---
title: "'എൽഡിഎഫിന് മൂന്നാം ഊഴം ഉണ്ടാകില്ല, സംഭവിച്ചതെല്ലാം സ്പോർട്സ്മാൻ സ്പിരിറ്റിൽ എടുക്കുന്നു' - കെ സുധാകരൻ"
english_title: "KSudhakaran says UDF will come to power in the assembly elections"
publisher: "truevisionnews.com"
canonical_url: "https://truevisionnews.com/news/348912/ksudhakaran-says-udf-will-come-to-power-in-the-assembly-elections-new"
published_at: "2026-03-21T11:39:00+05:30"
category: "Kerala"
language: "ml"
image: "https://cf.zdn.im/img/truevisionnews.com/0/image-uploads/69be36926a944_k_sudhakaran_.jpg"
keywords: []
---

# 'എൽഡിഎഫിന് മൂന്നാം ഊഴം ഉണ്ടാകില്ല, സംഭവിച്ചതെല്ലാം സ്പോർട്സ്മാൻ സ്പിരിറ്റിൽ എടുക്കുന്നു' - കെ സുധാകരൻ

> **Lead Summary:** **കണ്ണൂര്‍: **വരാനിരിക്കുന്ന നിയമസഭാ തെരഞ്ഞെടുപ്പിൽ യുഡിഎഫ് അധികാരം പിടിക്കുമെന്ന് കെ സുധാകരൻ. ഇടതുപക്ഷത്തിന്റെ ഉറച്ച കോട്ടകൾ ഇത്തവണ കോൺഗ്രസ് പിടിച്ചെടുക്കുമെന്നും എൽഡിഎഫിന് മൂന്നാം ഊഴം ഉണ്ടാകില്ലെന്നും കെ സുധാകരൻ പറഞ്ഞു.

## Article Content

**കണ്ണൂര്‍: **വരാനിരിക്കുന്ന നിയമസഭാ തെരഞ്ഞെടുപ്പിൽ യുഡിഎഫ് അധികാരം പിടിക്കുമെന്ന് കെ സുധാകരൻ. ഇടതുപക്ഷത്തിന്റെ ഉറച്ച കോട്ടകൾ ഇത്തവണ കോൺഗ്രസ് പിടിച്ചെടുക്കുമെന്നും എൽഡിഎഫിന് മൂന്നാം ഊഴം ഉണ്ടാകില്ലെന്നും കെ സുധാകരൻ പറഞ്ഞു.

മനസ് മടുത്ത് പോകുന്ന ആളല്ലെന്ന് താനെന്നും സംഭവിച്ചതെല്ലാം സ്പോർട്സ്മാൻ സ്പിരിറ്റിൽ എടുക്കുന്നുവെന്നും അദ്ദേഹം കൂട്ടിച്ചേര്‍ത്തു. പാർട്ടി നേതാക്കൾ എന്നെ ഉപദേശിച്ചു. അത് അംഗീകരിക്കാനുള്ള ഉത്തരവാദിത്തം എനിക്കുണ്ടെന്നും സുധാകരൻ പ്രതികരിച്ചു.

സംസ്ഥാന രാഷ്ട്രീയത്തിൽ സജീവമാകണമെന്ന് ആഗ്രഹിച്ചു. രാഹുൽ ഗാന്ധിയുമായി സംസാരിച്ചിരുന്നുവെന്നും അവർക്കും പരിമിതികൾ ഉണ്ടായിരുന്നുവെന്നും കെ സുധാകരൻ പറഞ്ഞു. നിയമസഭയിലേക്ക് മത്സരിക്കാമെന്ന് വാഗ്ദാനം ഉണ്ടായിരുന്നില്ല.

വി ഡി സതീശനുമായി പ്രശ്നമില്ലെന്നും സതീശൻ കടുത്ത നിലപാടൊന്നും സ്വീകരിച്ചില്ലെന്നും സുധാകരൻ കൂട്ടിച്ചേര്‍ത്തു. സതീശനുമായി ശത്രുത ഉണ്ടെന്ന് വരുത്താൻ ശ്രമം ഉണ്ടായി. എന്നും നല്ല ഉപദേശം നൽകുന്ന നേതാവാണ് എ കെ ആന്റണിയെന്നും വിവാദങ്ങൾക്കിടെ രണ്ടുതവണ ആന്റണി വിളിച്ചിരുന്നുവെന്നും സുധാകരൻ പറഞ്ഞു. അദ്ദേഹം കൂട്ടിച്ചേര്‍ത്തു. പരമാവധി ഇടങ്ങളിൽ പ്രചാരണത്തിന് പോകുമെന്നും അദ്ദേഹം കൂട്ടിച്ചേര്‍ത്തു.

### Related Links & Sources
- [Original Story Source](https://truevisionnews.com/news/348912/ksudhakaran-says-udf-will-come-to-power-in-the-assembly-elections-new)