---
title: "പഴയതും പുതിയതും കടമെടുത്തതും; വേറിട്ട വസ്ത്രധാരണവുമായി സെൻഡയ പ്രൊമോഷൻ വേദിയിൽ"
english_title: "Zendaya wears a different outfit at the promotion event"
publisher: "truevisionnews.com"
canonical_url: "https://truevisionnews.com/news/351857/zendaya-wears-a-different-outfit-at-the-promotion-event"
published_at: "2026-04-06T14:11:00+05:30"
category: "Fashion"
language: "ml"
image: "https://cf.zdn.im/img/truevisionnews.com/0/image-uploads/69d372567fe56_17.jpg"
keywords: []
---

# പഴയതും പുതിയതും കടമെടുത്തതും; വേറിട്ട വസ്ത്രധാരണവുമായി സെൻഡയ പ്രൊമോഷൻ വേദിയിൽ

> **Lead Summary:** **[**റോബർട്ട് പാറ്റിൻസണിനൊപ്പം അഭിനയിച്ച ‘ദി ഡ്രാമ’ എന്ന പുതിയ ചിത്രത്തിന്റെ പ്രമോഷൻ വേദികളിൽ തെന്നിന്ത്യൻ വസ്ത്രധാരണ രീതികളെപ്പോലും ഓർമ്മിപ്പിക്കുന്ന വിധം അതീവ സുന്ദരിയായാണ് ഹോളിവുഡ് താരം സെൻഡയ തിളങ്ങുന്നത്.

## Article Content

**[**റോബർട്ട് പാറ്റിൻസണിനൊപ്പം അഭിനയിച്ച ‘ദി ഡ്രാമ’ എന്ന പുതിയ ചിത്രത്തിന്റെ പ്രമോഷൻ വേദികളിൽ തെന്നിന്ത്യൻ വസ്ത്രധാരണ രീതികളെപ്പോലും ഓർമ്മിപ്പിക്കുന്ന വിധം അതീവ സുന്ദരിയായാണ് ഹോളിവുഡ് താരം സെൻഡയ തിളങ്ങുന്നത്.

ഒരു പരമ്പരാഗത വിവാഹ സങ്കൽപ്പത്തിലെ ‘പഴയത്, പുതിയത്, കടമെടുത്തത്, നീല നിറമുള്ളത്’എന്നീ നാല് കാര്യങ്ങളെ അടിസ്ഥാനമാക്കിയാണ് താരം തന്റെ വസ്ത്രങ്ങൾ തിരഞ്ഞെടുത്തിരിക്കുന്നത്.

തന്റെ മുൻകാല ഫാഷൻ ശേഖരങ്ങളിൽ നിന്ന് 2015-ലെ അക്കാദമി അവാർഡ് വേളയിൽ ധരിച്ച വിവിയൻ വെസ്റ്റ്‌വുഡ് ഗൗൺ ‘പഴയത്’ എന്ന നിലയിലും, ലൂയി വിറ്റണിന്റെ പ്രത്യേക രൂപകൽപ്പനയിലുള്ള വെളുത്ത മാസ്റ്റർപീസ് വസ്ത്രം ‘പുതിയത്’ എന്ന നിലയിലും താരം അണിഞ്ഞു.

പ്രശസ്ത നടി കേറ്റ് ബ്ലാഞ്ചെറ്റ് 2025-ലെ വെനീസ് ഫിലിം ഫെസ്റ്റിവലിൽ ധരിച്ച ജോർജിയോ അർമാനി പ്രിവേ ഗൗൺ ആണ് ‘കടമെടുത്തത്’ എന്ന ആശയത്തിനായി സെൻഡയ തിരഞ്ഞെടുത്തത്. തുടർന്ന് ‘നീല നിറമുള്ളത്’ എന്ന സങ്കൽപ്പത്തിനായി നീല ഷേഡുകളുടെ വലിയൊരു നിര തന്നെയാണ് താരം കാഴ്ചവെച്ചത്.

സ്കിയാപരെല്ലിയുടെ ശിൽപഭംഗിയുള്ള വസ്ത്രവും ജിമ്മി ഫാലൻ ഷോയിൽ ധരിച്ച സിമ്മർമാൻ ബ്രാൻഡിന്റെ നേവി ബ്ലൂ ഗൗണും ഇതിനോടകം ശ്രദ്ധ നേടിയിരുന്നു. എന്നാൽ ഏപ്രിൽ രണ്ടിന് ന്യൂയോർക്കിൽ നടന്ന പ്രീമിയർ ഷോയ്ക്ക് ശേഷമുള്ള പാർട്ടിയിൽ അതീവ ഗ്ലാമറസ്സായ മറ്റൊരു മിഡ്നൈറ്റ് ബ്ലൂ വസ്ത്രത്തിലാണ് സെൻഡയ പ്രത്യക്ഷപ്പെട്ടത്.

'ഡി പെറ്റ്സ' ഡിസൈൻ ചെയ്ത, സുതാര്യമായ ബോഡിസും ഫിഷ്‌ടെയിൽ സ്കർട്ടും ചേർന്ന ഈ വസ്ത്രം ഫാഷൻ ലോകത്ത് വലിയ ചർച്ചയായിട്ടുണ്ട്.

### Related Links & Sources
- [Original Story Source](https://truevisionnews.com/news/351857/zendaya-wears-a-different-outfit-at-the-promotion-event)