---
title: "സുരക്ഷാ കൗൺസിൽ മേധാവി അലി ലാരിജാനിയെ വധിച്ചെന്ന് സ്ഥിരീകരിച്ച് ഇറാൻ "
english_title: "Iran confirms assassination of Security Council chief Ali Larijani"
publisher: "truevisionnews.com"
canonical_url: "https://truevisionnews.com/news/348312/iran-confirms-assassination-of-security-council-chief-ali-larijani"
published_at: "2026-03-18T08:02:00+05:30"
category: "International"
language: "ml"
image: "https://cf.zdn.im/img/truevisionnews.com/0/image-uploads/69ba0f1911282_4.jpg"
keywords: []
---

# സുരക്ഷാ കൗൺസിൽ മേധാവി അലി ലാരിജാനിയെ വധിച്ചെന്ന് സ്ഥിരീകരിച്ച് ഇറാൻ 

> **Lead Summary:** ഇറാന്റെ ദേശീയ സുരക്ഷാ കൗൺസിൽ മേധാവി അലി ലാരിജാനി ഇസ്രായേൽ നടത്തിയ വ്യോമാക്രമണത്തിൽ കൊല്ലപ്പെട്ടതായി ഇറാൻ ഔദ്യോഗികമായി സ്ഥിരീകരിച്ചു. ലാരിജാനിക്കൊപ്പം ബാസിജ് ഫോഴ്സ് കമാൻഡർ ഗുലൈം റസ സുലൈമാനിയും കൊല്ലപ്പെട്ടതായാണ് റിപ്പോർട്ട്. ഇറാൻ സുരക്ഷാ കൗൺസിൽ പുറത്തിറക്കിയ പ്രസ്താവനയിലൂടെയാണ് ഈ ഉന്നതതല വധശിക്ഷ സ്ഥിരീകരിച്ചത്.

## Article Content

ഇറാന്റെ ദേശീയ സുരക്ഷാ കൗൺസിൽ മേധാവി അലി ലാരിജാനി ഇസ്രായേൽ നടത്തിയ വ്യോമാക്രമണത്തിൽ കൊല്ലപ്പെട്ടതായി ഇറാൻ ഔദ്യോഗികമായി സ്ഥിരീകരിച്ചു. ലാരിജാനിക്കൊപ്പം ബാസിജ് ഫോഴ്സ് കമാൻഡർ ഗുലൈം റസ സുലൈമാനിയും കൊല്ലപ്പെട്ടതായാണ് റിപ്പോർട്ട്. ഇറാൻ സുരക്ഷാ കൗൺസിൽ പുറത്തിറക്കിയ പ്രസ്താവനയിലൂടെയാണ് ഈ ഉന്നതതല വധശിക്ഷ സ്ഥിരീകരിച്ചത്.

അലി ലാരിജാനിയുടെ വിയോഗത്തിൽ ഇറാൻ പ്രസിഡന്റ് മസ്ഊദ് പെസഷ്‌കിയാൻ അഗാധമായ ദുഃഖം രേഖപ്പെടുത്തി. രാജ്യത്തിന്റെ ഭാവിയെക്കുറിച്ച് വ്യക്തമായ കാഴ്ചപ്പാടുള്ള മികച്ചൊരു നേതാവിനെയാണ് നഷ്ടമായതെന്ന് അദ്ദേഹം അനുസ്മരിച്ചു. കഴിഞ്ഞ ദിവസം നടന്ന ആക്രമണത്തിൽ ലാരിജാനിയുടെ മകനും സഹായി അലി റസ ബയാത്തും അംഗരക്ഷകരും ഉൾപ്പെടെ നിരവധി പേർക്ക് ജീവൻ നഷ്ടമായതായും ഇറാൻ വ്യക്തമാക്കിയിട്ടുണ്ട്.

ഫെബ്രുവരി 28-ന് ആയത്തുല്ല അലി ഖാംനഈ കൊല്ലപ്പെട്ടതിന് ശേഷം ഇറാന്റെ സൈനിക-രാഷ്ട്രീയ നയരൂപീകരണത്തിൽ നിർണ്ണായക പങ്കുവഹിച്ചിരുന്ന വ്യക്തിയായിരുന്നു ലാരിജാനി. അദ്ദേഹത്തിന്റെ മരണം ഇറാന്റെ പ്രതിരോധ സംവിധാനങ്ങൾക്ക് വലിയ ആഘാതമാണ് സൃഷ്ടിച്ചിരിക്കുന്നത്. ഇറാന്റെ കമാൻഡ് ആൻഡ് കൺട്രോൾ ശൃംഖലയെ പൂർണ്ണമായും തകർക്കുക എന്ന ലക്ഷ്യത്തോടെയാണ് ഈ ഉന്നതതല ആക്രമണം നടത്തിയതെന്ന് ഇസ്രായേൽ സൈനിക മേധാവി ലെഫ്റ്റനന്റ് ജനറൽ ഇയാൽ സമീർ പ്രതികരിച്ചു.

### Related Links & Sources
- [Original Story Source](https://truevisionnews.com/news/348312/iran-confirms-assassination-of-security-council-chief-ali-larijani)