---
title: "'മദ്യപാനം പൂർണ്ണമായും നിർത്തി; ലക്ഷ്യം ഐപിഎലിൽ ശ്രദ്ധ കേന്ദ്രീകരിക്കാൻ': വെളിപ്പെടുത്തലുമായി യുസ്‌വേന്ദ്ര ചഹൽ"
english_title: "Yuzvendra Chahal makes a revelation"
publisher: "truevisionnews.com"
canonical_url: "https://truevisionnews.com/news/348677/yuzvendra-chahal-makes-a-revelation"
published_at: "2026-03-19T21:10:00+05:30"
category: "Sports"
language: "ml"
image: "https://cf.zdn.im/img/truevisionnews.com/0/image-uploads/69bc1951ec9d7_11.jpg"
keywords: []
---

# 'മദ്യപാനം പൂർണ്ണമായും നിർത്തി; ലക്ഷ്യം ഐപിഎലിൽ ശ്രദ്ധ കേന്ദ്രീകരിക്കാൻ': വെളിപ്പെടുത്തലുമായി യുസ്‌വേന്ദ്ര ചഹൽ

> **Lead Summary:** ഐപിഎല്ലിൽ മികച്ച പ്രകടനം കാഴ്ചവെക്കുന്നതിനും കായികക്ഷമത നിലനിർത്തുന്നതിനുമായി മദ്യപാനം പൂർണ്ണമായും ഉപേക്ഷിച്ചതായി ഇന്ത്യൻ സ്പിന്നർ യുസ്വേന്ദ്ര ചഹൽ. പഞ്ചാബ് കിങ്‌സ് താരമായ ചഹൽ, പുതിയ സീസണിന് മുന്നോടിയായി നടത്തിയ പരിശീലനത്തിനിടെയാണ് തന്റെ ജീവിതശൈലിയിൽ വരുത്തിയ ഈ മാറ്റത്തെക്കുറിച്ച് വെളിപ്പെടുത്തിയത്.

## Article Content

ഐപിഎല്ലിൽ മികച്ച പ്രകടനം കാഴ്ചവെക്കുന്നതിനും കായികക്ഷമത നിലനിർത്തുന്നതിനുമായി മദ്യപാനം പൂർണ്ണമായും ഉപേക്ഷിച്ചതായി ഇന്ത്യൻ സ്പിന്നർ യുസ്വേന്ദ്ര ചഹൽ. പഞ്ചാബ് കിങ്‌സ് താരമായ ചഹൽ, പുതിയ സീസണിന് മുന്നോടിയായി നടത്തിയ പരിശീലനത്തിനിടെയാണ് തന്റെ ജീവിതശൈലിയിൽ വരുത്തിയ ഈ മാറ്റത്തെക്കുറിച്ച് വെളിപ്പെടുത്തിയത്.

കഴിഞ്ഞ ആറുമാസമായി താൻ മദ്യം തൊട്ടിട്ടില്ലെന്നും, 35-ാം വയസ്സിലും ടീമിനായി 150 ശതമാനം പ്രകടനം പുറത്തെടുക്കുകയാണ് ലക്ഷ്യമെന്നും താരം വ്യക്തമാക്കി.

എബി ഡിവില്ലിയേഴ്സിന്റെ യൂട്യൂബ് ചാനലിന് നൽകിയ അഭിമുഖത്തിലാണ് ചഹൽ മനസ്സ് തുറന്നത്. ഐപിഎല്ലിലൂടെ ഇന്ത്യൻ ദേശീയ ടീമിലേക്ക് ശക്തമായ തിരിച്ചുവരവ് നടത്താമെന്നാണ് താരം പ്രതീക്ഷിക്കുന്നത്.

ഇത്തവണ 18 കോടി രൂപയ്ക്കാണ് പഞ്ചാബ് കിങ്‌സ് ചഹലിനെ സ്വന്തമാക്കിയത്. സീനിയർ താരം എന്ന നിലയിൽ പുതിയ കളിക്കാർക്ക് മാതൃകയാകണമെന്നും ഫിറ്റ്‌നസ് മെച്ചപ്പെടുത്തി കിരീടം നേടുകയാണ് തന്റെ ലക്ഷ്യമെന്നും അദ്ദേഹം കൂട്ടിച്ചേർത്തു.

### Related Links & Sources
- [Original Story Source](https://truevisionnews.com/news/348677/yuzvendra-chahal-makes-a-revelation)