---
title: "കൊതിപ്പിക്കുന്ന രുചിയിൽ വീട്ടിലുണ്ടാക്കാം 'ചിക്കൻ ലോഡഡ് ഫ്രൈസ്'"
english_title: "How to make Chicken Loaded Fries"
publisher: "truevisionnews.com"
canonical_url: "https://truevisionnews.com/news/350302/how-to-make-chicken-loaded-fries"
published_at: "2026-03-28T16:07:00+05:30"
category: "Cookery"
language: "ml"
image: "https://cf.zdn.im/img/truevisionnews.com/0/image-uploads/69c7b010578e0_23.jpg"
keywords: []
---

# കൊതിപ്പിക്കുന്ന രുചിയിൽ വീട്ടിലുണ്ടാക്കാം 'ചിക്കൻ ലോഡഡ് ഫ്രൈസ്'

> **Lead Summary:** വീട്ടിൽ തന്നെ എളുപ്പത്തിൽ തയ്യാറാക്കാൻ കഴിയുന്ന, കുട്ടികൾക്കും മുതിർന്നവർക്കും ഒരുപോലെ ഇഷ്ടപ്പെടുന്ന ചിക്കൻ ലോഡഡ് ഫ്രൈസ് റെസിപ്പി താഴെ നൽകുന്നു.

## Article Content

വീട്ടിൽ തന്നെ എളുപ്പത്തിൽ തയ്യാറാക്കാൻ കഴിയുന്ന, കുട്ടികൾക്കും മുതിർന്നവർക്കും ഒരുപോലെ ഇഷ്ടപ്പെടുന്ന ചിക്കൻ ലോഡഡ് ഫ്രൈസ് റെസിപ്പി താഴെ നൽകുന്നു.

**ആവശ്യമായ ചേരുവകൾ**

*ഉരുളക്കിഴങ്ങ്: 3 എണ്ണം *

*ചിക്കൻ ബോൺലെസ്സ്: 250 ഗ്രാം *

*ഇഞ്ചി വെളുത്തുള്ളി പേസ്റ്റ്: 1 ടീസ്പൂൺ.*

*മുളകുപൊടി: 1 ടീസ്പൂൺ.*

*കുരുമുളക് പൊടി: അര ടീസ്പൂൺ.*

*ഗരം മസാല: കാൽ ടീസ്പൂൺ.*

*ഉപ്പ്: ആവശ്യത്തിന്.*

*മയോണൈസ്: 3 ടേബിൾ സ്പൂൺ.*

*ടൊമാറ്റോ കെച്ചപ്പ്: 2 ടേബിൾ സ്പൂൺ.*

*ചീസ് : ആവശ്യത്തിന്.*

*മല്ലിയില / സ്പ്രിംഗ് ഒണിയൻ: അലങ്കരിക്കാൻ.*

*എണ്ണ: വറക്കാൻ ആവശ്യത്തിന്*

**തയ്യാറാക്കുന്ന വിധം**

ആദ്യം ചെറിയ കഷ്ണങ്ങളാക്കിയ ചിക്കനിൽ ഇഞ്ചി വെളുത്തുള്ളി പേസ്റ്റ്, മുളകുപൊടി, കുരുമുളക് പൊടി, ഗരം മസാല, ഉപ്പ് എന്നിവ ചേർത്ത് നന്നായി പുരട്ടി വെക്കുക. അര മണിക്കൂറിന് ശേഷം ഇത് അല്പം എണ്ണയിൽ നന്നായി ഫ്രൈ ചെയ്തെടുക്കുക.

നീളത്തിൽ അരിഞ്ഞ ഉരുളക്കിഴങ്ങ് കഷ്ണങ്ങൾ ഉപ്പിട്ട വെള്ളത്തിൽ കഴുകി ഉണക്കിയ ശേഷം ചൂടുള്ള എണ്ണയിൽ സ്വർണ്ണനിറമാകുന്നത് വരെ വറുത്തെടുക്കുക. ഒരു ചെറിയ പാത്രത്തിൽ മയോണൈസും ടൊമാറ്റോ കെച്ചപ്പും അല്പം കുരുമുളക് പൊടിയും ചേർത്ത് നന്നായി യോജിപ്പിക്കുക.

ഒരു സെർവിങ് പ്ലേറ്റിൽ ആദ്യം വറുത്ത ഫ്രഞ്ച് ഫ്രൈസ് നിരത്തുക. ഇതിനു മുകളിലായി വറുത്തു വെച്ച ചിക്കൻ കഷ്ണങ്ങൾ വിതറണം. തയ്യാറാക്കിയ സോസ് മിക്സ് ഇതിനു മുകളിലായി ഒഴിക്കുക. ശേഷം ചീസ് ഗ്രേറ്റ് ചെയ്ത് ചേർക്കുക.

ചീസ് ഉരുകാനായി ഇത് 1 മിനിറ്റ് ഓവനിലോ അല്ലെങ്കിൽ അടച്ചു വെച്ച് ചെറിയ തീയിലോ വെക്കാവുന്നതാണ്. മുകളിൽ മല്ലിയിലയോ സ്പ്രിംഗ് ഒണിയനോ വിതറി ചൂടോടെ വിളമ്പാം.

### Related Links & Sources
- [Original Story Source](https://truevisionnews.com/news/350302/how-to-make-chicken-loaded-fries)