---
title: "ഒരു സിക്സറിന് എത്ര രൂപ? ഐപിഎൽ ചിയർ ലീഡർമാരുടെ പ്രതിഫലം കേട്ടാൽ നിങ്ങൾ ഞെട്ടും! കെകെആർ ഒന്നാമത്!"
english_title: "You will be shocked to hear the remuneration of IPL cheerleaders"
publisher: "truevisionnews.com"
canonical_url: "https://truevisionnews.com/news/349954/you-will-be-shocked-to-hear-the-remuneration-of-ipl-cheerleaders"
published_at: "2026-03-27T09:23:00+05:30"
category: "Sports"
language: "ml"
image: "https://cf.zdn.im/img/truevisionnews.com/0/image-uploads/69c5ff91ed993_2.jpg"
keywords: []
---

# ഒരു സിക്സറിന് എത്ര രൂപ? ഐപിഎൽ ചിയർ ലീഡർമാരുടെ പ്രതിഫലം കേട്ടാൽ നിങ്ങൾ ഞെട്ടും! കെകെആർ ഒന്നാമത്!

> **Lead Summary:** **മുംബൈ: [ **ഐപിഎൽ ആരവങ്ങൾക്കൊപ്പം സ്റ്റേഡിയങ്ങളിൽ ആവേശം നിറയ്ക്കുന്ന ചിയർ ലീഡർമാരുടെ പ്രതിഫലത്തെക്കുറിച്ചുള്ള കൗതുകകരമായ വിവരങ്ങൾ പുറത്തുവരുന്നു. കോടികൾ മറിയുന്ന ടൂർണമെന്റിൽ കളിക്കാരെപ്പോലെ തന്നെ ശ്രദ്ധാകേന്ദ്രങ്ങളായ ഈ നർത്തകർക്ക് ഓരോ ഫ്രാഞ്ചൈസിയും വ്യത്യസ്തമായ തുകയാണ് പ്രതിഫലമായി നൽകുന്നത്.

## Article Content

**മുംബൈ: [ **ഐപിഎൽ ആരവങ്ങൾക്കൊപ്പം സ്റ്റേഡിയങ്ങളിൽ ആവേശം നിറയ്ക്കുന്ന ചിയർ ലീഡർമാരുടെ പ്രതിഫലത്തെക്കുറിച്ചുള്ള കൗതുകകരമായ വിവരങ്ങൾ പുറത്തുവരുന്നു. കോടികൾ മറിയുന്ന ടൂർണമെന്റിൽ കളിക്കാരെപ്പോലെ തന്നെ ശ്രദ്ധാകേന്ദ്രങ്ങളായ ഈ നർത്തകർക്ക് ഓരോ ഫ്രാഞ്ചൈസിയും വ്യത്യസ്തമായ തുകയാണ് പ്രതിഫലമായി നൽകുന്നത്.

റിപ്പോർട്ടുകൾ പ്രകാരം കൊൽക്കത്ത നൈറ്റ് റൈഡേഴ്സാണ് തങ്ങളുടെ ചിയർ ലീഡർമാർക്ക് ഏറ്റവും ഉയർന്ന പ്രതിഫലം നൽകുന്നത്; ഒരു മത്സരത്തിന് ഏകദേശം 24,000 മുതൽ 25,000 രൂപ വരെയാണ് കെകെആർ നൽകുന്ന തുക.

മുംബൈ ഇന്ത്യൻസ്, ആർസിബി എന്നീ ടീമുകൾ ഏകദേശം 20,000 രൂപയും, ചെന്നൈ സൂപ്പർ കിങ്‌സ് 17,000 രൂപയും നൽകുമ്പോൾ പഞ്ചാബ്, ഹൈദരാബാദ്, ഡൽഹി ടീമുകൾ 12,000 മുതൽ 15,000 രൂപ വരെയാണ് നൽകിവരുന്നത്.

മത്സര പ്രതിഫലത്തിന് പുറമെ മറ്റ് പല മാർഗങ്ങളിലൂടെയും ഇവർക്ക് വരുമാനം ലഭിക്കുന്നുണ്ട് എന്നത് ശ്രദ്ധേയമാണ്. തങ്ങൾ പ്രതിനിധീകരിക്കുന്ന ടീം വിജയിക്കുകയാണെങ്കിൽ മിക്ക ഫ്രാഞ്ചൈസികളും 3,000 രൂപ അധിക ബോണസായി നൽകാറുണ്ട്.

കൂടാതെ, സ്പോൺസർമാരുടെ പാർട്ടികൾ, കോർപ്പറേറ്റ് ഇവന്റുകൾ, പ്രൊമോഷണൽ ഫോട്ടോഷൂട്ടുകൾ എന്നിവയിൽ പങ്കെടുക്കുന്നതിന് ഓരോ സെഷനും 5,000 മുതൽ 12,000 രൂപ വരെ അധികമായി ലഭിക്കും.

വിദേശത്തുനിന്നും മറ്റും എത്തുന്ന ഇവർക്ക് വിമാന ടിക്കറ്റ്, പഞ്ചനക്ഷത്ര ഹോട്ടലുകളിലെ താമസം, ഭക്ഷണം എന്നിവയെല്ലാം ഫ്രാഞ്ചൈസികൾ തന്നെയാണ് ഒരുക്കുന്നത്. താരങ്ങളുമായി താരതമ്യം ചെയ്യുമ്പോൾ പ്രതിഫലം കുറവാണെങ്കിലും, കഠിനമായ പരിശീലനവും തുടർച്ചയായ യാത്രകളും ആവശ്യമുള്ള ഈ മേഖലയിൽ മികച്ച സൗകര്യങ്ങളാണ് ടീമുകൾ ഇവർക്കായി നൽകുന്നത്.

### Related Links & Sources
- [Original Story Source](https://truevisionnews.com/news/349954/you-will-be-shocked-to-hear-the-remuneration-of-ipl-cheerleaders)