമായത്*

*ഏലയ്ക്ക 2 എണ്ണം (അല്ലെങ്കിൽ അര ടീസ്പൂൺ പൊടി)*

*ഈന്തപ്പഴം 3 - 4 എണ്ണം*

*കശുവണ്ടി / ബദാം അലങ്കരിക്കാൻ*

**തയ്യാറാക്കുന്ന വിധം**

 ചക്കക്കുരുവിന്റെ പുറത്തെ വെള്ള തൊലി കളഞ്ഞ് വൃത്തിയാക്കുക. ഇത് കുക്കറിൽ അല്പം വെള്ളം ഒഴിച്ച് നന്നായി വേവിച്ചെടുക്കുക (ഏകദേശം 3-4 വിസിൽ). വെന്ത ചക്കക്കുരുവിന്റെ പുറത്തെ ബ്രൗൺ നിറത്തിലുള്ള നേർത്ത തൊലി കൂടി കളയുന്നത് ഷേക്കിന് നല്ല നിറം കിട്ടാൻ സഹായിക്കും.

മിക്സിയുടെ ജാറിലേക്ക് വേവിച്ച ചക്കക്കുരു, പഞ്ചസാര, ഏലയ്ക്ക, കുരു കളഞ്ഞ ഈന്തപ്പഴം എന്നിവ ചേർക്കുക. ഇതിലേക്ക് അല്പം പാൽ ഒഴിച്ച് നന്നായി അടിച്ചെടുക്കുക . ബാക്കിയുള്ള തണുപ്പിച്ച പാൽ കൂടി ഒഴിച്ച് ഒന്നുകൂടി നന്നായി അടിച്ചെടുക്കുക. ഗ്ലാസുകളിലേക്ക് പകർന്ന് മുകളിൽ അരിഞ്ഞ കശുവണ്ടിയോ ബദാമോ ചേർത്ത് തണുപ്പോടെ വിളമ്പാം. ഇതിൽ അല്പം ബൂസ്റ്റ് അല്ലെങ്കിൽ ഹോർലിക്സ് ചേർത്താൽ കുട്ടികൾക്ക് കൂടുതൽ ഇഷ്ടപ്പെടും.

പഞ്ചസാരയ്ക്ക് പകരം ശർക്കരയോ തേനോ ഉപയോഗിക്കുന്നത് കൂടുതൽ ആരോഗ്യകരമാണ്. കൂടുതൽ കൊഴുപ്പുള്ള ഷേക്ക് വേണമെങ്കിൽ അടിക്കുമ്പോൾ ഒരു സ്കൂപ്പ് വാനില ഐസ്ക്രീം കൂടി ചേർക്കാം.

### Related Links & Sources
- [Original Story Source](https://truevisionnews.com/news/352879/dont-throw-away-jackfruit-anymore-you-can-prepare-a-delicious-jackfruit-shake-to-quench-your-thirst)