---
title: "നാവിൽ വെള്ളമൂറുന്ന തനിനാടൻ മാങ്ങ അച്ചാർ; എളുപ്പത്തിൽ തയ്യാറാക്കാം ഈ രീതിയിൽ"
english_title: "Mango pickle"
publisher: "truevisionnews.com"
canonical_url: "https://truevisionnews.com/news/350621/mango-pickle"
published_at: "2026-03-30T15:02:00+05:30"
category: "Cookery"
language: "ml"
image: "https://cf.zdn.im/img/truevisionnews.com/0/image-uploads/69ca434022f6b_mango_pickle.jpg"
keywords: []
---

# നാവിൽ വെള്ളമൂറുന്ന തനിനാടൻ മാങ്ങ അച്ചാർ; എളുപ്പത്തിൽ തയ്യാറാക്കാം ഈ രീതിയിൽ

> **Lead Summary:** ഊണിനൊപ്പം ഒരു കഷ്ണം അച്ചാർ കൂടി ഉണ്ടെങ്കിൽ അതിന്റെ രുചി ഒന്ന് വേറെ തന്നെയാണ്. കറികൾ എന്തുതന്നെയായാലും മലയാളിയുടെ ഉച്ചഭക്ഷണത്തിന് പൂർണ്ണത നൽകുന്നത് മാങ്ങ അച്ചാറാണ്. അധികം പഴുക്കാത്ത പച്ചമാങ്ങ ഉപയോഗിച്ച് വീട്ടിൽ തന്നെ വളരെ എളുപ്പത്തിൽ തയ്യാറാക്കാവുന്ന ഒരു നാടൻ മാങ്ങ അച്ചാർ റെസിപ്പി താഴെ നൽകുന്നു. അധികം ചേരുവകളില്ലാതെ, കുറഞ്ഞ സമയത്തിനുള്ളിൽ തയ്യാറാക്കാവുന്ന ഈ അച്ചാർ ദീർഘകാലം കേടുകൂടാതെ സൂക്ഷിക്കാനും സാധിക്കും.

## Article Content

ഊണിനൊപ്പം ഒരു കഷ്ണം അച്ചാർ കൂടി ഉണ്ടെങ്കിൽ അതിന്റെ രുചി ഒന്ന് വേറെ തന്നെയാണ്. കറികൾ എന്തുതന്നെയായാലും മലയാളിയുടെ ഉച്ചഭക്ഷണത്തിന് പൂർണ്ണത നൽകുന്നത് മാങ്ങ അച്ചാറാണ്. അധികം പഴുക്കാത്ത പച്ചമാങ്ങ ഉപയോഗിച്ച് വീട്ടിൽ തന്നെ വളരെ എളുപ്പത്തിൽ തയ്യാറാക്കാവുന്ന ഒരു നാടൻ മാങ്ങ അച്ചാർ റെസിപ്പി താഴെ നൽകുന്നു. അധികം ചേരുവകളില്ലാതെ, കുറഞ്ഞ സമയത്തിനുള്ളിൽ തയ്യാറാക്കാവുന്ന ഈ അച്ചാർ ദീർഘകാലം കേടുകൂടാതെ സൂക്ഷിക്കാനും സാധിക്കും.

**ആവശ്യമായ സാധനങ്ങൾ:**

പച്ചമാങ്ങ: 2 എണ്ണം (ചെറുതായി അരിഞ്ഞത്)

നല്ലെണ്ണ: 3-4 ടേബിൾ സ്പൂൺ

കടുക്: 1 ടീസ്പൂൺ

ഉലുവ: കാൽ ടീസ്പൂൺ

ഇഞ്ചി: ഒരു ചെറിയ കഷ്ണം (അരിഞ്ഞത്)

വെളുത്തുള്ളി: 10-12 അല്ലി

പച്ചമുളക്: 3-4 എണ്ണം

കറിവേപ്പില: രണ്ട് തണ്ട്

മുളകുപൊടി: 2-3 ടേബിൾ സ്പൂൺ (എരിവിനനുസരിച്ച്)

മഞ്ഞൾപ്പൊടി: അര ടീസ്പൂൺ

കായപ്പൊടി: അര ടീസ്പൂൺ

ഉലുവപ്പൊടി: കാൽ ടീസ്പൂൺ

വിനാഗിരി: 2 ടേബിൾ സ്പൂൺ (ആവശ്യമെങ്കിൽ)

ഉപ്പ്: ആവശ്യത്തിന്

**തയ്യാറാക്കുന്ന വിധം:**

അരിഞ്ഞുവെച്ച മാങ്ങയിൽ ആവശ്യത്തിന് ഉപ്പ് പുരട്ടി കുറഞ്ഞത് ഒരു മണിക്കൂർ വെക്കുക. ഇത് മാങ്ങയിലെ വെള്ളം പുറത്തുവരാൻ സഹായിക്കും.

ഒരു ചീനച്ചട്ടിയിൽ നല്ലെണ്ണ ഒഴിച്ച് ചൂടാക്കുക. എണ്ണ ചൂടാകുമ്പോൾ കടുക്, ഉലുവ എന്നിവ ഇട്ട് പൊട്ടിക്കുക.

ഇതിലേക്ക് അരിഞ്ഞുവെച്ച ഇഞ്ചി, വെളുത്തുള്ളി, പച്ചമുളക്, കറിവേപ്പില എന്നിവ ചേർത്ത് നന്നായി വഴറ്റുക.

തീ കുറച്ചതിനുശേഷം മുളകുപൊടി, മഞ്ഞൾപ്പൊടി, കായപ്പൊടി, ഉലുവപ്പൊടി എന്നിവ ചേർത്ത് പച്ചമണം മാറുന്നത് വരെ ഇളക്കുക. (പൊടികൾ കരിഞ്ഞുപോകാതെ ശ്രദ്ധിക്കണം).

മസാല റെഡിയായാൽ ഇതിലേക്ക് ഉപ്പ് പുരട്ടിവെച്ച മാങ്ങ ചേർത്ത് നന്നായി യോജിപ്പിക്കുക.

അവസാനമായി വിനാഗിരി ചേർത്ത് ഒന്ന് ഇളക്കിയ ശേഷം തീ ഓഫ് ചെയ്യാം.

**ശ്രദ്ധിക്കാൻ:**

അച്ചാർ കേടു കൂടാതെ ഇരിക്കാൻ ഈർപ്പമില്ലാത്ത ഗ്ലാസ് ഭരണികളിൽ സൂക്ഷിക്കുക.

അച്ചാറിന് മുകളിൽ അല്പം നല്ലെണ്ണ ചൂടാക്കി ഒഴിക്കുന്നത് കൂടുതൽ കാലം കേടാകാതിരിക്കാൻ സഹായിക്കും.

### Related Links & Sources
- [Original Story Source](https://truevisionnews.com/news/350621/mango-pickle)