---
title: "'വീട്ടിൽ കയറി വെട്ടും'; ജി. സുധാകരന്റെ ഡ്രൈവർക്ക് വധഭീഷണി, രാഷ്ട്രീയ കേരളത്തെ ഞെട്ടിച്ച് അമ്പലപ്പുഴയിലെ പുതിയ നീക്കം"
english_title: "New move in Ambalapuzha shocks political Kerala"
publisher: "truevisionnews.com"
canonical_url: "https://truevisionnews.com/news/350998/new-move-in-ambalapuzha-shocks-political-kerala"
published_at: "2026-04-01T17:00:00+05:30"
category: "Kerala"
language: "ml"
image: "https://cf.zdn.im/img/truevisionnews.com/0/image-uploads/69cd01d50feef_25.jpg"
keywords: []
---

# 'വീട്ടിൽ കയറി വെട്ടും'; ജി. സുധാകരന്റെ ഡ്രൈവർക്ക് വധഭീഷണി, രാഷ്ട്രീയ കേരളത്തെ ഞെട്ടിച്ച് അമ്പലപ്പുഴയിലെ പുതിയ നീക്കം

> **Lead Summary:** **ആലപ്പുഴ: [ **സിപിഎം വിട്ട് അമ്പലപ്പുഴയിൽ യുഡിഎഫ് പിന്തുണയോടെ മത്സരരംഗത്തുള്ള മുൻ മന്ത്രി ജി. സുധാകരന്റെ ഡ്രൈവർക്ക് വധഭീഷണി ഉയർന്നത് രാഷ്ട്രീയ വൃത്തങ്ങളിൽ വലിയ ചർച്ചയായിരിക്കുകയാണ്.

## Article Content

**ആലപ്പുഴ: [ **സിപിഎം വിട്ട് അമ്പലപ്പുഴയിൽ യുഡിഎഫ് പിന്തുണയോടെ മത്സരരംഗത്തുള്ള മുൻ മന്ത്രി ജി. സുധാകരന്റെ ഡ്രൈവർക്ക് വധഭീഷണി ഉയർന്നത് രാഷ്ട്രീയ വൃത്തങ്ങളിൽ വലിയ ചർച്ചയായിരിക്കുകയാണ്.

തിരഞ്ഞെടുപ്പ് പ്രചാരണ പ്രവർത്തനങ്ങളുമായി മുന്നോട്ട് പോയാൽ വീട്ടിൽ കയറി വെട്ടിക്കൊല്ലുമെന്നാണ് ഡ്രൈവറായ പ്രദീപ് കുമാറിന് ലഭിച്ച ഭീഷണി. രണ്ട് വ്യത്യസ്ത നമ്പറുകളിൽ നിന്നായി നാല് തവണ ഫോണിലൂടെയാണ് അജ്ഞാതർ വധഭീഷണി മുഴക്കിയത്.

സംഭവത്തിൽ പ്രദീപ് കുമാർ പുന്നപ്ര പൊലീസിൽ പരാതി നൽകിയിട്ടുണ്ട്. സുധാകരൻ പാർട്ടി വിട്ട് യുഡിഎഫ് പാളയത്തിലേക്ക് എത്തിയതിനെത്തുടർന്ന് നിലനിൽക്കുന്ന രാഷ്ട്രീയ സംഘർഷങ്ങളുടെ പശ്ചാത്തലത്തിൽ പൊലീസ് ഈ പരാതിയെ ഗൗരവത്തോടെയാണ് കാണുന്നത്.

ഇതിനു പിന്നിലെ ഗൂഢാലോചന പുറത്തുകൊണ്ടുവരണമെന്ന് യുഡിഎഫ് കേന്ദ്രങ്ങൾ ആവശ്യപ്പെട്ടു.

### Related Links & Sources
- [Original Story Source](https://truevisionnews.com/news/350998/new-move-in-ambalapuzha-shocks-political-kerala)