---
title: "ലൈംഗിക പീഡന പരാതി; പ്രശോഭ് സി.വത്സനെ കോൺഗ്രസ് പുറത്താക്കി"
english_title: "Sexual harassment complaint; Congress expels Prasobh C. Vatsan"
publisher: "truevisionnews.com"
canonical_url: "https://truevisionnews.com/news/350149/sexual-harassment-complaint-congress-expels-prasobh-c-vatsan"
published_at: "2026-03-28T08:33:00+05:30"
category: "Kerala"
language: "ml"
image: "https://cf.zdn.im/img/truevisionnews.com/0/image-uploads/69c745204df20_case.jpg"
keywords: []
---

# ലൈംഗിക പീഡന പരാതി; പ്രശോഭ് സി.വത്സനെ കോൺഗ്രസ് പുറത്താക്കി

> **Lead Summary:** **പാലക്കാട്: ** ലൈംഗികപീഡന പരാതിയിൽ പാലക്കാട് നഗരസഭ കൗൺസിലറും കോൺഗ്രസ് നേതാവുമായ പ്രശോഭ് സി. വത്സനെ പാർട്ടിയിൽ നിന്ന് പുറത്താക്കി. കെപിസിസി നേതൃത്വത്തിന്‍റെ നിർദേശ പ്രകാരമാണ് നടപടി.

## Article Content

**പാലക്കാട്: ** ലൈംഗികപീഡന പരാതിയിൽ പാലക്കാട് നഗരസഭ കൗൺസിലറും കോൺഗ്രസ് നേതാവുമായ പ്രശോഭ് സി. വത്സനെ പാർട്ടിയിൽ നിന്ന് പുറത്താക്കി. കെപിസിസി നേതൃത്വത്തിന്‍റെ നിർദേശ പ്രകാരമാണ് നടപടി.

ധാർമികത ഉണ്ടെങ്കിൽ കൗൺസിലർ സ്ഥാനം രാജിവെക്കണമെന്ന് ഡിസിസി പ്രസിഡന്‍റ് എ.തങ്കപ്പൻ പറഞ്ഞു. പരാതി നൽകിയ യുവതിയുടെ മൊഴി പൊലീസ് ഇന്ന് രേഖപ്പെടുത്തും.

ജോലി വാഗ്ദാനം ചെയ്ത് താമസ സ്ഥലത്തെത്തി പീഡിപ്പിച്ചുവെന്ന് ദലിത് യുവതിയാണ് പീഡന പരാതി നൽകിയത്. പാലക്കാട് ജില്ലാ ആശുപത്രിക്ക് സമീപത്ത് വെച്ച് കാറിൽ വെച്ച് പീഡിപ്പിച്ചതായും പരാതിയിൽ പറയുന്നു.

പട്ടാമ്പിയിലെ ഒരു വ്യാപാര സ്ഥാപനത്തിൽ ജോലി നൽകാമെന്ന് പറഞ്ഞ് കാറിൽ കയറ്റി കൊണ്ടുപോയി, കാറിൽ വെച്ചും പീഡനത്തിനിരയാക്കി. പാലക്കാട് ജില്ല ആശുപത്രിക്ക് സമീപം വെച്ചും പീഡനമുണ്ടായി. ഇത് കൂടാതെ പാലക്കാട്ടെ ഒരു ഹോട്ടലിലേക്ക് ഭീഷണിപ്പെടുത്തി വിളിച്ചുവരുത്തി പീഡിപ്പിക്കാനും ശ്രമിച്ചു. ഈ സമയത്ത് മൊബൈൽ ഫോണിൽ ദൃശ്യങ്ങൾ പകർത്തി എന്ന് യുവതി പറയുന്നു.പാലക്കാട് ന​ഗരസഭ 24ാം വാർഡിലെ കൗൺസിലറാണ് പ്രശോഭ്.

### Related Links & Sources
- [Original Story Source](https://truevisionnews.com/news/350149/sexual-harassment-complaint-congress-expels-prasobh-c-vatsan)