---
title: "കഴുകൻ കണ്ണ് .....: നിർമ്മാണ സ്ഥലത്ത് കളിച്ചുകൊണ്ടിരുന്ന ഏഴുവയസുകാരിയെ പീഡിപ്പിച്ചു; തൊഴിലാളി അറസ്റ്റിൽ"
english_title: "Construction worker arrested for raping seven-year-old girl in Mumbai's Thane"
publisher: "truevisionnews.com"
canonical_url: "https://truevisionnews.com/news/352182/construction-worker-arrested-for-raping-seven-year-old-girl-in-mumbais-thane-"
published_at: "2026-04-08T10:44:00+05:30"
category: "Crime"
language: "ml"
image: "https://cf.zdn.im/img/truevisionnews.com/0/image-uploads/69d5e5548769c_rape.jpg"
keywords: []
---

# കഴുകൻ കണ്ണ് .....: നിർമ്മാണ സ്ഥലത്ത് കളിച്ചുകൊണ്ടിരുന്ന ഏഴുവയസുകാരിയെ പീഡിപ്പിച്ചു; തൊഴിലാളി അറസ്റ്റിൽ

> **Lead Summary:** **മുംബൈ : **താനെയിൽ ഏഴ്‌ വയസുകാരിയെ ലൈംഗികമായി പീഡിപ്പിച്ച കേസിൽ കെട്ടിട നിർമ്മാണ തൊഴിലാളി അറസ്റ്റിൽ. മഹാരാഷ്ട്രയിലെ താനെ നഗരത്തിലാണ് സംഭവം. കെട്ടിട നിർമ്മാണ സ്ഥലത്ത് വച്ചാണ് ഏഴ്‌ വയസുകാരിയെ നിർമാണ തൊഴിലാളി ലൈംഗികമായി പീഡിപ്പിച്ചത്.

## Article Content

**മുംബൈ : **താനെയിൽ ഏഴ്‌ വയസുകാരിയെ ലൈംഗികമായി പീഡിപ്പിച്ച കേസിൽ കെട്ടിട നിർമ്മാണ തൊഴിലാളി അറസ്റ്റിൽ. മഹാരാഷ്ട്രയിലെ താനെ നഗരത്തിലാണ് സംഭവം. കെട്ടിട നിർമ്മാണ സ്ഥലത്ത് വച്ചാണ് ഏഴ്‌ വയസുകാരിയെ നിർമാണ തൊഴിലാളി ലൈംഗികമായി പീഡിപ്പിച്ചത്.

തിങ്കളാഴ്ച വൈകുന്നേരമാണ് സംഭവം നടന്നത്. ചൊവ്വാഴ്ചയാണ് പൊലീസ് വിവരം പുറത്തുവിട്ടത്. പോലീസിന്റെ പ്രാഥമിക വിവരങ്ങൾ പ്രകാരം, മുംബൈയിൽ നിന്നും 34 കിലോമീറ്റർ അകലെ താനെ നൗപാഡയിലെ ഒരു കെട്ടിട നിർമ്മാണ സ്ഥലത്താണ് സംഭവം നടന്നത്.

45 വയസുള്ള പ്രതിയെ സംഭവം നടന്ന് മണിക്കൂറുകൾക്കുള്ളിൽ തന്നെ പൊലീസ് പിടികൂടിയതായി അധികൃതർ അറിയിച്ചു. ഇരയായ കുട്ടിയുടെ മാതാപിതാക്കളും പ്രതിയും അതേ നിർമാണ സ്ഥലത്ത് ജോലി ചെയ്യുന്ന തൊഴിലാളികളാണ്. കുട്ടി കളിച്ചുകൊണ്ടിരിക്കുമ്പോഴാണ് പ്രതി കുട്ടിക്ക് നേരെ അതിക്രമം കാട്ടിയത്. സംഭവം പുറത്തറിഞ്ഞതോടെ പ്രദേശവാസികളിൽ നിന്ന് ശക്തമായ പ്രതിഷേധം ഉയർന്നു.

### Related Links & Sources
- [Original Story Source](https://truevisionnews.com/news/352182/construction-worker-arrested-for-raping-seven-year-old-girl-in-mumbais-thane-)