---
title: "നിയമസഭാ തിരഞ്ഞെടുപ്പ്: സ്ഥാനാർഥികൾക്ക് ചെലവാക്കാവുന്ന പരമാവധി തുക 40 ലക്ഷം; റേറ്റ് ചാർട്ട് പ്രസിദ്ധീകരിച്ചു"
english_title: "A candidate can spend a maximum of Rs 40 lakh."
publisher: "truevisionnews.com"
canonical_url: "https://truevisionnews.com/news/349679/a-candidate-can-spend-a-maximum-of-rs-40-lakh"
published_at: "2026-03-25T16:08:00+05:30"
category: "Kerala"
language: "ml"
image: "https://cf.zdn.im/img/truevisionnews.com/0/image-uploads/69c3bc10d843c_21.jpg"
keywords: []
---

# നിയമസഭാ തിരഞ്ഞെടുപ്പ്: സ്ഥാനാർഥികൾക്ക് ചെലവാക്കാവുന്ന പരമാവധി തുക 40 ലക്ഷം; റേറ്റ് ചാർട്ട് പ്രസിദ്ധീകരിച്ചു

> **Lead Summary:** **ആലപ്പുഴ:[ **നിയമസഭ തിരഞ്ഞെടുപ്പിൽ ഒരു സ്ഥാനാർഥിക്ക് ചെലവഴിക്കാവുന്ന പരമാവധി തുക 40 ലക്ഷം രൂപയായി നിശ്ചയിച്ച സാഹചര്യത്തിൽ, പ്രചാരണ സാമഗ്രികളുടെയും വാഹനങ്ങളുടെയും നിരക്ക് സംബന്ധിച്ച റേറ്റ് ചാർട്ട് ആലപ്പുഴ ജില്ലാ കളക്ടർ പ്രസിദ്ധീകരിച്ചു.

## Article Content

**ആലപ്പുഴ:[ **നിയമസഭ തിരഞ്ഞെടുപ്പിൽ ഒരു സ്ഥാനാർഥിക്ക് ചെലവഴിക്കാവുന്ന പരമാവധി തുക 40 ലക്ഷം രൂപയായി നിശ്ചയിച്ച സാഹചര്യത്തിൽ, പ്രചാരണ സാമഗ്രികളുടെയും വാഹനങ്ങളുടെയും നിരക്ക് സംബന്ധിച്ച റേറ്റ് ചാർട്ട് ആലപ്പുഴ ജില്ലാ കളക്ടർ പ്രസിദ്ധീകരിച്ചു.

സ്ഥാനാർഥികളും രാഷ്ട്രീയ പാർട്ടികളും നടത്തുന്ന ഓരോ ചെലവും കൃത്യമായി കണക്കാക്കുന്നതിനാണ് ഈ ഏകീകൃത നിരക്ക് പട്ടിക തയ്യാറാക്കിയിരിക്കുന്നത്. പ്രചാരണത്തിനായി ഉപയോഗിക്കുന്ന വിവിധ ഉപകരണങ്ങൾക്കും സേവനങ്ങൾക്കും ഈ ചാർട്ടിൽ പറയുന്ന തുകയുടെ അടിസ്ഥാനത്തിലായിരിക്കും തിരഞ്ഞെടുപ്പ് ഉദ്യോഗസ്ഥർ ഔദ്യോഗികമായി ചെലവ് രേഖപ്പെടുത്തുക.

തിരഞ്ഞെടുപ്പ് ചെലവുകൾ നിരീക്ഷിക്കുന്നതിന്റെ ഭാഗമായി സ്ഥാനാർഥികൾ തങ്ങളുടെ ദൈനംദിന ചെലവുകൾ പ്രത്യേകം രജിസ്റ്ററിൽ രേഖപ്പെടുത്തി സൂക്ഷിക്കേണ്ടതുണ്ട്. ഇത്തരത്തിൽ തയ്യാറാക്കുന്ന കണക്കുകൾ റേറ്റ് ചാർട്ടിലെ നിരക്കുകളുമായി പൊരുത്തപ്പെടുന്നുണ്ടെന്ന് ഉറപ്പുവരുത്തും.

നിലവിൽ പ്രസിദ്ധീകരിച്ചിട്ടുള്ള ഈ നിരക്ക് പട്ടികയുടെ പകർപ്പുകൾ പരിശോധനയ്ക്കായി കളക്ട്രേറ്റിലെ തിരഞ്ഞെടുപ്പ് ചെലവ് നിരീക്ഷണ സെല്ലിലും ഫിനാൻസ് ഓഫീസറുടെ കാര്യാലയത്തിലും ലഭ്യമാണെന്നും ജില്ലാ തിരഞ്ഞെടുപ്പ് ഓഫീസർ കൂടിയായ കളക്ടർ അറിയിച്ചു.

### Related Links & Sources
- [Original Story Source](https://truevisionnews.com/news/349679/a-candidate-can-spend-a-maximum-of-rs-40-lakh)