---
title: "പ്രധാനമന്ത്രിയാണ് യഥാർത്ഥ നുഴഞ്ഞുകയറ്റക്കാരൻ; മോദിക്കെതിരെ രൂക്ഷവിമർശനവുമായി മമത ബാനർജി"
english_title: "The Prime Minister is the real infiltrator; Mamata Banerjee lashes out at Modi"
publisher: "truevisionnews.com"
canonical_url: "https://truevisionnews.com/news/349048/the-prime-minister-is-the-real-infiltrator-mamata-banerjee-lashes-out-at-modi"
published_at: "2026-03-21T23:41:00+05:30"
category: "National"
language: "ml"
image: "https://cf.zdn.im/img/truevisionnews.com/0/image-uploads/69bedf9bf1104_16.jpg"
keywords: []
---

# പ്രധാനമന്ത്രിയാണ് യഥാർത്ഥ നുഴഞ്ഞുകയറ്റക്കാരൻ; മോദിക്കെതിരെ രൂക്ഷവിമർശനവുമായി മമത ബാനർജി

> **Lead Summary:** **(https://truevisionnews.com/പ്ര**ധാനമന്ത്രി നരേന്ദ്ര മോദിക്കെതിരെ കടുത്ത ആരോപണങ്ങളുമായി പശ്ചിമ ബംഗാൾ മുഖ്യമന്ത്രി മമത ബാനർജി രംഗത്തെത്തി. രാജ്യത്തെ ഏറ്റവും വലിയ നുഴഞ്ഞുകയറ്റക്കാരൻ നരേന്ദ്ര മോദിയാണെന്ന് വിശേഷിപ്പിച്ച മമത, ബംഗാളിനെ തകർക്കാൻ ശ്രമിക്കുന്നവർക്ക് നരകത്തിലായിരിക്കും സ്ഥാനമെന്നും പറഞ്ഞു. കൊൽക്കത്തയിൽ നടന്ന ഈദ് ആഘോഷ ചടങ്ങിൽ സംസാരിക്കുകയായിരുന്നു അവർ. വോട്ടർപട്ടികയിൽ വരുത്തിയ പരിഷ്കാരങ്ങൾ വരാനിരിക്കുന്ന നിയമസഭാ തിരഞ്ഞെടുപ്പ് ഫലത്തെ സ്വാധീനിക്കാൻ ലക്ഷ്യമിട്ടുള്ളതാണെന്നും മമത കുറ്റപ്പെടുത്തി.

## Article Content

**(https://truevisionnews.com/പ്ര**ധാനമന്ത്രി നരേന്ദ്ര മോദിക്കെതിരെ കടുത്ത ആരോപണങ്ങളുമായി പശ്ചിമ ബംഗാൾ മുഖ്യമന്ത്രി മമത ബാനർജി രംഗത്തെത്തി. രാജ്യത്തെ ഏറ്റവും വലിയ നുഴഞ്ഞുകയറ്റക്കാരൻ നരേന്ദ്ര മോദിയാണെന്ന് വിശേഷിപ്പിച്ച മമത, ബംഗാളിനെ തകർക്കാൻ ശ്രമിക്കുന്നവർക്ക് നരകത്തിലായിരിക്കും സ്ഥാനമെന്നും പറഞ്ഞു. കൊൽക്കത്തയിൽ നടന്ന ഈദ് ആഘോഷ ചടങ്ങിൽ സംസാരിക്കുകയായിരുന്നു അവർ. വോട്ടർപട്ടികയിൽ വരുത്തിയ പരിഷ്കാരങ്ങൾ വരാനിരിക്കുന്ന നിയമസഭാ തിരഞ്ഞെടുപ്പ് ഫലത്തെ സ്വാധീനിക്കാൻ ലക്ഷ്യമിട്ടുള്ളതാണെന്നും മമത കുറ്റപ്പെടുത്തി.

വോട്ടർപട്ടികയിൽ നിന്ന് നിരവധി ആളുകളുടെ പേരുകൾ നീക്കം ചെയ്യപ്പെട്ടതിനെതിരെ താൻ ശക്തമായ പോരാട്ടം തുടരുമെന്നും മമത വ്യക്തമാക്കി. ജനങ്ങളുടെ വോട്ടവകാശം തട്ടിയെടുക്കാൻ ബിജെപിയെ അനുവദിക്കില്ലെന്നും 'ബിജെപിയെ തുരത്തൂ, രാജ്യത്തെ രക്ഷിക്കൂ' എന്ന മുദ്രാവാക്യം ഉയർത്തണമെന്നും അവർ ജനങ്ങളോട് ആഹ്വാനം ചെയ്തു. കേന്ദ്ര സർക്കാരിന്റെ നടപടികൾക്കെതിരെ ഡൽഹി വരെ പോയി പ്രതിഷേധിക്കാനും നിയമപോരാട്ടം നടത്താനും താൻ തയ്യാറാണെന്നും മമത കൂട്ടിച്ചേർത്തു.

അതേസമയം, മമതയുടെ വിമർശനങ്ങൾക്കെതിരെ ബിജെപി രംഗത്തെത്തിയിട്ടുണ്ട്. തിരഞ്ഞെടുപ്പിലെ പരാജയഭീതി മൂലമാണ് മമത ഇത്തരം അടിസ്ഥാനരഹിതമായ ആരോപണങ്ങൾ ഉന്നയിക്കുന്നതെന്ന് ബിജെപി നേതൃത്വം പ്രതികരിച്ചു. വോട്ടർപട്ടികയുമായി ബന്ധപ്പെട്ട ക്രമക്കേടുകൾ ആരോപിച്ച് മമത നേരത്തെ സുപ്രീംകോടതിയെ സമീപിച്ചത് വലിയ രാഷ്ട്രീയ ചർച്ചകൾക്ക് വഴിവെച്ചിരുന്നു. ഏപ്രിൽ 23, 29 തീയതികളിലായി രണ്ട് ഘട്ടങ്ങളായാണ് ബംഗാളിൽ വോട്ടെടുപ്പ് നടക്കുന്നത്.

### Related Links & Sources
- [Original Story Source](https://truevisionnews.com/news/349048/the-prime-minister-is-the-real-infiltrator-mamata-banerjee-lashes-out-at-modi)