---
title: "അബ്രാർ അഹമ്മദിനെ ചൊല്ലിയുള്ള ഗവാസ്‌കറുടെ പരാമർശത്തിനെതിരെ മുന്‍  ഇംഗ്ലണ്ട് താരം"
english_title: "Asim Rafique opposes Gavaskar's remarks on Abrar Ahmed"
publisher: "truevisionnews.com"
canonical_url: "https://truevisionnews.com/news/348285/asim-rafique-opposes-gavaskars-remarks-on-abrar-ahmed"
published_at: "2026-03-17T20:27:00+05:30"
category: "Sports"
language: "ml"
image: "https://cf.zdn.im/img/truevisionnews.com/0/image-uploads/69b96cfab808a_12.jpg"
keywords: []
---

# അബ്രാർ അഹമ്മദിനെ ചൊല്ലിയുള്ള ഗവാസ്‌കറുടെ പരാമർശത്തിനെതിരെ മുന്‍  ഇംഗ്ലണ്ട് താരം

> **Lead Summary:** ലണ്ടനിലെ ദി ഹണ്ട്രഡ് ക്രിക്കറ്റ് ലീഗിൽ പാകിസ്ഥാൻ സ്പിന്നർ അബ്രാർ അഹമ്മദിനെ ഉൾപ്പെടുത്തിയതുമായി ബന്ധപ്പെട്ട് ക്രിക്കറ്റ് ലോകത്ത് വാക്പോര് മുറുകുന്നു. ഐപിഎൽ ടീമായ സൺറൈസേഴ്‌സ് ഹൈദരാബാദിന്റെ ഉടമസ്ഥതയിലുള്ള 'സൺറൈസേഴ്‌സ് ലീഡ്‌സ്' അബ്രാർ അഹമ്മദിനെ ഏകദേശം 2.34 കോടി രൂപയ്ക്ക് സ്വന്തമാക്കിയതാണ് വിവാദങ്ങൾക്ക് ആധാരം. ഇന്ത്യൻ ഇതിഹാസം സുനിൽ ഗവാസ്‌കർ ഈ നീക്കത്തെ ശക്തമായി വിമർശിച്ചപ്പോൾ, മുൻ ഇംഗ്ലീഷ് താരം അസീം റഫീഖ് ഗവാസ്‌കർക്കെതിരെ രംഗത്തെത്തി.

## Article Content

ലണ്ടനിലെ ദി ഹണ്ട്രഡ് ക്രിക്കറ്റ് ലീഗിൽ പാകിസ്ഥാൻ സ്പിന്നർ അബ്രാർ അഹമ്മദിനെ ഉൾപ്പെടുത്തിയതുമായി ബന്ധപ്പെട്ട് ക്രിക്കറ്റ് ലോകത്ത് വാക്പോര് മുറുകുന്നു. ഐപിഎൽ ടീമായ സൺറൈസേഴ്‌സ് ഹൈദരാബാദിന്റെ ഉടമസ്ഥതയിലുള്ള 'സൺറൈസേഴ്‌സ് ലീഡ്‌സ്' അബ്രാർ അഹമ്മദിനെ ഏകദേശം 2.34 കോടി രൂപയ്ക്ക് സ്വന്തമാക്കിയതാണ് വിവാദങ്ങൾക്ക് ആധാരം. ഇന്ത്യൻ ഇതിഹാസം സുനിൽ ഗവാസ്‌കർ ഈ നീക്കത്തെ ശക്തമായി വിമർശിച്ചപ്പോൾ, മുൻ ഇംഗ്ലീഷ് താരം അസീം റഫീഖ് ഗവാസ്‌കർക്കെതിരെ രംഗത്തെത്തി.

> പാക് താരങ്ങൾക്കായി ചെലവാക്കുന്ന തുക അവിടുത്തെ ഭരണകൂടത്തിന് ആയുധങ്ങൾ വാങ്ങാൻ പരോക്ഷമായി സഹായകരമായേക്കാമെന്ന ആശങ്കയാണ് ഗവാസ്‌കർ തന്റെ പത്രക്കോളത്തിലൂടെ പങ്കുവെച്ചത്. "ഒരു കിരീടത്തേക്കാൾ വലുതല്ലേ ഇന്ത്യൻ ജനതയുടെ ജീവൻ?" എന്ന് അദ്ദേഹം ഫ്രാഞ്ചൈസി ഉടമകളോട് ചോദിച്ചു. ടീമിന്റെ വിദേശ പരിശീലകൻ ഡാനിയൽ വെട്ടോറിക്ക് ഇത്തരം സാഹചര്യങ്ങളുടെ രാഷ്ട്രീയ ഗൗരവം മനസ്സിലാകില്ലെങ്കിലും ഇന്ത്യൻ ഉടമകൾ ഇത് ശ്രദ്ധിക്കേണ്ടതായിരുന്നുവെന്നും അദ്ദേഹം കൂട്ടിച്ചേർത്തു.

എന്നാൽ ഗവാസ്‌കറുടെ പ്രസ്താവന അങ്ങേയറ്റം മോശമാണെന്നും അംഗീകരിക്കാനാവില്ലെന്നും അസീം റഫീഖ് പ്രതികരിച്ചു. കളിക്കളത്തിലെ നേട്ടങ്ങൾ ഇത്തരം മോശം പ്രസ്താവനകൾ നടത്താനുള്ള ലൈസൻസല്ലെന്ന് അദ്ദേഹം പറഞ്ഞു. ഇംഗ്ലീഷ് ക്രിക്കറ്റിലെ വംശീയതയ്‌ക്കെതിരെ പൊരുതിയ വ്യക്തിയാണ് പാക് വംശജനായ റഫീഖ്.

പാക് താരങ്ങളെ ഉൾപ്പെടുത്തുന്നതിൽ വിവേചനം പാടില്ലെന്ന് ഇംഗ്ലണ്ട് ക്രിക്കറ്റ് ബോർഡിന്റെ കർശന നിർദ്ദേശമുണ്ട്. എങ്കിലും ഇന്ത്യൻ ഉടമസ്ഥതയിലുള്ള ടീം പാക് താരത്തിന് വലിയ തുക നൽകിയതിനെതിരെ സോഷ്യൽ മീഡിയയിൽ പ്രതിഷേധം കടുക്കുകയാണ്.

### Related Links & Sources
- [Original Story Source](https://truevisionnews.com/news/348285/asim-rafique-opposes-gavaskars-remarks-on-abrar-ahmed)